روآية خآلد وسآرة رومآنسيه وروعه

اليوم جايب لكم قصة عجيبة رومانسية وحلوة وبتكون على شكل حلقات

واتمنى انها تنال اعجابكم وماراح اواصل النقل الا لما اشوف منكم تفاعل

ونبدا .................

قصه حب بمنتهى الروعه وطبعا قصه خياليه وقصه حب جميله جدا انصح الكل يقراها ..والقصه للامنه كاتبتها بنت

ولقبها ( فاتنة دبي)

والي يبى ينقل القصه يكتب اسم الكاتبه امانه في رقبته لأن حرام الكاتبه تعبت كثير في كتابة القصه ..

واتمنى التثبيت

الجزء الاول:

كانت ساره دلوعه اهله والكل يحبها وكانت تتمتع بجمال الصفات من جمال واخلاق طيبه وذكاء واما جمالها فخلوه على جنب لانها صدق كانت قمر ..كل الي يشوفها ينجن على جمالها .. وهي عمرها 19 سنه يعني في اول سنه جامعه وعندها صديقه روح بالروح معاهاوهي اسمه ريم لان ساره كانت وحيده فعشان كذا تعتبر ريم اختها وصديقتها وكل شي ..

ونبدا القصه :

ام ساره : حبيبتي سارونه وينك ساره

ساره : هلا يمه انا بغرفتي
طلعت ساره من غرفتها عشان تشوف امها وش تبي
ام ساره: وينك ساره من متى اناديك حبيبتي
ساره : يمه كنت اكلم ريم صديقتي .
ام ساره : وتضحك واله اني اغار من هالريم . كل وقتك معاها
وضحكت ساره وحضنت امها وقالت : محد مثلك ياأ حلى واروع ام بالعالم ..
ام ساره : ياله خلي عنك هالكلام : أقول حبيبتي سارونه لاتنسين عزيمه خالتك لنجاح بنته نوره من الثانويه
ساره : اكيد يمه ماني ناسيه افا وانا اقدر انسى نجاح نوره .
وراحت ساره واتلبست ولبست احلى ما عندها واتمكيجت بمكياج خفيف وبسيط
ام ساره : دخلت على ساره تشوفها خلصت ولا لأ
وشافت ام ساره ساره بجمالها وكشختها وقالت لها : ماشاء الله عليك يا بنتي طالعه مثل القمر اقري على عمرك يا بنتي اخاف يحسدونك
ساره وهي مبتسمه : على وشو يحسدوني يمه
ام ساره : سارونه بلا حركات تعرفين انك حلوه والكل يمدح فيك من صغرك
ساره :" اكيد لاني طالعه على امي حبيبة عمري
صدقها الام لان ساره مهوب بس حلوه بل فاتنه.. شعرها البني على العسلي وعيونها العسليات الحلوات الوساع الي كانها عيون الغزال وجسمها كان صدق متناسق كانها عارضه أزياء .
ام ساره: ياله خلي عنك هالكلام وياله نروح تاخرنا السواق يسنانا في السياره
وراحو كلهم العزيمه
وكانت ساره احلاهم
وجت ساره وسلمت على بنت خالتها نوره وباركتلها على نجاحها
نوره : زين جيتي وش هالتاخير كله ؟
ساره : بعد تعرفيني يوم اختار بدله ولبس كيف اتاخر
نوره : بس ماشاء عليك طالعه قمر .. غطيتي علي ..
وضحكت ساره
وقالتلها ساره: محد يغطي على رقه وحلاة بنت خالتي نوره
وجت من وراهم هند الي هي بعد بنت خالتها يعني اخت نوره وهند اكبر من ساره بسنتين وهند تغار من ساروه كثير لانها احلاهم ولان الكل يحبها ويحترمها
جت هند وقالت لها موب من خاطرها " هلا ساره
ساره: هلا بنت خالتي هند وش اخبارك واخبار الدوام
هند : اكيد تمام
وراحت عنها هند
ساره وهي مستغربه : وش بلاهاهند ليش متضايقه؟
نوره : لا حبيبتي هند ما فيها شي بس تعرفين كيف تفكر وهي تعرفينها من صغرها تغار منك
ساره : ليش تغار ..؟ هند حلوه وزينه
نوره : بعد تعرفين البنات وغيرتهم
المهم خلصت الحفله والاغلبيه راحو البيت الا ساره وامها
وكانو يتكلمون ويضحكون وفجاه دخل ولد خالتها الي هو اخوهم خالد
خالد كان اكبر اخوانه وكان طيب وخلوق وسيم وكل البنات منهبلين عليه ويستنون نظره منه بس هو قلبه مب ملك أحد غير (ساره ).
بعد ومن صغره كان متيم في ساره موب بس متيم بل يموت فيها : ودخل وفجاه شاف ساره .. وكان يشوفها بنظرات وحب ويقول في خاطره : ساره هناواخيرا وينكيا نبض قلبي وينك عني
والكل لاحظ نظراته
ونوره قالت : الناس يسلمون يا خالد
ام خالد : وين وصلت يا خالد
هند اختهم : هه هه هه اكيد عيونه على حبيبته ساره . وكانت هند تشوف ساره بنظرات كلها غيره
وساره استحت واحمرت ونزلت راسها .
خالد بعد استحى ودعى على هند في خاطره
خالد " السلام عليكم وشخبارك ساره
ساره : الله يعافيك خالد انت وش اخبارك .
ام ساره : بس ساره وحنا وين رحنا
ضحكو كلهم على خالد لان ما كان يشوف الا ساره
وخالد أبد ما كان يتكلم لانه بس يبي يشوف حبيبته ساره .
وقالها وهو يشوفها من فوق لين تحت.
خالد : ماشاء الله عليك يا بنت خالتي طالعه اليوم ملاك .
ساره صدق وجها محمر : عيونك الاحلى بس عاد لا تبالغ
خالد : وربي ما ابالغ المجنون اذا شاف جمالج راح يصحى (كثر منها)
نوره : أجل خل نودي ساره مستشفى المجانين عشان كلهم يصحون ويصيرون زينين .
وهنا الكل قعد يضحك
بس خالد كان تفكيره كله في ساره .
ام ساره " ياله عن اذنكم بنروح البيت الوقت تاخر
ام خالد : وين تو الناس تونا ما شبعنا منكم
ام ساره : الود ودنا نقعد لين الفجر بس ما يصير
ساره : اكيد القعده معاكم ما تنمل يا خالتي
كلهم وقفو وراحو يسلمون علشان يطلعون وبعد ما وصلت ساره عند خالد
. وهي منزله راسها : مع السلامه ياخالد
خالد وعيونه على ساره : مع السلامه يا القمر اوه قصدي يا ساره
وعلى طول ساره طلعت لانها صدق استحت وما تعرف كيف ترد على كلمات خالد العذبه .
وبعد ما وصلت ساره البيت
كانت تفكر في ولد خالتها خالد ونظراته وكلماته الساحره .
اما خالد فكان هاليوم احلى يوم عنده وفرحان لان شاف حبيبته ساره
لان من هو صغير يحبها ..وراح عند امه باخراليل
وراح يدق الباب على غرفه امه
خالد : يمه .. يمه ..افتحي الباب
ام خالد: مستغربه : خالدوشفيك وين يعورك وش فيهم خواتك ..؟
خالد : باسم الله عليك يمه ما فينا شي
ام خالد : اجل ليش جاي هالوقت تعرف الساعه كم
خالد : ايه الساعه 2 ونص باليل وشو يعني .. المهم يمه الله يخليك ابي اقولك شي
ام خالد: فتحت الباب وهي مستغربه من خالد وتشوفه بنظرات غريبه
ام خالد : قل الي عندك يا خالد وش بك ؟
خالد : يمه تعرفين اني احب ساره بنت خالتي من صغري وجا هالوقت الي تخطبينها لي يمه اخاف احد ياخذها مني واذا احدا خذها بموت يا يمه تعرفين وش يعني بموت .
ام خالد وهي تضحك على خالد :باسم الله عليك من الموت يا خالد
الله ياخذ بليسك يا خالد مقومنا من النوم هالوقت علشان هالسالفه .. لا تخاف ساره ان شاء الله ماراح تكون الا لك
خالد: ابيك تكلمين امها بكره اوكي
ام خالد : خلاص .

الجزء الثاني:

وفي اليوم الثاني قامت ساره وراحت عند امها
ساره : صباح الخير يا أحلى واغلى ام بالعالم
ام ساره وهي مبتسمه : صباح النور يا احلى ساره او قمر على قولت خالد وقعدت الام تضحك ..

ساره وهي منحرجه : يمه عاد ليش تضحكين لا تعلقين على كلام خالد ولا هو كذب يوم قالي قمر
الام : هههههه لا يا بنتي ما اضحك على كلامه بس اضحك على حبه صدق عيال هالايام حبهم غير.
وصارت ساره تضحك على كلام امها .
وفجأه رن موبايل ساره :
ساره : الو
ريم صديقتها : هلا سارونه هلا بصديقه عمري
ساره : هلا وغلا بالغاليه
ريم : وش اخبارك ؟؟ وينك البارحه ما عبرتينا ولا دقيتي علي تعرفيني ما اقدر على بعدك
ساره: كنا معزومين على نجاح نوره بنت خالتي .
ريم : ها اشوف بعض الناس ما عبرونا لازم اكيد شافو الحبيب حبيب الألب.
ساره : بسك عاد لا تذكريني .ترى اخاف اسرح فيه
ريم : يا ويلي على الحب ..
ساره وهي مستحيه : احم احم
ريم : سارونه حبيبتي تعالي اليوم بيتنا بنتغدى وبعدين بنروح الفيصليه علشان نشري اوكي
ساره : اوكي بس غريبه وش تبين تشرين وليش؟
ريم : يعني محد يروح السوق الا اذا فيه مناسبه
ساره : لا بس مستغربه مهوب من عوايدك قولي ريم وش عندك
ريم : ام الصراحه ابي اشتري اشياء عشان اخوي الي يسوى عندي كل شي اخوي فهد
ساره : فهد ؟(وعلامه تعجب بوجها) ..
سراه : بس فهد مسافر عشان الدراسه
ريم : حبيبتي فهد خلص الدراسه يا صباح الخير لا انتي داريه لا بي ولا في اخوي
ساره : وانا وش دراني باخوك اصلا انا ما شفته ولا مره
ريم : ياله بسك كلام تعالي بيتنا الحين سمعتي ألحين .
ساره : زين باسم الله وش فيك محرجه خلاص الحين بقول لأمي
ريم : استناك بسرعه لا تتأخرين
ساره : اوكي ياله باي
ريم : بايات

ساره : يمه الحين بروح عند ريم ممكن ولا ؟
ام ساره : الحين افا يعني محد بيتغدى معي
ساره : يمه اسفه بس ريم تستناني
الام ونبرت حزن : تعرفين يا ساره انا ما ابي اخرب على طلعاتك بس مثل ما تعرفين اني مالي غيرك بحياتي . ابوك الله يرحمه توفى من خمس سنين يوم جتله نوبه قلبيه لان كان فيه القلب وانا ما جبت غيرك وما عندي الا انتي واذا صار لك شي وقعدت تصيح الام ..
ساره والدمعه بعيونها : يمه انا بكون عندك لاخر حياتي لا تصيحين يا يمه انا بكون معك بس الله يخليك ما ابي اشوف دمعه بعيونك ترى دموعك غاليه
الام( وهي تمسح دموعها) : اسمحيلي يا بنتي ما كنت ابي اضايقك في هالوقت بس تذكرت ابوك ..
ساره : في حد ما يتذكر ابوي .. اصلا ابوي كان دوم يوصيني عليك يا يمه.. وانا ما راح اخليك
.وراحت ساره وحضنت امها
ام ساره : ياله يا بنتي روحي عند ريم تستناك البنت .
ساره : لا خلاص بقعد معك
ام ساره : لا يا بنتي انا بروح عند خالتك فاطمه وانتي روحي عند ريم
ساره : اذا بتروحين بيت خالتي فاطمه خلاص يعني مطمنه عليك الحين اقدر اروح .
وراحت ساره ولبست بسرعه وراحت بيت ريم صديقتها
اما ام ساره فراحت عند اختها فاطمه
ام ساره وهي داخله بيت اختها
ام ساره : السلام عليكم
فاطمه اختها وبناتها نوره وهند وخالد: وعليكم السلام يا هلا واله
(اما خالد عيونه على الباب وفي خاطره يقول وينها وينها حبيبة العمر) .
نوره : خالتو وين ساره ؟ليش ما جت معك
ام ساره : ساره يا غناتي راحت عند ريم صديقتها
خالد وهو متضايق ويقول في خاطره ( هذا وقته تروحين هناك )
خالد : يعني خالتو هي بتروح ومهيب جايه بعدين هنا
ام ساره : واله ما ادري يا ولدي هي قالت بتروح معريم وبعدين بيروحون يتسوقون
هند وهي رافعه خشمها : بعد تروح السوق مع صديقتهاولحالهم بعد
ام ساره : ما فيها شي يا بنتي هي ما راحت مكان غلط
ثانيا بنتي تروح مع بنت محترمه وساره ما تطلع الابغدفتهوعباتها.
خالد : ثانيا يا هند لا تدخلين
نوره : لازم يدافع عنها
وخالد يشوفها من طرف عينه : نوروه بتسكتين عني ولا شلون ؟
خالد صدق كان معصب علشان كلام هند ولان ماشاف ساره
نوره : لا لا الله يخليك ما فيه على حشرتك خلاص سكتنا.

أما ساره فهي كانت بيت اهل ريم
ريم وهي معصبه : سارونه ليش تأخرتي ..
ساره : اسمحيلي يا ريماني بس امي كانت تصيح وما قدرت اروح عنها لين ما اواسيها .
ريم (وبويها علامه تعجب): ":ليش تصيح ؟
ساره ونبره صوتها كلها حزن : تصيح على الوالد الي راح .
ريم : الله يرحمه .اذا انتو كذا تقولون ومتضايقين هالكثر اجل انا وش اقول .. وراحت ريم وجلست على الكرسي وهي ميته صياح .
ساره وهي خايفه على صديقتها : ريم ريم وش فيك ليش كل هالدموع
(ريم وعيونها كلها حزن ودموع )
ريم : اصيح اصيح يا ساره لان يتيمه تعرفين وش يعني يتيمه على الاقل انتي عندك امك الله يخليها بس انا انا انا ؟ وقعدت تصيح
ساره : انتي وشو يا ريم عندك عمتك الله يخليها الي ما تقصر معاكم عندك اخوك فهد .
ريم: محد يا ساره يقدر يا خذ مكانه الوالدين انا فقدت امي يوم كان عمري ست سنين امي راحت بمرض السرطان وما حسيت بحنانها يا ساره وابوي من كثر ما هو متعلق بامي كان يسرع مثل المجانين وهو بعد مات بالحادث وفقدتهم كلهم بنفس اليوم .. اه يا ساره ما تعرفين كيف اتالم ما حسيت بحنانهم ..
ساره وعيونها تدمع على صديقتها : بس يا ريم عندك اخوج فهد الله يخليه لك.
ريم وتشوف ساره وعيونها محمره من الصياح : فهد .. ههههههههههههه وشو انتي تنكتين فهد . فهد فهد؟؟
فهد يا ساره هو نص ميت .فهد يا ساره كان اكثر واحد متعلق بأمي الله يرحمها كان يموت فيها ويوم فقدته صار له مرض نفسي لانه كان محتاج لحنانها وبعد ما خلص الثانويه سافر وكمل دراسته بره عشان شوي ينسى .فهد يا ساره اكثر واحد متعذب بس وش اقول انا .. ما عندناحد يا ساره ما عندنا احد ..وراحت حضنت ساره وهي تصيح
ساره وهي بعد تصيح : ريم انا معك انا اختك وامي هي امك يا ريم .بس الله يخليك لا تصيحين اطلبيهم الرحمه هذا قضاء الله وقدره .
مسحت ريم دموعها وقالت لساره : اسمحيلي يا ساره جبتكهناوزدت همومك.
ساره : افا عليج يا ريمان .. اذا ما تشتكينلي انا بتشتكين لمين ؟. انا يا ريم وربي اعتبرك اختي وحبيبتي وصديقة عمري
مسكت ريم يد ساره وقالتلها : الله لا يحرمنا من بعض
وياله نروح نتغدى تراني ميته جوع .

واما في بنت فاطمه خالة ساره :
ام ساره : ياله اسمحولي بروح البيت .
فاطمه : تو الناس يا اختي
ام ساره : أي تو الناس الحين الساعه 8 بروح اكيد حبيبتي ساره بالبيت .ياله من اذنكم .
نوره : بحفظ الله يا خالتي وسلميلي على ساره كثير السلام
هند : (وهي تشوف اخوها من فوق لتحت ): وانت يا اخوي ما تبي تسلم على حبيبة القلب
خالد وهو منقهر : مالك خص .
ودخل غرفته لان كان منقهر كثير لان ساره ما جت اليوم .

والساعه 11 مساء:
ام ساره : ها ساره ان شاء الله استانستي
ساره : اكيد يمه استانست كثير
ام ساره : ايه تذكرت بنات خالتك يسلمون عليك .
ساره :اله يسلمهم .. ام اكيد الحين معصبين علي لاني ما رحتلهم
ام ساره : اكثر واحد منقهر هو فار س الاحلام خالد.
وقعدت الام تشوف ساره من طرف عينها وهي تبتسم
وساره (وهي منزله راسها) .. ها وشو أي أي أي أي خالد خالد
ام ساره وهي تضحك " وش فيك قاعده تقولين حروف الهجاء
وقعدوا يضحكون .

ام خالد راحت عند ولدها تشوفه لان من راحت ام ساره وهو ما طلع من غرفته :
ام خالد : خالد خالد انت قايم ولا نايم
خالد وهو منسدح على السرير: هلا يمه لا قايم تفضلي
ام خالد : وش بلاك يا ولدي وشفيك ليش متضايق ؟
خالد " ما تبيني اتضايق وانا قايلك تكلمين خالتي سعاد .
ام خالد وهي تستعبط : أي سعاد ؟
خالد : يمه الله يخليك لا تستعبطين يعني مين سعاد تراك ما عندك الا اخت وحده سعاد ..
ام خالد :: اهاه قول ام حبيبة عمري ام القمر ام قلبي ساره
خالد ويشوف امه وهو يضحك " ايه ام حبيبتي ساره
ام خالد : شوف خالد انا كنت بكلمها اليوم بس شفت الوقت مهوب مناسب لان الكل قاعد معنا بس اوعدك عن قريب بكلمها ولا تزعل يا خلودي .
خالد : اكيد يمه .. الله يخليك بسرعه كلميها
ام خالد : ياله عليك وش كثر حنان قلت لك خلاص بكلمها ياله خلني اروح انام لاني تعبانه اليوم
خالد وهو في نفسه يقول (:اه يا يمه انا الي تعبان من الحب

الجزء الثالث:




وبعد هاليوم اتصلت ريم من الصبح على ساره وساره في سابع نومه

ريم تتصل فيها
ريم : الو سارونه سارونه
ساره وهي معصبه لان مخربين نومها وبتعب تقول : الو مين؟
ريم : مين يعني انا ريموه
ساره : الله يهديك يا ريم تتصلين صباح الله خير بهالوقت
ريم : أي صباح الله خير الحين الساعه 11 قومي بسك نوم
ساره : وش تبين خلصيني واله بي نوم
ريم :ساروه اليوم حنا معزومين على بيتاهل لطوف صديقتنا وكل بنات بالمدرسه بيروحون هناك يعني وناسه .
ساره وفجأه جدعت من الوساده : واله صدق روعه يعني بنات المدرسه بيجتمعون صدق وناسه بنتذكر ايام المدرسه .ريم : ايه والساعه 8 نكون هناك وانا ابي اروح السوق عشان اشتري بدله حلوه لهالمناسبه لان الكل بيكون موجود ابي اتكشخ .
ساره : ليش يا حلوه ما عندك بدله يعني
ريم : لا عندي طبعا بس ابي اشتريلي بدله جديده .هاه بتجين معاي ولا ؟
ساره : اكيد بجي ومره وحده اشتريلي بعد
ريم : خلاص اجل تعالي بسرعه لا تنسين
ساره : لا حبيبتي البارحه ما تغديت مع امي حرام ما تهون علي بجي العصر وبعدين نروح اوكي .
ريم: خلاص حبيبتي اشوفك على خير بس تعالي بسرعه عشان نلحق اوكي باي
وسكرت ساره من ريم وراحت عند امها تستشيرها وطبعا الام وافقت .

(بيت فاطه خالة ساره )
نوره : واله احس من زمان ما شفت بنت خالتي الغاليه ساره .
هند وباستهزاء : يعني وش من زمان من اسبوع كانت هنا .
نوره : تعرفيني متعوده عليها ولازم اشوفها
بروح اتصل فيها .
هند .: روحي روحي وانا بروح اتصل في منى
نوره : انا منى الصراحه ما عرف ليش ما ارتاح لها احسها حركات وشايفه عمرها .
هند وهي معصبه : واله حبيبتي موب لازم ترتاحيلها اهم شي انا ارتاحلها اوكي .
نوره : اوكي اوكي عفان الله وش بلاك شبيتي علينا تقولين انتي الاكبر موب كاني اكبر منك
هند وتأشر على اصبعها : بسنه وحده اكبر يعني مافيه فرق واجد
نوره : بسنه بشهر باسبوع المهم اكبر منك.خل اروح اكلم ساره احسن من مقابله وجهك.
هند وهي منقهره : روحي روحي وانا بعد خلاروح اكلم منى احسن .
واتصلت هند في صديقتها منى . وصح كلام نوره لان منى من النوع المتكبر واجد وعليها سوالف وحركات .
هند : الو مرحبا
منى : مراحب يا هلا بهنود
هند : هلا فيك.هاه وينك
منى : ويني بعد بالبيت قاعده عالمسنجر
هند : انتي ما تملين من المسنجر
منى : لا واله وناسه بس انت لو تجربين بتعرفين ليش .
هند : وين اجرب ما عندي مسنجر واصلا ما احب الكمبيوتر.
هند : لانك ما تعرفين وش داخل الانترنت حبيبتي اذا تبين تحبين وتعيشين بالغرام اجلسي على الأنترنت والمسنجر .
هند وعلامه تعجب في وجها : واله وشلون
منى : انتي تعالي بيتنا وبعلمك كل شي .
هند : واله زين خلاص الحين بقول لأمي وبجي بيتكم اوكي
منى : اوكي ياله استناك
وطبعا هند للاسف كانت ساذجه وما تعرف صديقتها منى وش تقصد بهالكلام .

اما ريم وساره راحو يتسوقون عشان عزيمه اليوم . وهم يتسوقون فجأه شافت ولد خالتها خالد ومعاه صديقه محمد .
خالد وهو مستغرب ومفتح عيونه : محمد محمد موب هاذي ساره .
محمد : أي ساره .؟
خالد : حبيبة القلب روحي وعمري قم قم خل نروح هناك
محمد : الله يعينا على الفلم الهندي
وراح خالد مع صديقه محمد وخالد عيونه على ساره :
خالد بصوت ونبرات كلها حب : انا احلم ولا اتخيل ساره موجوده ؟
ساره وهي منحرجه : هلا يا خالد شفت عاد الصدفه وش اخبارك يا ولد خالتي .
خالد وفي خاطره ( لا تقولين ولد خالتي قولي خطيبي او حبيبي: تمام يسرك الحال يا بنت خالتي .ها وش تسون هنا
ريم ,وهي تشوفه بدلع وتقول: زين قلت وش تسون زين جمعت قلت يمكن ما شفت غير ساره .
وهناساره ضحكت برقه : وخالد استحى وقال : لا افا عليك يا ريم وشلون انسى ريم صديقه ساره المفضله
اما محمد فماكان يتكلم ولا كلمه لانه عيونه على عيون ريم ومنهبل عليها وساكت .ريم حست بنظرات محمد واستحت واجد اول مره احد يشوفها بهالنظرات .
ساره : وش اخبارك محمد ؟
محمد في عالم ثاني عالم ريم .
خالد : محمد محمد وين وصلت
محمد : ها ايش ايش ايش وش السالفه ؟
خالد : حنا الي نسألك وش السالفه وين وصل تفكيرك
محمديغمزشوي شوي ويقول لخالد : معاها معاها ما تشوف كيف حلوه ورقيقه
خالد : مين
محمد : مين بعد صديقه حبيبة القلب
خالد : ريم
محمد : الله حتى اسمها حلو ريم شيخه الحريم
خالد وهو يقرص محمد : بسك فضحتنا فضحتنا .
ساره وهي مستغربه : وش بلاكم عن وشو تتكلمون
خالد : ها لا لا ولا شي ولاشي بس محمد يقول انه جوعان بيروح ياكله شي.
ساره :ها خلاص اجل حنا نستأذن منكم عشان ما نتاخر اوكي يا خالد مع السلامه .
خالد : مع السلامه يا ساره واشوفك على خير
محمد وعيونه على ريم : مع السلامه ساره و و مع السلامه يا يا ريم .
ريم وهي منحرجه ومنزله راسها وبصوت رقيق : مع السلامه يا محمد .
وراح محمد وخالد . وفرحت خالد غير لان شاف حبيبته واما محمد فكان سرحان في ريم

ساره وهي ميته من الضحك
ريم وهي مستغربه على ساره : وش فيك ليش تضحكين ؟
ساره وهي مبتسمه : لا حبيبتي سلامتك بس تذكرت نظرات الولهان على بعض الناس .
وهناريم فهمت وش تقصد وابتسمت : تصدقين سارونه . ما عرفت ان خالد عنده صديق بهالحلاه والجمال .
ساره : طبعا لان خالد ما يمشي الا مع الحلوين مثله
ريم : خلي عنك هالكلام وقومي نكمل تسوق ياله


في بيت منى صديقه هند:
منى : زين واله جيتي تعالي اقعدي عندي بوريك اشياء تهبل.
هند : واله وش هي؟
منى : شوفي انا اكلم واحد عالمسنجر بس وش يموت بي تصدقين يحبني واي شي ابي ينفذلي.
هند : وانتي تصدقين انه يحبك حبيبتي هذا اكيديكذب عليك
منى : أي يكذب علي اقولك يموت بي بس انا موب بس اكلمه بالمسنجربس اكلمه بعد بالتلفون .
هند وهي مستغربه وتشوف منى بتعجب : بالتلفون ؟ منى وشلون ترضين على عمرك تغازلين .يمكن يكذب عليك.
منى : واله انك فاضيه وش يكذب علي اقولك يحبني وينفذلي كل شي وما انام الا بكلماته الحلوه واله حياتي صارت روعه معاه ..اه واله احبه
هند وهي بعدها مستغربه : يعني صدق تحبينه يعني ما يكذب عليك.
منى : اقولك احبه وبعد بيتزوجني تخيلي تاخذين واحد عن قصه حب واله روعه بس انتي لو تجربين هالشي بتشوفين
هند : لا لا لا حبيبتي خليني بعيده عن هالسالفه ليش تبين خالد اخوي يذبحني .
منى : وهو اصلا وش عرفه .ما يعرف عن شي انتي بس طيعيني وكلمي واحد وبتشوفين كيف حياتك بتغير؟
هند: وشلون اكلم واحد لا لا لا ما يصير
منى : يالغبيه هاذي بس فتره خطوبه بعدين هو بيتزوجك صدقيني .
هند : ها ام يتزوجني م ماعرف خليني افكر
منى : فكري يا عمري وانا بعطيك رقم صديق الي اكلمه الحين وبتشوفين كيف حياتك بتغيرلاحلى .
هند وهي تفكر بالسالفه : ماعرف بس بفكر .
ومنى فرحت لانها قدرت تكذب على هند الي بسهوله كذبت عليها .


وبعد ما رجعت ساره وريم من السوق كانت الساعه تقريبا 6 مساء يعني ما تأخرو واجد وكان عندهم وقت عشان يلبسون ويتمكيجون . وساره قرت انها تلبس في بيت ريم عشان مره وحده يروحون مع بعض لان كل اغراضها كانت معاها وراحت ساره وتلبست وكان لبسها الون الاحمرالي ياي على شكل فستان بسيط ومكياجها بسيط وحلو وفتحت شعرها العسلي وكانت صدق كانها الورده بجمالها .

أما فهد اخو ريم الي جاي من السفر كان يبي يسوي مفاجأه لاخته ريم بقدوموه وكان يدور عليها وما لقاها وقال اكيد هي بغرفتها وهو ما يعرف ان ساره الي بالغرفه وفجأه يوم دخل كانت ساره صاده لزاوية التسريحه يوم فهد دخل
فهد قعد يصارخ من الفرخه وقال : ريمان مفاجأه
وصدت ساره وشافت رجال غريب ما تعرفه وهي مستحيه ما تعرف وش تسوي لانها ما كانت متغطيه لا بالغدفه ولا العبايه وفجأه سكت ونزلت راسها وما تعرف وش تقول .
اما فهد فكانت بيده هديه ومن المفاجاه او من جمال ساره الهديه طاحت من يده تلقائيا من دون قصد وقعد ساكت وهو يطالعها ويقول في خاطره ( انا أحلم ولا وش السالفه؟ من هاذي هاذي اكيد حوريه لا أي حوريه اكيد ملاك ما شفت احد بجمالها وهو يطالعها وساكت وهي منزله راسها .
فهد بعد ما حفظ شكلها : اي م اسمحيلي كنت ابي ابي ابي اختي ريم بس ما عرفت انك موجوده ؟
ساره على طول اخذت الغدفه وتغطت وهي مستحيه وجها صدق محمر وترد برقه : لا عادي انا الغلطانه لاني ما سكرت الباب . ونزلت راسها
فهد : اسمحيلي اختي
وطلع من الغرفه وهو حاط راسه على غرفه اخته ويقول : واو وش هالجمال في حياتي ما شفت في جمالها .
وبعدين جت اخته ريم الي ما كانت تعرف ان اخوها فهد موجود وهي يوم شافته
ريم فتحت عيونها وقعدت تشوفه وتصارخ : فهههههههاد وجلست تصيح وجت وحضنت اخوها
ريم وهي حاضنه اخوها بالحيل وتصيح وتقول : فهد وينك فهد ليش خليتني من 4 سنين بالحالي تخليت عني يا اخوي .وقعدت تصيح
وطلعت ساره من الغرفه تشوف وش سالفه هالصراخ.
فهد وهو يكلم اخته ويمسح دموعها : حبيبتي يا ريم تعرفين اني رحت اكمل دراستي .
ريم وهي تشوف اخوها بنظره حب وشوق : للدراسه ولا تهرب عشان ما تحس بمعاناة خلاص يا فهد انسى امي وابوي راحو من كم سنه للحين محتاجها
فهد ترك يد اخته وقال وهو حزين : اه يا ريم محد بيحس بشوقي لامي ريم امي راحت عني وانا عمري 10 سنين وكانت بالنسبه لي كل شي ما اقدر ما اقدر بدونها اتخيلها بكل زاويه في البيت محتاج لحنانها يار يم . ودمعت عيون فهد .
اما ساره فما قدرت تتحمل على طول دمعه نزلت بعيونها .
فهد حب يغير السالفه : المهم ريومه انتي وش اخبارك .؟
ريم : واله اني شوي بخير بس الحين اكيد بخير بوجودك اخوي .
ريم وهي تشوف ساره وتبتسم
وتقولها : ساره تعالي اعرفك على اخوي .
ساره منزله راسها وجت عند ريم وفي خاطرها تقول ( هو شافني وخلص ) .
ريم: فهد اعرفك على صديقه عمري واختي ساره .
فهد وهو يشوف ساره بنظرات : هلا واله بساره تشرفت بمعرفة وحده حلوه مثلك .
ساره استحت وما قالت شي غير : تسلم عيونك الاحلى .
ساره استغربت من جرأته .
المهم بعد ما استأذنت ريم من اخوها انها بتروح للحفله مع ساره .
اخوها فهد راح عند أصدقائه الي من مده ما شافهم .
بس بخياله بس رسمه ساره الي صدق كان مجنون عليها وقال: قلت هي قمر قلت لا القمر ماخذ من حلاها .كيف أوصفها وهي ما تنوصف من جمالها .رسمه عيونها الي تعذب المخاليق ولا ملامحها الي فيها براءه الاطفال ولا خدودها الي كانها ورود ورديه وشلون اوصفك يا ساره وشلون ؟
وفهد هو اصلا يموت على الشعرفكانت اول قصيده يكتبها لبنت .
وربعه سمعو الخاطره وقاله صديقه عبداله : الله عليك يا فهد وش هالكلام العذب وشو اليوم جاي وتقولنا خواطر اخاف بس الاخ متعذب.
وضحك فهد وقاله : لا بس حبيت اقول خاطره لان هالخاطره مميزه عندي.

والجزء الرابع يوم ثاني

وش تتوقعن بيصير بين فهد وساره؟

وساره وخالد وش بتصير علاقتهم؟

وهند تتوقعن توافق انه تكلم شباب؟

بتعرفون كل شي اذا تابعتو القصه

الجزء الرابع:

وراحت ساره مع ريم الحفله وهناك شافو رباعتهم بايام المدرسه ولطيفه طبعا صاحبه العزيمه كانت باستقبالهم
وراحت حضنت ساره وريم
لطيفه : يا هلا ومليون مرحبا بحبايبي
ساره : هلا فيج يالغاليه

لطيفه : شو هالحلاه كله يا ساره ماشاء الله عليج عيني عليج بارده .
ريم وهي تمزح ويا ربيعتها : ليش عينج عليها بارده شو حاطه عيونج بالثلاجه .
لطيفه وهي تقرص ريم : بسج لا اتمين تحطين عليه الناس يسلمون .
ريم وهي تضحك على لطيفه : : اوه نسيت اشحالج لطوف
لطيفه : ايه لو سمحتي اسمي لطيفه مب لطوف
ريم وهي تضحك : لا تذكرت يوم الفراشه تقولج لطوف لطوف وين ودي بروش انا ابي نظف الصف
وتمت لطيفه ميته من الضحك وهي تقول: هي صدقج واله لعوزت الفراشه كنت دوم اخذ بروش التنظيف .
وتمت ساره ولطيفه وريم يضحكون على سوالف المدرسه .
ساره وهي مندمجه بالسوالف : ولا تذكرين لطيفه يوم ريم ما عرفت تحل اسئله الامتحان شو كتبت .
ريم وهي تضحك بس استري علينا فضحتينا .
لطيفه وهي تشوف ريم بنظره لؤم : لا لا يا ساره قولي بس عيل ريم اتم تفضحنا قولي قولي
ساره وهي مبتسمه : يوم ريم ما تعرف تحل تكتب في الامتحان كتبت.. واله انا اعرف الجواب بس ما بحل عشان ما تحسدوني .
وتمو كلهم يضحون .
ريم وهي تمسح دموعها من الضحك : هي واله ذكرتيني ولا الابله شيخه يايه عندي ومعصبه على ردي في الامتحان ويوم عاقبتني نسختني الايه 100 مره وانا ما قصرت خليت خدامتنا تكتب .
لطيفه : حسبي الله على ابليسج معلمه خدامتكم بعد الكتابه
ريم : انا اصلا يايبتنا خصوصيا حق النسخ .

وطبعا الحفله كانت مره روعه كلها سوالف المدرسه.

وردو كلهم البيت .
وساره على طول راحت تنام لانها صدق تعبانه وحتى ريم
اما فهد فر د متأخر لانه كان ويا ربعه ويوم رد البيت كانت الساعه 3 وكان يبى يشوف اخته ريم بس شافها نايمه
فهد مساند على السريروهو سرحان ويقول في خاطره ( شو فيني اليوم أول مره اشوف بنت ؟ شفت في لندن بنات شكثر بس ما أثرو فيه . شو فيها ساره غير عنهم ماعرف فيها جاذبيه غير غير. نظره عيونها سحرتني معقوله يا فهد معقوله تكون حبيتنها لا لا لا مستحيل كيف كيف هذا اكيد اعجاب بس ليش ما راحت عن بالي ولا دقيقه ليش اوه خلا اروح انام ابركلي .


وبيت قوم خالد طبعا خالد ما قدر ينام البارحه من كثر ما يفكر في ساره ومن الصبح راح عند امه ودق عليها الباب :
خالد وهو يدق الباب : امايه امايه يمكن أدخل
ام خالد : دش يا ولدي تفضل
خالد وهي زعلان ومتضايق
ام خالد تشوف خالد بنظره تعجب : شو فيك يا وليدي شو في خاطرك .
خالد وهي متضايق : اميه تعرفين شو الي في خاطري اباج اليوم تخطبين لي ساره ابيها يا امايه ابيها
ام خالد : البنت ما بطير يا خالد شو فيك ؟
خالد : بطير ولا ما بطير ابيج تكلمين امها اليوم واليوم سمعتي اليوم بالذات ابيج تخطبينها لي الله يخليج امي
وراح باس راس امه
ام خالد : خلاص يا وليدي يوم بيرد ابوك من الشغل راح اقوله ولا تهتم خلاص .
وخالد فاتح عيونه وفرحان : امايه صدق صدق اليوم بتخطبينها لي اليوم
ام خالد : هي يا امي اليوم شو فيك شوي بطير اثقل يا خالد فضحتنا .
خالد وهي شوي بيطير : امي انا لو عندي جناح جان من زمان شفتيني في السماء في سماء ساره ساره يا امي
ام خالد وهي تشوف خالد بنظره تعجب : لا بلاه ولدي استخف هذا خطوبه وانت استخفيت لو زواج عيل شو بتسوي .
خالد : ما ادري يمكن اين بستوي مينون مينون .
ام خالد : ليش انت مقصر انت ألحين واستويت مينون .وتمت تضحك على خالد وحركاته .
ام خالد : بس نحن بنسوي مفاجأه حق ساره لان اصلا الام تعرف وهي وافقت من زمان اليوم بنسوي حفله بسيطه عشان مناسبه خطوبتك منها .
خالد : الله يخليج لي يا امي الغاليه صدق احلى مفاجأه.

وراحت ام خالد تتصل في ام ساره عشان تقولها انهم اليوم بيون عندهم على العشاء
ام ساره وهي رايحه ادور ساره : سارونه يمه ساره حبيبتي .
ساره وهي تكلم رباعتها عالمسنجر : هلا يمه تعالي انا بغرفتي .
ام ساروه : سارونه اليوم بنات خالتج كلهم بيون وحتى خالتج .
ساره وهي مستغربه : غريبه ليش انتي عازمتنهم .
ام ساره : لا بس هم اعتقد ياين عشان سالفتج حبيبتي .
ساره استحت وعرفت امها شو قصدت .
وبعد دقايق وصل لها مسج ويوم فتحت المسج شافت المسج : ساره يا عمري حبيت اقولج ان اهلي ياين عشان يسون حفله صغيره بمناسبه خطوبتنا رسمي واخيرا يا ساره بتحق احلامنا.
المرسل : خالد

دق قلب ساره بسرعه وما عرفت شو تسوي هي بعد كان حلمها تكون ويا خالد وما عرفت شو تسوي غير حضنت الموبايل وابتسمت .


(في بيت ريم ..)
راحت ريم غرفه اخوها فهد لان البارحه ما يلست وياه ودخلت عليه وشافته يطلع ملابسه من شنطته .

ريم وهي يايه تحضن اخوها : صباح الخير لاحلى فهد .
فهد وهي مبتسم :صباح النور لاحلى ريمان.
ريم وهي تلعب بشعر اخوها : تصدق اخوي اشتقتلك وايد واله حسيت اني بموت بغيبابك .
فهد وهو معصب: باسم الله عيلج يا ريمان شو تقولين لا تطرين الموت سمعتي .
ريم وهي تتدلع : ياله ليش تحبني .
فهد وهو يمسك يد اخته : كيف ما احبج يا ريم وانتي الوحيده الي بقيتيلي من وفاتهم .
ريم والدمعه بعيونها : الله يخليك لا تذكرني .
فهد يغير السالفه يوم شاف اخته تدمع : ولا تعالي شو اخبار ربيعتج ساره .
ريم وهي قاعده على كرسي فهد : ماشاء الله الاخ حافظ اسمها .
فهد وهو يبتسم : ليش في احد يشوف جمال ربيعتج وما يحفظ شكلها واسمها .
ريم وهي مستغربه : واله يا اخوي صرت رومانسي بس لا تفكر فيها هي محجوزه .
فهد وهو مستغرب: محجوزه ليش سياره .
ريم : واله يا فهد بعد تعرف تنكت لا صدق ولد خالتها يباها بس بعده ما صارت خطوبه رسميه .

وفجاه رن موبايل ريم وكانت طبعا ساره المتصله .

ساره : الو ريماني
ريم وهي مبطله عيونها وتقول في خاطرها بلاها استخفت ساره : ايه ايه شو فيج انا اسمعج لا تصارخين .
ساره وهي ميته من الوناسه : ريماني واخيرا حلمي راح يتحق.
ريم: شو لا تقولين قصدج خالد بي .
ويوم فهد سمع اسم خالد صد صوب اخته ويشوفها بعصبيه .
ساره : هي هي اليوم بيون يخطبوني ريمان الله يخليج تعالي اليوم بيتنا انا محتاجتلج تعالي اوكي
ريم : افا عليج يالغاليه هذا مب بس احلى يوم عندج واله ان بعد احلى يوم عندي لان سعادتج من سعادتي
ساره وعيونها تدمع على كلام اعز انسانه : فديتج يا ريم الله لا يحرمني منج .
ريم ولا منج حبيبتي ياله انا الحين يا بي بيتكم .
ساره : اترياج في امان الله .

وصكت ريم عن ساره وهي فرحانه وايد واستغرب طبعا اخوها عن فرحها المفاجئ.

فهد باستعجاب : ريم شو فيج ليش فرحانه هالكثر كانج حصلتي جائزه نوبل .
ريم وهي تضحك : اه يا اخوي اليوم يوم مميز عندي لان الغاليه ساره واخيرا بتاخذ الي حلمت فيه ساره يا اخوي بتنخطب من ولد خالتها .
فهد يوم عرف ان ساره بتنخطب تغيرت ملامحه واتضايق وطلع على طول .
ريم : فهد فهد وين بتروح ؟
فهد وهو معصب : تذكرت شغله ضروريه
ريم استغربت من اخوها بس ما كان همها الا سعاده ساره.

وطبعا ساره فرحتها كانت غير راح لبست وكل شي لان اليوم يوم خطوبتنها من خالد .

وفجاه دخلت ريم وصارخت : ساروه حبيبتي مبروك مبروك الف مبروك
ساره وهي تحضن ربيعتها : الله يبارك فيج يا ريمان وعقبالج .
ريم وهي تسمح دموعها : تستاهلين
ساره : ليش هالدموع يا ريم ليش
ريم : دموع الفرحه يا الغاليه
ساره وهي تحضن ربيعتها : فديتج واله يا ريم عمري ما راح احصل مثلج.
اما فهد وهو راكب السياره كان منقهر وايد بخطوبه ساره وهو مستغرب ليش هالاهتمام كله ويقول في خاطره : معقوله احبها معقوله بس كيف احبها وما شفتها غير مره . وكان يضرب يده في السكان ويقول ليش يا ساره انا مهتم فيج ليش؟؟؟؟


اما ساره فاتلبست احلى ما عندها ويابت الكوافيره وكانت مثل القمر صدق حلوه لبسها وشعرها ومكياجها كل شي.
واستوت حفله صغيره بمناسبه خطوبه ساره لخالد .
والكل كان مستانس وراح شغلو اغنبيه وتمو البنات يرقصن والحريم يصفقون ويوم نزلت ساره الكل سكت وانبهر بجمال ساره والكل تم يطالعها .
ام ساره : ماشاء الله عليج يا بنتي الله يخلي شبابج .
ام خالد : واله ولدي اختار ملكه جمال .
وهند تشوفها باحتقار وميته من الغيره : أي جمال كله مكياج.
نوره : لا حبيبتي لا مكياج ولا شي اصلا ساره جمال رباني حبيبتي ماشاء الله عليها والغبي الي يقول انها مب حلوه.
وتمت تشوف اختها هند من فوق لتحت يعني الكلام كانت قاصدتنها لهند.

وبعد ما خلصت الحفله والمعازيم راحو
خالد وهو يتصل على نوره اخته ويترجاها عشان يبى يدخل ويشوف ساره .
نوره بعد ما صكرت التلفون من عند اخوها : ساره ترى اخوي ذبحنا يبى يشوفج يمكن .
ابو خالد : كيف يشوفها شو ما يصير هذا مب محرمها بعده بس خطوبه بينهم .
ام خالد : معلي يا بوخالد خلا اي يشوف خطيبته بس نحن بنكون وياهم بس دقايق يعني ...ثانيا اكيد ساره بتغطا بشيلتها وعباتها وما اطلع الا ويها
نوره وهي ماسكه التلفون : يعني اتصل فيه واقوله اي.
ام ساره : هي يا بنتي عاد ترى خالد مب غريب تراه ولد اختي يعني من الاهل
واتصلت نوره في خالد الي شوي بيتخبل من الوناسه لان بيشوف ساره .
واول ما دخل سلم على خالته وامه وكان يدور على ساره .
ضحكت ام ساره : شو فيك يا خالد اقعد ساره الحين بتي .
ساره دخلت وهي طبعا متغطيه بس ويها ظاهر وهي مستحيه وماسكه ريم من الزياغ والخوف والتوتر .

.خالد يوم شاف ساره شوي صدق بيتين من جمالها وهو كان قاعد بس يوم شافها وقف ومبطل عيونه .
وماعرف كيف يتكلم وهوقاعد يشوف عيون ساره : ساره اشحالج ؟
ساره مستحيه : هلا خالد بخير الله يعافيك وانت شو اخبارك ؟
خالد :يسرج الحال يا يا يا ساره .

والكل رجع بيته
وخالد كان طاير من الفرح علشان خطوبته من حبيبة العمر .وحتى ساره كانت فرحانه .

وبعد اسبوعين من خطوبتهم كانت السنه اليديده يعني الدواما ت بدت وقرت ساره انها تترك الجامعه لانها كانت بالسنه الاولى لانها بتزوج يعني صعب عليها تكمل 3 سنين وقرت انها تشتغل مع نوره في البنك واما هند فكانت في اخر سنه يعني الثانويه العامه وطبعا صديقتها منى كانت وياها .

بدت المدرسه وسلمت هند على البنات وراحت عند منى
هند : اه تصدقين الاجازه بسرعه خلصت .
منى وهي زعلانه : صدقج واله ما تهنينا بالاجازه ولا تعالي شو اخبار خطيبه اخوج .
هند وهي ماسكه شنطتها : لا تذكريني فيها روحي ما احبها
منى : ليش هي طيبه ما سوت شي ولا قولي تغارين
هند فرت الشنطه على كرسيها : حبيبتي ليش اغار انا واثقه في جمالي.
منى تريد تبدأ خطتها : انزين مب حرام هالجمال كله ومحد يشوفه يعني ما تتهني .

هند تشوف منى بتعجب: شو قصدج ؟ ما فهمت ؟
منى وهي راحت عند هند وتمت تشوفها : حبيبتي أعتقد نسيتي السالفه الي قلت لج من مده ؟
هند وهي تشوف ربيعتها بتعجب: أي سالفه ؟
منى : يوم قلت لج اني بعرفج على اخو ربيعي وحياتج بتكون غير صدقيني يا هند حياتج بتكون للاحلى راح تزوجين عن قصه حب وتهنين بجمالج .
هند وهي متوتره : هها م ماعرف خايفه يا منى خايفه .
ويت منى ومسكت يد هند وبنظره خبث: لا تخافين انتي كلميه يوم واحد وبتشوفين .شو موافقه ؟
هند ساكته وتمت تفكر ./:_________
منى : ها شو قلتي موافقه .طيعيني يا هند .
هند بعد ما فكرت قالت : هي موافقه بس اذا ما عيبتني السالفه ما بكلمه
منى وبضحكه خبث وبؤم : لا حبيبتي ماراح تندمين خلاص راح اعطيج رقم الولهان اليوم .
هند وهي خايفه : خلاص خلاص اليوم اليوم بس ياله قومي نروح بنتأخر عن الصف من اول يوم.

وطبعا قدرت منى تقص وتجذب على صديقتها الساذجه هند.

وش راح تتوقعن راح يصير بين ساره وخالد ؟

وهل فهد صدق يحب ساره ؟ وشو بيصير له ؟

وشو بيصير بين هند والشاب الي كلمته ؟ وهل بتكون بينهم علاقه

اتمنى اعجبكم الجزء ياحلوين،،،

الجزء الخامس::

وكان اول يوم لشغل نوره وبنت خالتها ساره في البنك البريطاني وتوظفو لانهم عندهم مؤهلات كثيره والاكثر انهم يطقنون الغه الانجليزيه .
ساره : اتصدقين ان اليوم اول يوم وصدق احس برهبه وخوف اول مره اتوظف.
نوره وهي ماسكه ملف بايدها : انا الصراحه ما حس بشي بالعكس فرحانه وايد .
نوره وهي تشوف ساره : بس مب حرام عليج كنتي في السنه الاولى بالجامعه وطلعتي ؟
ساره : لا حبيبتي ما اقدر بقالي 3 سنوات وانا وخطيبي خالد بتفقين انا نتزوج بعد سنه تقريبا .
نوره باستهزاء وتعليق على كلام ساره : ياله خطيبي خالد .مب كأنه اخوي
ابتسمت ساره على كلامها .

اما هند بعد ماردت من المدرسه
هند : امايه امايه
ام خالد : نعم امي خير.
هند : ياله انا ميته من يوع وين الغده .
الام : صبري غناتي على اختج بعدها ما يت من الشغل
هند وبعصبيه : اف اف اف يعني لازم اتريه الانسه نوره لين تشرف .
الام : هي لازم تراها اختج وحتى خالد ما ياه .
هند : شوفي اذا ما يو اكثر عن عشر دقايق بروح اكل بروحي .
الام : على هواج وكيفج.

ساره ومعها نوره في السياره رادين بيوتهم من الشغل .
ساره وهي تسوق : شو رايج نوره نروح اليوم مع ريم نتشرى وبعدين نتعشى في ماجدونالز.
هند : فكره حلوه بس بستأذن من امي واخوي اوكي.
ساره بدلع : اخوج ما بيقول شي اذا عرف انج ويايه حبيبتي .
هند : طبعا ست الحسن والجمال .

وبعد ما هند اتغدت اتصلت ربيعتها منى .
هند توها تبى ترقد ورن تلفونها .
هند ومنقهره منو يتصل بهالوقت : الو
منى : هلا واله شو هنود رقدتي .
هند : ليش تخلين حد يرقد . منى ابي ارقد اختصري
منى : انزين انزين كلتيني. اقول ما تبين رقم الحبيب ولا نسيتي .
هند وهي بتوتر وتصد تشوب الباب خايفه احد يسمع : عاد الله يهديج هذا وقته .
منى : ومتى عيل ياله انا بعطيج الرقم .
هند : شو تبيني انا تصل .
منى : لا يالغبيه بس خذي الرقم عشان يوم يتصل تعرفين ان هو شو في بخليه يتصل الساعه 6 اوكي
هند : لا ل اشوفي خلا يتصل الساعه 7 لان هالوقت نوره بتطلع ويا ساره
منى : اوكي خلاص ياله خذي الرقم *******


..وفي المساء ظرهت ساره ويا نوره وريم بمركز البستان عشان يتشرون ويروحون يتعشون .
نوره وهي تمر بين المحلات : الله يهديج يا ساره ما لقيتي الا البستان نتشرى من كثر المحلات .
ريم : هي صدقج نوره ما شي وايد محلات يا ساره .
ساره : ليش حبيبتي عندهم واله محلات حلوه صح ما عندهم وايد محلات بس عندهم بدل حلوه وبعد لان البستان مب زحمه مثل باقي المراكز .
نوره : مب زحمه لان اليوم السبت تعالي ايام الويك اند وشوفي الزحمه وبالذات الخميس.
وراحو طبعا يتشرون وبعد ما خلصو راحو تعشون في المركز نفسه .

ومحمد ربيع خالد كانوا في السياره .
خالد وهو يسوق: يا اخي ماعرف اليوم وين نطلع .
محمد : هي صدق مل .
محمد وهو يشوف خالد : ولا تعال شو اخبار الحلوه ريم
خالد وبنظره يشوف محمد : وشو الي ذ*** فيها الحين .
محمد اونه مستحي : لا بس الصراحه من زمان ما شفتها ولا اقول من شفتها ذيج المره وانا وال كله افكر فيها .
خالد : يعني الحب من اول نظره يالاخ .
محمد : هي صدقت .بس ماشاء الله عليها تدخل الخاطر وحلوه بعد .اتصدق خاطري اشوفها .
خالد فكر بفكره وشاف محمد بخبث وابتسامه عريضه : تعرف شو بحق حلمك .
محمد وهي مستغرب: شو قصدك؟ شو بتسوي ?
خالد وهو واثق من عمره : اقولك خلا المهمه لي واصبر .
وفجأه خذ الموبايل واتصل في اخته نوره :
خالد : الو نوروه
نوره وهي تبتسم وتغمز ساره :هلا بالخطيب الغالي .
ساره وهي تقرص نوره وتقولها بصوت واطي : بس فضحتينا .
خالد : نوروه وينكم ؟
نوره : نحن في مركز البستان قاعدين نبى نطلب عشاء.
خالد : وين بالضبط حدي.
وقالتله نوره الموقع بالضبط .
نوره : ليش يا اخوي شو بتخاوينا .
خالد وهو مستانس : هي اذا ما عندج مانع .
نوره : لا طبعا يا اخوي ما عندي مانع اكيد .
خالد : اصلا لو عندج مانع بعد بي.
ضحكت نوره .
نوره وهي تبتسم : اوكي اخوي ياله نترياك.
ساره : شو تترين منو ؟
نوره وهي تبتسم : حبيبتي الخطيب يبى يتعشى ويانا .
ريم وهي فاتحه عيونها : ها ا .. شو . شو يتعشى أي انا من الاهل . استحي .
نوره : سكتي سكتي شو تستحين عشره عمر ويا بعض .
ساره وهي مساكه ايد ريم :حبيبتي انتي من الاهل لا تنسين اني اعتبرج اختي .
ريم : بعد عمري واله يا ساره . بس ؟
نوره : لا بس ولا شي ياله خلا نطلب لنا .

خالد وهي مبتسم وفرحان وايد ويشوف محمد : ها يالغالي شوف حقت حلمك .
محمد وبنظره تعجب : شو السال فه أي حلم .
خالد : يالاهبل ما قلت انك تبى تشوف ريم خلاص بوديك عندها ونتعشى ويا بعض.
محمد وهو متوتر: ها شو انا ايه علا كيفك . شو اتعشى وياهم ما تعرف اني استحي .
خالد يضرب على كتف محمد : ايه شو تستحي انت حرمه .
محمد : حرمه في ويهك .ولا قول انت اصلا الربحان في هالسالفه ضربت عصفورين بحجر .
خالد وهو يستعبط : ها ليش شو سويت انا .
محمد : اونك تبى تحق حلمي عشان اشوف الريم وانت اصلا بعد تبى تشوف خطيبتك ساره .
خالد وهي مبتسم : يا خي مثل ما قلت عصفورين بحجر.
وبعد ما وصل عند قوم ساره وريم ونوره .
خالد ويا محمد ياين صوبهم .
الريم كانت تشرب عصيرويوم شافت محمد غصت .
ساره تضرب على ظهرها : ايه شو فيج اول مره تشربين عصير فضحتينا .
ريم وهي تشوف محمد ومعصبه : ساره الله لا يبارك فيج انتي ما قلتي ان محمد ربيع خالد بي.
ساره فجأه شافت محمد ويا خالد : وي وي خالد ياه.
ريم وتضرب عل ايد ساره : ساره ويعه . انا بحاله وانتي بحاله ثانيه اقولج محمد شو يايبنه انا خالد وياله ياله واي محمد .
نوره وهي مستغربه وتشوف الريم : وانتي شو عرفج في محمد يالريم.
ساره وهي تبتسم وتستهزء: لازم تحفظ اسمه وشكله من هذاك اليوم نحن في المركز وهي كله تمدح فيه .
ريم : بس سكتي فضحتينا هم ياين صوبنا .
خالد وعيونه على ساره : السلام عليكم .
ساره منزله راسها ومستحيه : وعليكم السلام .
محمد وهو متوتر وخايف وعيونه على ريم : الس الس السلام عليكم .احالكم بنات
ساره وريم ونوره وعليكم السلام يا هلا .
نوره : تفضلو ليش واقفين؟
خالد وهو قعد علىالكرسي : دام فضلج يا اختي .
خالد وهو يمسك من دشداشه محمد : مجمد بلاك واقف تعال ايلس .
محمد وتوه يبى يلس: ها ان شاء الله .
وطبعا طول القعده محمد عيونه علىالريم وخالد اكيد عيونه ما فارقت ساره .
خالد وهو يكلم ساره : ها ساره شو اخبار الدوام ؟
ساره وبصوت رقيق: تمام الله يعافيك وناسه .
خالد :وناسه من اول يوم بس بعدين كله شغل على راسكم .
خالد وهو يكلم الريم : ها ريم وانتي شو التقنيه وياج .
الريم وهي مستحيه : تمام الحمد لله .
نور ه وهي ترمس الريم في اذنها : بلاه العاشق محمد عيونه عليج .
الريم : سكتي سكتي مالج خص.
ساره : بلاكم عن شو تتكلمون.
خالد وهو يشوف محمد : ولا انت شو رايك .
محمد : ها ا .. عن شو ؟
ساره تضحك : محمد مب داري عن دنيانا .
محمد يبتسم ويشوف الريم .
وهم قاعدين يتكلمون ويسولفون
ولا فجأه??

تتوقعن مين الي دخل عليهم ؟؟؟؟

الجزء السادس:

هالمرة الجزء قصير

عشان كذا حطيته هههههههه

يلا تفضلوا الجزء ماطول عليكم

-----------------------------------------------------------------
دخل فهد ويا ربيعه مروان وطبعا صدفه .
فهد : ياله يا مروان تعال نقعد تراني يوعان واله .
محمد : انزين ذبحتنا يوعان يوعان كأنا مب متعشي من سنه .
فهد وهو يدور على كرسي فاضي قعد ويا ربيعه محمد .
فهد وفجاه شاف ساره وتم يطالعها : ساره ساره هني .
مروان يدور : أي ساره شو السالفه .
فهد : ساره الي جدامنا الي لابسه ام شيله فيها فصوص ورديه .الاحلى وحده بينهم .
مروان وهو يدور على ساره : هي هاي الي في وسط بنتين صح .
فهد : هي هي .
مروان وهي صد يشوف فهد : بس انت شو عرفك فيها ما دريت انك تكالم وتغازل .
فهد وهو يتنهد : اه يا مغازله زهاي يا محمد سحرتني وقسم باله سحرتني خلتني لاعرف اليل من نهاره .
مروان وهو مستغرب: من وين تعرفها .
فهد : هي ربيعة اختي .
مروان : مدانك تحبها ليش ما تخطبها .
فهد وهو منقهر : لانها مخطوبه مخطوبه من ولد خالتها .
مروان : ها يعني راحت عليك يالحبيب.
فهد وبعصبيه : لا لا لا مستحيل تروح مني انا يا مروان اذا بغيبت شي احصل عليه سمعت ساره ما بتكون الا لي وبتشوف .
مروان خاف من عصبيه وكلام فهد : انزين انزين هدي شوي .
مروان وهو خايف على فهد من توتره : اقول فهود ليش ما نورح مكان ثاني نتعشى .

فهد :لا مابروح مكان ثاني انا ما صدقت شفتها عشان اتامل فيها ولا تعرف قوم قوم .
مروان وهي مستغرب ويشوف فهد : وين اقوم وين بنروح :
فهد يأشر على طاولتهم : بروح اسلم عليها .
مروان : انت ينيت ولا شو .
فهد : عادي اختي وياهم اوني بكلم اختي ومره وحده بسلم عليها اذا ما بتي انا بروحي بروح .
مروان : روح روح برةحك ما يخصني اخاف تسوي فلم هندي وظرابه .
فهد : روح عند طاولتهم وقف وشاف بس ساره وشوي بياكلها بنظراته : السلام عليكم
الريم وهي صدق فاتحه عيونها وفمها بعد : فهد شو يايبنك .
فهد بابتسمامه : ليش حرام اسلم يعني .
الريم : لا يا اخوي تفضل حياك .
ساره وهي تمت تشوف فهد وتشوف ان عيونه عليها شافته ونزلت راسها وخافت من ان خالد يلاحظ .
خالد : هلا فيك اخوي فهد تفضل.
فهد مستغرب منو هذيله : فهد تسلم اخوي دام فضلك .بس ما عرفنا من الاخ :
الريم وهي مبتسمه : هذا الله يسلمك اخوي ولد خالة ساره وخطيبها بنفس الوقت .
من سمع فهد ان هذا خطيبها وشوي يبى يذبحه ولا النار بقلبه ما قدر يستحمل .
فهد وهو منقهر : ياله من رخصتكم .
الريم استغربت من ملامح اخوها : بحفظ الله ياخوي .
نوره وهي تكلم الريم بصوت واطي : الريم هذا اخوج .
الريم : هي ليش يشبهني .
نوره : أي يشبهج واله احلى منج .ماشاء الله عليه صدق وسيم اسمراني وعليه طول ولا عيونه كم تسوى .
الريم : لا بعد بس ناقص تكتبين له بيت شعر .
نوره : واله لو اعرف اكتب جان كتبت .
خالد : انتو أيه شو تتكلمون حشى احشمونا نحن قاعدين وياكم .
نوره بتوتر: ها ماشي بس قلت ان اخوها ما.. ما.. ما يشبها.
وخالد لاحظ نظرات فهد وانقهر وايد بس سكت .


اما هند فكانت بروحها وتريه مكالمه اخو ربيع منى بس صارت الساعه 9وما اتصل .
وفجأه رن موبايلها وشافت الرقم ولا هو رقمه .
هند بخوف كبير: الو
سالم اخو ربيع منى : الو مرحبا بناعم الصوت .
هند بتوتر وبرقه : م م م م مراحب
سالم : هلا وغلا بهند شو اخبارج يالغاليه .
هند : تمام الله يعافيك
وتكت ساكته .
سالم : شو فيج ساكته .جنه هاي اول مره اتكلمين واحد صح .
هند : هي هي طبعا .
سالم وفي خاطره يقول (كل البنات يقولون نفس الكلام ) : اتصدقين انا بعد اول مره اكلم وحده
وطبعا جذب لان ما خلا وحده ما كلمها .
هند بخجل : صدق انا اول وحده
وسالم بمكر : طبعا انايوم قالتلي منى عنج وعن اخلاقج قلت خلاص هالبنت الي اباها .
هند مستانسه حيل : وسكت .
سالم : الصراحه يا هند انا حبيتج .
هند وهي مستغربه : كيف حبيبتني وانت ما شفتني ولا صارت دقايق الا مكلمين بعض.
سالم وبخبث: حبيبتي القلب اول ما سمع صوتج اختارج انتي وحبج .
هند : ساكته .
سالم : وانا راح اعيشج بعز ودلال وراح تكون علاقتنا اجمل علاقه .
هند وهي مستانسه ومصدقه : صدق
يسالم : طبعا يا حبيبتي .
هند :حبيبتك .
سالم : هي الواحد يوم يحب الوحده باخلاص يسميها حبيبه وانتي اخذتي هالقب .
هند مستانسه ومصدقه عمرها .
ولا فجاه نوره اختها يت وفتحت الباب .
هند من شافت اختها توترت وصقت التلفون في ويه سالم .
نوره واقفه عند الباب واستغربت حركه هند .
نوره وتشوف موبايل اختها .
نوره : هند شو فيج ليش اتوترتي يوم شفتيني .
هند بتوتر شديد وهي تلعب بيدها : ها ..ما شي . بس ربيعتي منى اتصلت وفجاه قطع الخط .. ا ا أ أ أ اكيد ما شي بطاريه في موبايلها . انزين نوره من رخصتج بروح عند امايه .
وطلعت هند وهي متوتره بس نوره لاحظت توترها واستغربت من الحركه .

والبقيه تأتي بيوم ثاني .
شو تتوقعن سب عصبيه فهد ؟
وشو بيسوي عشان ساره تكون له

ونوره هل بتكشف علاقه اختها

بسالم ؟؟

الجزء السابع:
الريم بعد ما وصلت البيت اخوها فهد كان يترياها .

الريم : السلام عليك اخوي .

فهد وهو معصب : وعليكم السلام هلا بالاخت شرفتي .

الريم مستغربه من عصبيه اخوها اول مره تشوفه بهالطريقه ...

الريم : هلا اخوي فهد خير ليش معصب؟

فهد وهو نازل من السلم : لا ليش اعصب وانتي طالعه ويا شباب ما اعرفهم .

الريم راحت عند اخوها : اخوي صدقني انا اصلا كنت رايحه ويا رباعتي بس فجأه خطيب ساره ياي وسلم علينا

وقعدو ولا تنسى ان ربيع خالد يعتبرونه اخوهم لانه متربي وياهم .

فهد عصب يوم سمع خطيب ساره وبصريخ قال : لا تقولين خطيب ساره سمعتي لا تقولين.
ا
لريم وهي مستغربه ورافعه حواجبها من التعجب: فهد شو فيك فهد انت مب طبيعي من كم يوم .

فهد وهو يرد على وراه : ليش مب طبيعي قولي مره وحده ميون.
ا
لريم وهي تهدي اخوها : لا يا اخوي انا مب قصدي بس شو سالفتك ويا ساره .
والريم تمت تفكر وبصمت .

وفجاه الريم شافت اخوها وبترد: لا ..لا يكون يا فهد تح ... تحب ساره ؟

فهد وهو ماسك يده وبنبره حزن : هيه هيه يا اختي احبها لا ما احبها اموت فيها انا مجنونها سمعتي

وساره اوعدج انها ماراح تكون الا لي سمعتي لي .

الريم وقفت ولا قدرت تنطق بكلمه .

معقوله اخوها الي عمره ما فكر بالحب والحين يوم حب يحب منو يحب ساره ساره المخطوبه .

وفهد راح على طول غرفته .


وفي اليوم الثاني راحو ساره ونوره الشغل كالعاده وهم قاعدين يردون على المكالمات ويرتبون الملفات فجأه
دخل عليهم ريال واسمه : عبد الله .

نوره وهي مندمجه بشغلها .

عبد الله ياي صوبها : السلام عليكم اختي .

نوره رفعت راسها عشان تشوف منو الي يكلمها : وعليكم السلام نعم اخوي خير.

عبد الله اندهش من ملامح نوره ورقتها وتم ساكت .

نوره استغربت من سكوته : نعم اخوي بغيبت شي.

عبد الله وهو يشوف نوره : ها ..لا اختي.. قصدي هيه بغيت اقول اني بغيت مبلغ معين بس ماعرف ما طلعلي شي .

نوره : م اوكي يمكن تعطينا بطاقتك لو سمحت .

عبد الله : اكيد اختي افا عليج .تفضلي

نوره وهي ماسكه ورقه عبد الله : شوف اخوي الصراحه اعتقد في لخبطه في شي بس هذا مب تخصي انا تقدر

تروح على يمينك واسال الاخ جاسم هو يقدر يساعدك .

عبد الله بابتسامه ورقه : تسلمين اختي ما قصرتي .

نوره : الله يسلمك اخوي .

عبد الله راح بس في باله هالبنت صدق حلوه ورقيقه ماشاء الله عليها ومحترمه بعد .



هند في المدرسه وفي البريك أي الفسحه راحت ويا ربيعتها منى وهم قاعدين بالكافتيريا قاعدين ياكلون وقعدو على الكرسي .

منى وهي تشوف هند وتضحك :ها هند شو اخبار الحبيب العاشق .

هند خايفه : سكتي سكتي لا حد يسمعنا وتفضحينا .

منى : الله يخليج أي فضيحه المهم شو اخباره ان شاء الله فرحانه .

هند خلت الساندويش واندمجت في الرمسه وبرقه : تصدقين نحن علاقتنا من اسبوع بس احسه من سنه ما عرف

تعلقت فيه وايد ويمكن اقولج اني ما اقدر يمر يوم عندي وما اسمع صوته( وبتنهد) ولا كلامه اه يا منى كلامه يسحر .

منى وهي تبتسم /: هههههههههههههههههههه

ما قلت لج ما قلت لج طيعين يوما بتخسرين حبيبتي هذا يسمونه الحب الحب الحب.

هند وهي مستغربه : الحب معقوله حبيته باسبوع

منى : حبيبتي الحب ماله يوم ولا وقت .

هند وحاطه يدها على خدها : ايه يمكن الحب .

وطلعت هند صدق تحبه ولا تموت فيه اما طبعا حبيبها سالم ولا عمره حب احد هو اصلا هوايته يلعب على البنات
ويقص عليهم .

اما فهد فهو صدق متعذب ويحب ساره اكثر من حياته ويقدر يضحي بعمره عشانها قاعد يفكر كيف يعترف لساره

بحبه له كيف كيف وفجاه يتله فكره حلوه وهي انه يسجل صوته بخاطره من كلامه ويعبر عن حبه لساره ويعطيها الشريط وهي تسمعه وتعرف كل مشاعره

ونقز فهد من هالسرير وهو مستانس وايد من هالفكره الي طرت على باله

اما نوره وساره وهم رادين البيت ولا فجأه السياره وقفت ويا الفضيحه .

ساره وهي منقهره : شو هذا شو هالفضيحه في وسط ال السياره تخترب علينا .
نوره هي تحاول تعرف شو سالفه السياره : تصديقن ماعرف شو سالفتها .

ساره : قلت لج بروح بسيارتي بس انتي عاندتي .

نوره : الحين الي صار صار خلاص . ثانيا نحن تونا طالعين من الشغل يعني نقدر نرد عادي .

وتمت ساره تتحرطم اما نوره طلعت عشان تشوف سالفة السياره .

وفي الطريج طبعا طلع عبد الله من البنك وخلص اوراقه وهو يبى يروح فجاه شاف سياره واقفه وشاف بنت ويوم

حد النظر ولا يقول : هالبنت انا اعرفها شفتها توني

وقف سيارته عند سيارتهم ونزل وراح عند نوره .

عبد الله وهو يكلم نوره : خير اختي شو صار ؟

نوره وهي منحرجه : واله ماعرف شو سالفه هالسياره .

عبد الله رفه كم يده وقال : يمكن اساعدكم اختي

نوره منزله راسها: اذا تقدر اخوي .

عبد الله مستانس ان يت هالفرصه : افا عليج اختي .

وراح يشوف السياره شو فيها . اما ساره قاعده في السياره وتحرطم .ونوره واقفه عند عبد الله بس شوي بعيده عنه .
نوره : ها اخوي عرفت شو سالفة السياره.

عبد الله وهو يبتسم : هي اختي السالفه وما فيها ان السياره ما فيها ماي ولا يمهج انتي ادخلي داخل السياره وانا

راح ايب الماي لان شيشة البترول جريبه من هني .

نوره : واله كلفنا عليك وايد اخوي .

عبد الله بحنيه : لا افا عليج اختي .

وبعد ما عبد الله ياب الماي وكل شي راح عند نوره

عبد الله : خلاص الحين تقدرين تتحركين اختي

نوره منزله راسها وتلعب باصابعها : تسلم اخوي ما قصرت واسمحلنا تعبناك ويانا.

عبد الله وهو يعدل غترته : افا عليج اختي ما سويت شي ياله روحي بحفظ الله .

نوره وهي راكبه السياره : بحفظ الرحمن ومع السلامه.

عبد الله : مع السلامه.

وبعد ما تحركت السياره وراحو ساره ةهي تشوف نوره وتشوفها من طرف عينها .

ساره وهي تقلد رمسه وصوت نوره : تسلم اخوي ما قصرت .

نوره وهي مبتسمه ومستحيه : بسج عاد يا ساره من متى وانتي تعلقين شو فيج يعني حرام اشكر الريال .

ساره : لا ما اعلق بس اقول شو في ويهج محمر وانتي تكلمينه ولا اخاف الريال عايبنج.

ساره صدت صور ساره : ساروه يوزي عن هالرمسه لا تسويلنا مسلسل مكسيكي .

ساره : هههههههههههههههههه احلى مسلسل مكيسكي

نوره : هههههههههههههههههههههههههههههه حسبي الله على ابليسج.

هند بعد ماردت من المدرسه راحت وشافت موبايلها وفتحت موبايلها لانه كان مغلق وبعدين رن موبايلها واكيد

المتصل سالم.رفعت هند الموبايل .

هند برقه الو

سالم :يا هلا واله بالي اشتقت لها موت .

هند وهي تلعب على شعرها : هلا فيك .

سالم : ليش كله غالقه موبايلج.

هند : لاني كنت في المدرسه واول ما فتحته على طول اتصلت انت .

سالم بضحكه خبث: ههههههههههههاي طبعا احساسي .

ودخلت نوره على غرفه هند وشافت هند وهي تتكلم تلفون .

نوره وهي تشوف اختها : السلام عليكم

هند توترت كالعاده : أي أي أي ... وعليكم السلام هلا نوره .

شفات نوره توتر اختها للمره الثانيه واستغربت من هالشي.

هند بتوتر ورعب : اقول منى منى راح اخليج الحين اوكي ياله باي .

نوره قعدت على الكرسي: توج يايه من المدرسه وكل الوقت تكونين ويا منى وبعد تكلمين منى الحين.

هند بتوتر : انزين شو فيها تراها ربيعتي واعز رباعتي بعد.
نوره : واله انا هالبنت ماعرف ليش ما ارتحالها .

هند : لا واله ليش شفتي عليها شي.

نوره وباسلوب جاد: لازم اتريه اشوف عليها شي بعديت اتكلم يعني .بس انا مب مرتاحتلها عندي احساس انها بنت حركات .

هند بعصبيه : واله انا ما يهمني ارتحتي لها ولا لا ء المهم مرتاحه لها وانتي اصلا من متى تهتمين فيه كل وقتج ويا الحبيبه ساره .

نوره : اولا ساره خطيبه اخوي وبنت خالتي ثانيا ساره احسن من هالي تكلمينها .

هند بصراخ : ايه ايه ما اسمح لج تتكلمين عن منى .

نوره وقفت وراحت وقبل ما تصك الباب

نوره : كلامي وياج ضايع اصلا .


هند انقهرت من كلام اختها ولين الحين تشوف منى انها ملاك مع ان منى اصلا عدوتها لان الربيعه الي تنصح

ربيعتها على الخراب والمعصيه تكون عدوه مب صديقه .


عبد الله كل تفكيره ويا نوره الي لين الحين ما يعرف حتى اسمها دخلت خاطره من اول نظره وبعدين طلع ويا ربعه الستي سنتر .\



وخالد طلع ويا هند ونوره سيتي سنتر عشان يتشرون .

وهناك شاف عبد الله خالد وراح يناديه :

عبد الله وهو ورى خالد: خالد خالد .

صد خالد وشاف عبد الله : هلا واله بعبد الله وينك يا ريال ما تنشاف .

واما هند ونوره راحو مكان ثاني عشان خالد يكلم ربيعه .

عبد الله : انت الي وينك حشى من ايام الثانويه وانت ما تنشاف .

خالد : واله تعرف يا عبد الله مشاغل الدنيا

عبد الله : هي صدقت ولا انت شو اخبارك ها لا يكون تزوجت .

خالد وهي يبتسم : لا واله بعدني بس انا خاطب

عبد الله ماسك يدخالد : الف مبروك واله تستاهل بس عاد اعزمنا على عرسك خلنا نفرحلك .

خالد : افا عليك يا عبد الله فالك طيب.

عبد الله : ياله يا خالد نشوفك على خير .

خالد : ان شاء الله ياله مع السلامه .

راح خالد عند خواته وطبعا عبد الله وهو يشوف ربيعه فجأه شاف نوره .

عبد الله فاتح عيونه : هالبنت هالبنت هني بعد .اه يا الدنيا شو سالفتي كله اشوفها .

نوره ما انتبهت ان خالد يكلم عبد الله .



وساره وهي بحديقه الريم كانو قاعدين يسولفون ويضحون ودخل عليهم فهد وهو مار عندهم .

فهد وهو يشوف ساره : السلام عليكم

ساره والريم : وعليكم السلام

فهد : اشحالج يا ساره .

ساره : بخير الله يعافيك .

راح فهد شاف هالوقت احسن فرصه عشان يعطي ساره الشريط الي معبر فيه عن حبه .

فهد وهو يايب الشريط: ساره يمكن تسمعين هالشريط .

ساره استغربت ومدت ايدها عشان تاخذ الشريط وشافت الشريط ماعليه اسم : شو هالشريط يا فهد .

فهد وهو يبتسم : هالشريط اهم شي بحياتي انتي اسمعي الشريط وبتعرفين .

ساره وهي مستغربه : خلا ص اوكي

ودخلت الشريط بشنطتها .اما ريم وهي تشوف اخوها وقلبها يدق وخايفه من الي بيصير .


وبعد ماساره روحت راحت ريم بسرعه ادور على اخوها .

الريم : فهد فهاد وينك .

فهد : هني انا في الصاله .

الريم قعدت عند فهد : فهد شو هالشريط الي عطيت حق ساره .

فهد صد صوب اخته : هالشريط يا الريم بيفهم ساره عن حبي لها واني اموت فيها واني ابيها تكون لي .

الريم قامت من مكانها شو فهد فهد انته شو سويت اه يا خوفي اخسر ساره .

فهد راح يهدي اخته : شو بلاج يا الريم انا بس بعترف لها اني احبها .

الريم : وهي طبعا مستحيل ترضى بهالشي لانها مخطوبه مخطوبه يا فهد وتحب ولد خالتها خالد من زمان .

فهد صد عن اخته وبعصبيه : قلت لج انا ما يخصني بهالكلام قلت لج واعيد لج ساره ما بتكون الا لي سمعتي .

وفهد راح ورفع راس اخته لانها كانت منزله راسها : الريم الريم انا موت في ساره واله احبها انتي لازم توقفين

وياي يالريم .

الريم رفعت راسها وتمت تشوف فهد : بس بس

فهد : لا بس ولا شي خلاص انتهت السالفه .وساره راح تكون لي باي طريقه .


اما ساره وهي راده البيت راحت وبدلت وكانت تقرى كتاب ولا فجأه تذكرت الشريط وراحت وطلعت الشريط من

شنطتها وشغلته .ولا الشريط بصوت فهد.

في الشريط كان فهد يعبر عن حبه وهو يقول :


..خذيت القلب من دون استئذان ..
وخليتني هايم بحبك يا نبض قلبي
من أول نظره وانتي في بالي .
وما قدرت افكر الا فيج
الحين كيف اقدر اعيش من دونج
بعد ما خذتي قلبي
كيف اعيش من دونج
وانتي الروح الي فيه..
حبيبتي لا تخليني
بعدك يعذبني ويزيد جروحي ..
محتاجلك يا نظر عيني
مقدر على بعدك يا عمري
تعال ريح قليبي
انا مجنونك مجنونك
وصرت الحين مجنون ساره


وساره بعد ما سمعت هالشريط ما قدرت تستوعب شي وقفت وهي الف سؤال وسؤال في بالها وبعدين رن

موبايلها وكان المتصل ..فهد.

ساره بتوتر : الو

فهد : مساء الحب الي ما اقدر اوصفه .

ساره بعصبيه : انت منو

فهد : هدي هدي انا فهد فهد يا ساره

ساره وهي ساكته .

فهد : سمعتي الشريط صح.

ساره بقهر : فهد من وين يبت رقمي .

فهد : الحين هاي من سالفتنا شو سمعتي الشريط

ساره : هي سمعته يمكن تفسر كلامك

فهد بحنيه : افا عليج ما طلبتي شي
ا
نا باختصار يا ساره احبج واموت فيج واله ياساره انج سحرتيني ما اقدر اعيش من دونج ساره انا
احتاجلج احتاجلج يا ساره .و .

ساره تقطع كلامه : اذا نسيت يا فهد ولا ماتعرف اني مخطوبه يعني هالكلام ما ينفع .

فهد بعصبيه شديده : انا ما يهمني الي يهمني بس انج تكونين لي .

ساره بصراخ : انت شو ما تفهم اقولك مخطوبه وانا مب لك اوكي انا لانسان غيرك وقلبي لخالد وبس . وياله باي .

وصكرت الخط .

وفهد وهو معصب ومنقهر من كلام ساره وراح اتصل في ساره مره ثانيه .

ساره بعصبيه : فهد لا تتصل مره ثانيه بليز خلني .

فهد والدمغعه بعيونه وبعصبيه : ساره بقولج شي انتي راح تكونون لي سمعتي ولا واله العظيم انج راح تندمين

وانا اقدر على كل شي

ساره : يعني شو تهد تقدر على شو .؟؟

فهد : اقدر اقدر يا ساره عشانج اقتل اعز ناسج

ساره سكت وانصدمت يوم سمعت هالكلام .

فهد : ليش سكتي هي انا اقدر وبتشوفين .وباجر بين لج هالكلام ما بخليج لين ما توافقين على زواجنا .

ساره : تحلم انا ما بكون لك .

وصكرت مره ثانيه الخط وتمت ساره تصيح وخايفه من الي بيصير لها .



فهد كان جاد بكلامه لان عشان ساره عادي يسوي أي شي


وراحت ساره ومسكت التلفون واتصلت في ريم :
ا
لريم : الو

ساره وهي تصيح :انتي ليش عطيتيه رقمي .
ا
لريم بتعجب: عطيبت منو ؟ والشو السالفه
ساره : اخوج اتصل فيه وقعد يهدني ويقولي انه يحبني

الريم مستغربه: اخوي اتصل .بس يا ساره لا تصيحين اخوي فهد ما قصد يجرحج بس هو يحبج .

ساره وهي تمسح دموعها : أي حب الي بيخليه يقتل اعز ناسي هذا حب .

الريم استغربت من كلام فهد معقوله اخوها يذبح وتذكرت ان من بعد وفا امها فهد صار له مرض نفسي ويقدر يسو أي شي.

الريم : ساره طيعي اخوي لاني اخاف اخاف _(بترد) ينفذ تهديداته .
ساره بخوف : شو شو تقولين انتي

الريم : شوفي يا ساره اخوي انسان عادي مب مينون ولا شي بس هو يوم فقد امي صار له مرض نفسي لانه كان

متعلق فيها وتعرفين المريض النفسي ما يحس فالي يقوله احيانا ولا الي يسويه.

ساره : يعني يعني معقوله ينفذ لا لا ل مستحيل مستحيل

تمت ساره تصيح وخايفه .

الريم : بس يا ساره بس .

ساره : الريم انا الحين بخليج ياله باي
وتمت ساره محتاره بالي يصير لها
فهد يهدها هل يا ترى بينفذ تهديداته.

شو تتوقعن فهد بيسوي؟؟
وهل بينفذتهديده

الجزء الثامن:





بعد ما غلقت ساره التلفون من فهد كانت صج خايفه وايد من كلام فهد .وفي اليوم الثاني كان يوم الخميس يعني اجازه وكانت هند ويا نوره وامهم يالسين يفطرون .

هند وهي تشرب العصير: واخيرا ياي يوم الخميس صج واله نوره حظج خلصتي من المدرسه والارف.
نوره : هي خلصت بس لا تنسين اني اداوم يعني بعد تعب وشي نشه الصبح .
هند : هي صح بس بعد مب مثل المدرسه مذاكره وامتحانات.
الام : الحين الي تقولين انتي مقطعه الكتاب من المذاكره .
نوره : هههههههههههههههههههههههه
هند : هي ضحكو علي شو وراكم .اصلا انا اذاكر بس انتو ما تشوفوني .
نوره وهي تضحك على اختها : هي صح صح تذاكرين
وبعدين رن موبايل هند . وهند شافت الرقم وكان سالم بس هند ما ردت على اتصاله عشان ما تنفضح.
نوره وهي تشوف هند ومستغربه : هند ليش ما تردين على المتصل .
هند وهي مرتبكه : ها ...م .. مب متفجيه ارد الحين ابي اقعد وياكم .
نوره وهي رافعه حواجبها : غريبه مع انج تتخبلين يوم موبايلج يرن وعلى طول تردين.
هند : يعني شو ما ابي ارد خلاص .
نوره في خاطرها ( انا لازم اعرف شو سالفتج يا هند واله اني حاسه في شي).
هند لاحظت نظرات اختها نوره وصدق خافت .


اما ساره فكانت ليلتها صدق مخيفه من بعد اتصال فهد كانت خايفه وايد ورن موبايلها ولا هي الريم .

ساره : الو
الريم : هلا ساره اشحالج
ساره وهي تتنهد : اه أي حال مب بعد اخوج هذا .
الريم : طولي بالج يا ساره ما بيصير الا الخير .
ساره : الريم روحي كلمي اخوج اقنعيه دخيلج خلا يودرني ويخلني بحالي.
الريم : واله ماعرف شو اقولج اخوي هالايام عصبي واخاف اكلمه عن هالشي.
ساره : عفيه الريم بليز عشاني شوفي صج هو يوم هدني بينفذ تهديداته ولا بس تهديد عادي.
الريم : ههههههههههههههههه واله تقولين فلم هندي
ساره وهي منقهره : واله أحر ما عندي أبرد ما عندج ابي اعرف انتي على شو تضحكين وانا صدق خايفه ياله ريم روحي عند اخوج اتريه اتصالج اوكي.
الريم : زين زين كلتيني خلاص بروح عنده واله يعيني منه .

راحت الريم عند اخوها فهد . ودخلت عليه غرفته .

الريم : احم احم اقدر ادخل .
فهد : تراج دخلتي خلاص بعد ليش تستأذنين.
الريم : ههههههههههههه .اقول اخوي ما تبي تفطر.
فهد وهو زعلان : لا ما ابي
الريم : ليش اخوي خير شو فيك
فهد وهو يشوف اخته بطرف عينه : اكيد تعرفين شو فيه ريم بلا استعباط اكيد ساره خبرتج .
الريم وقلبها يدق وفي خاطرها ( وي وي انكشفت )
الريم يلست عند فهد : فهد انته من صدقك الحين تهد ساره .
فهد قام من مكانه وعصب: ليش شو تتحرين ما اقدر اسويها .
الريم : لا مب قصدي بس تتحرى التهديد بيب نتيجه .
فهد وبصريخ : واله انا ما ابي اهدها ولا شي بس هي هي هي ما تباني فما اقدر الا اني اهدها بس واله يالريم راح انفذ تهديداتي اذا عاندت .
الريم خافت من عصبيه اخوها : زين زين اخوي هد اعصابك .
فهد : الريم اتصلي في ساره وقوليلها فرصه اخيره خلا تفكرولا صدق بنفذ الي في راسي خلا اتي وياي بالطيب.
الريم : اخوي الله يهديك خلا ساره الحين .البنات متروسات في البلد.
فهد بنبره حزن : بس مب انا الي اخترتها يا الريم قلبي الي اختارها واله لو بايدي جان شلتها من تفكيري بس ما قدرت واله حاولت ما قدرت واله احبها بموت من دونها واله بموت بموت يالريم .
ودمعت عين فهد وراحت الريم ومسكت ايده .
الريم : بس يا اخوي عورت قلبي واله ما كنت اتوقع انك تحبها هالكثر.
فهد : واله لو اضحي بعمري عشانها جان ما تردت .

الريم كانت مستغربه من كلام اخوها معقوله معقوله فهد هالكثر يحبها وراحت اتصلت في ساره .

ساره : ها بشري بشري شو سويتي .
الريم وهي متضايجه : ساره كلمت اخوي ويقولج هو ما يبي يهد بس انتي معانده ساره فهد يباج .
ساره وهي معصبه : شو الحب غصب شو هذا اخوج ما يفهم اقولج روحي قوليله اني مب له ولا بكون له زين انا قلبي لخالد لخالد وبس وهو خلا يهد اصلا انا ما همني شي .
الريم : زين ليش معصبه انا شو يخصني .
ساره : اسمحيلي يا الريم بس هذا اخوج يقهر واله عور راسي.
الريم : لا حاسه فيج الله يعينج ويعين اخوي الي شكله بيتعذب .خلاص من رخصتج بروح عنده اوكي
ساره : اوكي الريم ياله باي.

راحت ريم عند فهد وهي ماتعرف كيف تواجهه.
فهد شاف الريم في الصاله وقاعده تتمشى .
فهد نزل من الدري: ها الريم شو قلتي لها .
الريم وهي تشوف اخوها وبترد : ها..../م.. هي كلمتها ..بس بس بس .
فهد : بس عاندت صح معلي ياساره واله اراويج ما اكون انا فهد خليفه اذا ما خليتج تكونين لي .
الريم خايفه من تهديدات فهد : فهد فهد شو بتسوي .
فهد وهو طالع برع : بعدين بتعرفين .

الريم متضايجه وايد من الي يصير في فهد .فهد عمره ماكان جذي وكله معصب .معقوله الحب يغيره .

اما هند بعد ما اقنعت امها انها تروح بيت منى بس طبعا هالمره بس عشان منى لا عشان سالم .
هند وهي تبوس امها : ياله امايه وافقي.
الام : بسج بسج ذبحتيني .
هند : ما بهدج لين ما تخليني اروح .ياله امايه بس ساعتين .
الام : م شوفي بخليج هالمره بس عاد مب كل يوم ولا طولين سمعتي .
هند وهي تحضن امها : فديتج امايه الله لا يحرمني منج.

نوره : شو السالفه وين بتروحين ؟
هند : بروح بيت منى .
نوره عفست ويها : هند بعدج ويا منى هاي .
نوره : هي بعدني ثانيا بلا ويهج تغير يوم سمعتي اسمها .المهم الحين ما ابي اتضارب وياج بروح اتلبس ياله باي .


ساره راحت تتلبس عشان تروح بيت خالتها .اما خالد فكان مستانس وايد لان ساره بتي بيتهم
ساره وصلت بيت خالتهم وكان اول واحد في استقبالها خالد خطيبها .

ساره : السلام عليكم .
نوره وخالد وعليكم السلام يا هلا .
ساره راحت تسلم على نوره ويوم يت عند خالد نزلت راسها واستحت .
ساره وهي مستحيه : اشحالك ولد خالتي عساك بخير .
خالد وهو يشوفها : بخير بشوفتج يالغاليه .
نوره : ايه الحين بيبدون بحركاتهم ياله ساره تعالي قعدي شو بتمين واقفه .
ساره قعدت وعيون خالد كله عليها .
نوره وهي تسولف و فجاه تذكرت موقف وتمت ميته من الضحك .
ساره مستغربه من نوره : شو فيج تضحكين .
نوره وهي تشوف خالد وميته من الضحك " ههههههههههههههههههههههههههههه ما اقدر ما اقدر .
خالد : ايه بلاج تشوفيني وتضحكين شو تشوفيني نكته .
نوره : هههههههههههههههه واله تذكرت تعرفين شو يا ساره .
ساره : كيف بعرف وانتي ميته من الضحك ولا ترمسين .
نوره : تذكرت يوم يبت طيطار تعرفين ان خالد ما يحب طيطار زين يبت له طيطار صناعي يعني جذبي وخليته في غرفته وطلعت ولا اشوف (وهي تضحك ) ولا اشوف هو يصارخ ويقول نعال وين نعال وانا قاعده اشوف من طرف الباب ولا اشوفه يايب النعال وقاعد يضرب في هالطيطار يتحراه صدقي ولا فجاه يشوف الطيطار ما يتحرك ولا يشرد اخر شي عرف انه جذبي.هههههههههههههههههههههههه.
خالد وهو يضحك : ههههههههههههههههه الله يغربل بلسيج ذكرتيني واله تعرفيني ما احب الطيطار على الاقل أي حشره ثانيه او صرصور اهون عندي .
ساره وهي ميته من الضحك ":" هههههههههههههههههههههههههههههه هههه الله ياخذ بليسج واله عليج حركات يا نوره .

وبعدين رن موبايل خالد.وكان المتصل فهد فهد اخو الريم .

خالد : الو نعم
فهد: خالد شو اخبارك ؟
خالد وهي مستغرب من هالصوت : تمام الله يعافيك بس من وياي ؟
فهد : انا اسمي فهد وانت اصلا ما تعرفني بس بغيت بسالفه يا اخوي وسالفه ضروريه وايد
خالد مستغرب وفاتح عيونه : بس انا ما عرفك وثانيا ليش تباني ؟
فهد : ابيك بسالفه شو ليش مترد وايد شو بتي ولا ؟
خالد : خلاص اوكي بي بس وين تباني اشوفك ؟
فهد : م شو رايك عالبحر المزر هناك اوكي بالذات هالوقت هادي ومحد موجود وانا راح اتصل فيك عشان تعرف مكاني بالضبط اوكي .
خالد : خلاص اخوي نشوفك هناك .

خالد وقف من عالغنفه .
خالد : ياله عن اذنكم .
ساره : افا وين بتروح .
خالد : واله السموحه في واحد من الربع يباني ضروري بشوف شو يبى وبرد ان شاء الله اقول خلا بعض الناس ما يروحون .
ساره برقه : ما بيروحون لا تحاتي .
نوره : حشى حشى فاهمين بعض .
ساره : ساكته
خالد : اكيد طبعا فاهمين بعض في حد ما يفهم روحه (وغمز لساره )
ساره استحت وما قالت شي.
خالد : ياله مع السلامه .
ساره ونوره : بحفظ الله .

الريم وهي كانت تشوف تلفزيون شافت اخوها مستعيل وكان يركض وفجاه شي طاح من مخباته ويوم تشوف سجين .
الريم وهي خايفه : فهد ليش ماخذ السجين وياك فهد خير .
فهد هو توتر وايد : ها .......... ما شي .......ياله باي .
الرم خافت اول مره تشوف اخوها يمسك سجين وياه لا بعد السجين مبين عليه حاد ولمهمات الصعبه وتذكرت تهديداته وراحت اتصلت في ساره لانها كانت تحاتي خالد.

الري وهي خايفه : الو ساره .
ساره : هلا بالريم .
الريم : ساره وينج الحين .
ساره : انا في بيتكم خالتي ليش شو في خير؟
الريم : ساره وينه خالد .
ساره مستغربه ورافعه حواجبها : شو تبين فيه .
الريم شوي تبى تصيح : ساره الله يخليج قولي وين خالد.
ساره : شو فيج يالريم .خالد راح توه عند واحد من الربع .
الريم : ها ..لا يكون امي.
ساره خافت : بلا ج الريم فهميني شو فيج .
الريم : ساره روحي اتصلي في خالد شوفي عند منو رايح لان لان (بترد) لان فهد شفته راح مكان ومعصب واخاف ينفذ تهديده .
ساره قامت من مكانها :شو شو تقولين يا ويلي يا ويلي اذا صار هالكلام صدق خلاص يالريم بروح اتاكد من خالد ياله باي .

وراحت ساره تتصل في خالد عشان تتاكد .
ساره : الو خالد .
خالد وهو مستانس : يا هلا واله بالقلب والشوق كله .
ساره : خالد اقول انت وين رايح .
خالد ونظره تعجب بعيونه اول مره ساره تسال وين بيروح
خالد : بروح عند واحد .
ساره : ادري واحد عيل وحده بس يمكن اعرف من هذا .
خالد : ساره شو فيج حبيبتي اول مره تسالين هالسؤال .\
ساره : الله يخليك رد على سؤالي وبعدين بتعرف كل شي.
خالد : بروح عند واحد متصل فيه ماعرف شو يباني .
ساره وقلبها يدق : شو اسمه ؟
خالد : م اعتقد اسمه م شو ياربي هيه ... اسمه فهد .
ساره اول ما سمعت هالاسم تمت تصيح : فهد لا لا لا مستحيل .
ا ه .
خالد : شو فيج ساره
ساره : الله يخليك خالد لاتروح
خالد مستغرب من كلامها : ليش ساره شو صاير.
ساره وهي تصيح : بدون ماتعرف لا تروح اخاف يأذيك
خالد وهو يبتسم : لا تخافين علي ثانيا انا الحين بوصل
ساره : يعني مصم .
خالد : هي قلت لج انا الحين واصل وبشوف شو يبى هالريال مني .
ساره وهي تمسح دموعها : زين انت وينك .
خالد : الحين بوصل بحر المزر هناك بنلقي .
ساره : خلاص اوكي ياله باي
خالد مستغرب من الي قاعد يصير في ساره : ياله باي .

ساره وهي خايفه وماتعرف شو تسوي .
ساره : نوره وين السايق؟
نوره موجود ليش وين بتروحين هالوقت .
ساره وهي تعدل شيلتها : ياله انا بروح تعالي وياي بروح بحر المزر .
نوره : البحر شو تبين اخوي يذبحني ايه شو تخبلتي .
ساره وهي تسحب ايد نوره : مب وقت كلام انتي تعالي وياي وانا بفهمج كل شي بالسياره بس ياله تعالي .

وراحت ساره ونوره بحر المزر عشان تلحق عالي بيصير..


شو تتوقعن فهد راح يسوي ؟
وهل يقدر يقتل خالد مثل ما قال ؟
شو بيكون مصير ساره ؟؟

الجزء التاسع:




بعد ما اقنعت ساره نوره عشان يروحون للبحر المكان الي فيه فهد وخالد . اما في هالوقت خالد وصل للبحر واتصل في فهد لانه رقمه ظهر في الموبايل اتصل في فهد .
خالد وهوفي السياره : ها اخوي فهد انا وصلت الحين انت وينك .
فهد وهو نازل من السياره : انا الحين عند السياره السوده الي عليه رقم ****
خالد وهو يدور على سيارته : م لحظه خلني ادورها
فهد : هناك في الطرف ما حد غيري .
خالد وهو يدوره : هي شفتك مب عند الي نازل من السياره ولابس قميص كحلي ويا بنطلون جينز اسود صح .
فهد " هي هي انا ياله تعال .
خالد :اوكي ياينك الحين .

راح خالد عند فهد وسلم عليه .
خالد وهو ماسك ايد فهد : يا هلا واله بفهد
فهد من غير نفس وكره لهالشخص الي تحبه ساره : هلا فيك .
خالد : خير يا اخوي شو بغيت مني ؟
فهد نزل راسه وسكت بعدين رفع راسه وقال: شو يا خالد ابي اقولك شي واتمنى انك تفهمني وما تضايق من كلامي واعرف ان هالشي الي بقوله صعب عليك بس اتمنى انك تفهم موقفي.
خالد وهو عاقد حواجبه ومستغرب من الي بيقوله فهد : خير خوفتني .
فهد : الصراحه انا (بترد) انا اعرف انك خاطب وتحب خطيبتك وبنت خالتك ساره وانا ( وهو يبلع ريجه) انا حبيت ساره قبل ماعرف انها مخطوبه و.
قطع كلامه خالد وهو معصب وماسك قميص فهد من صدره: ايه انت شو تقول شو مينون .
فهد وهو يشل ايد خالد من قميصه : اولا نحن اتفقنا بالتفاهم .
خالد وهو معصب وبصريخ: أي تفاهم تباني افرح وانا اسمع ان في واحد يحب خطيبتي وانزين افترضنا انك تحبها على قولتك خلاص عرفت انها انخطبت .
فهد بعصبيه / هي عرفت بس انا ابى اقولك انها دخلت خاطري وابيها .
خالد خلاص شوي يبى يضرب فهد : انت شو ما تفهم اقولك هي مخطوبه .
فهد : وشو يعني ابيك تفصخ خطوبتها ابيه تكون لي خالد افهمني ارجوك
خالد وخلاص اعصابه ثارت : لا واله تنكت تحلم تحلم اودرها .
فهد : خالد اعرف انك تحبها بس انا اموت فيها خالد واله بدونها بموت ما اقدر على بعدها .
خالد يدز فهد : ايه انت لا تحلم وايد تراك واله مب صاحي ساره ما بخليها لك ولا لغيرك زين ياله ياله روح روح فارج.
فهد عصب : انت ما اتي بالهداوه .

وبهالوقت وصلت ساره ويا نوره وهم متغشيات عشان محد يشوفهم ولان بروحهم وساره ادور خالد وبعد عناء لقته .
ساره وهي تاشر على خالد : نوره هذو اخوج ياله نروح.
نوره : شو نروح ويا واحد.
ساره : قلت لج السالفه هذا فهد ما غيره .ياله نروح اخاف فهد يسوي شي في خالد .
نوره وهي ماسكه قلبها : وي باسم الله على اخوي .

وراحت نوره ويا ساره صوب خالد وفهد بس شوي بعاد وهم متغشيات .

خالد بعصبيه : ياله عن اذنك بروح عنك .

فهد وهو يسمك جتف خالد : وين يالاخ بعدنا ما اتفقنا .
خالد يصد عن فهد : اتفقنا وقلت لك الي عندي.
فهد وعيونه على خالد ومعصب على الاخر : يعني مصر. واله راح تندم .
خالد يشوفه من وفوق لتحت : انت قاعدتهدني ..هه هه يعني شو بتسوي .
فهد طلع السجين من مخباته : شو بسوي تعرف شو اتشوف هالسجين راح اطعنك واقسم باله راح اطعنك اذا عاندت .
استغرب خالد من الي يشوفه حس ان هو قاعد في فلم او هو يحلم : انت ايه انت شو فيك من صدقك واله انك تخبلطت .
فهد بعصبيه وهو ماسك السجينه : واله اتخبلطت ولا انا راح اخليك تندم .
خالد وهو مصعب : شو ف ما خوفتني زين .
فهد وهو متقرب من خالد وصدق يبى يطعنه .وخالد يمسك ايد فهد عشان يمنعه ان يأذيه .يت ساره وهي تصارخ وتصيح .
ساره وهي تصيح ويت صورهم : لا فهد الله يخليك خوز عن خالد فهد انت تينت .
نوره وهي بعد تصيح : خالد خالد.
ساره راحت ومسكت ايد فهد لاول مره وهي تصيح : فهد الله يخليك لا تأذيه انت شو تينت.
فهد حس باحساس غريب لاول مره ساره تلمسه : ساره انتي الي خليتيني اسوي جذي وانا راح اذبحه عشان ما تكونين له .
ساره هدت ايده وهي تمسح دموعها : واله انك ذكي ويعني اذا ذبحته راح تدخل السجن .
فهد وهو يضحك باستهزاء: عادي ادخل بس المهم اعذبج واخليج تندمين بس اقولج اذا ما كنتي لي مارح تكونين لي غيري سمعتي .

وخالد استغل كلام فهد لساره . وراح دز فهد على الارض وفراه وخلاه على التراب .
فهد وهو يقوم من الطيحه : اه يالنذل .
خالد وهو معصب: شوف مب انت الي تخوفني .
وهني قام فهد عشان يطعن خالد .
وحست ساره ان شي بيصير وراحت صارخت يا ناس ساعدوني الله يخليكم تعالو .

وهني سمعو الشباب الصوت وتيمعو وراحو يفرقون خالد وفهد عشان محد يأذي الثاني ..

وهني ساره ونوره راحو على طول السياره عشان محد يشوفهم لان فضيحه .
ساره وهي تمسج دموعها : واله كله مني ان السب في الي يصير في خالد .
نوره تهدي ساره : لا يا ساره انتي مالج خص هذا فهد ماعرف شو صارله بس تصدقين زين سوينا انا تغشينا ولا صدق فضيحه .
ساره وهي تشوف خالد وهو يهد فهد وراح لسيارته .وفهد وهو بعد يههد .واما ساره حست بتانيب الضمير على خالد .

وفي الدرب كله ساره قاعده تصيح بالي صار تحس كانه كابوس .
ونوره تهديها .

اما هند فراحت بيتكم منى ربيعتها عشان الاتفاقيه الي هي انها تشوف سالم .
هند وهي تشوف ساعتها : وي هذا تاخر امي قالت ان السايق بعد شوي بيمر .
منى : هي واله ماعرف نحن قلناله البيت وكل شي ولا اخاف ضيع .
هند ماعرف واله .
منى : زين روحي اتصل فيه شوفيه ليش تاخر .
هند (بترد) .ها ... اتصل .
منى : هي اتصلي شو فيج ياله بسرعه .
هند مسكت موبايلها عشان تتصل فيه .
هند : الو
سالم برقه صوت: هلا وغلا
هند : هلا فيك اقول شو وينك تاخرت بعد شوي بروح البيت .
سالم : لا لا شو تروحين انا الحين دقايق وعند بيت ربيعتج بس شوفي اول ما بي بدق عليج عشان تطلعين يا قمر .
هند بخجل : واله استحي ماعرف .
سالم : ايه شو ما تعرفين انا ياي هالدرب كله واخر شي تستحين لا زم تطلعين ولا ازعل عليج .
هند : لا لا كله ولا زعلك
سالم : خلاص انا دقايق واصل .

هند وقلبها يدق خايفه اول مره تمر بهالموقف.وبعد دقايق

ورن موبايل هند مره ثانيه :
سالم : هند تراني رع ياله .
هند بخوف وارتباك : ها....شو ...الحين
سالم : بلاج ياله بسرعه .
هند :شوف انا بطلع دقيقه وبدخل بسرعه اخاف احد يشوفني.
سالم بضحكه خبث: ههههههه يا ويلي عليج .اوكي معلي المهم اشوفج ياله حبي طلعي
هند : اوكي

هند وهي تلعب باصابعها وخايفه ويها محمر: منى خا خا خايفه ماعرف .
منى وهي ادز هند على برع : ياله خلي عنج الخوف طلعي شوفيه .
هند وهي ماسكه ايد منى : ليش ما بتطلعين وياي .
منى : لا طبعا شو يخصني انا ياله روحي .
منى بحزن : ليش تعالي انا استحي بروحي .
منى : انابس بوقف عند الباب ياله قبل ما امي اتي .
هند : ها اوكي خلاص بطلع
هند طلعت وقفت عند الباب وهي حاطه صبعها في فمها من الحياء اما سالم فهو موقف عند باب بيتهم ومنزل الدريشه وحاط اغنيه لراشد الماجد هو ينتظر هند .وهند بعد تردد طلعت برع عند الباب وهي مستحيه ومنزله راسها .وما قدرت تشوف سالم
سالم وهو يشوف هند وبنره حلوه :هند تعالي حبيبتي ابي اعطيج شي.
هند رفعت راسها ولا تشوف سالم وقلبها يدق : ها شو .
سالم : تعالي قربي بعطيج شي.
هند بارتباك : لا لا اخاف احد يشوفني ما اقدر.
سالم : تعالي حبيبتي بسرعه خذي الهديه وروحي ياله.
هند وهي تتقرب وتروح عند سياره سالم وقلبها يدق وخايفه وصلت عند الجامه وقفت ونزلت راسها وما قدرت ترفع راسها من الحياء.
سالم ابتسم وفي خاطره يقول( واخيرا خليتيني اشوفج لا بس طلعتي مزيونه وحليوه).
سالم : اشحالج حيبتي .
هند وهي مستحيه وبعدها منزله راسها :بخير الله يعافيك.
سالم :ياله عاد ارفعي راسج خليني اشوف الجمال .
هند ترفع راسها شوي شوي وتحط لاول مره عينها بعين سالم وتقول في خاطره (اله ماشاء الله عليه غاوي ).
سالم بابتسامه خبث: فديت هالعيون .
احمرت هند .
سالم خذ من سيارته هديه لهند ومد ايده عشان يعطيها :تفضلي هاي هديه بسيطه لاول لقاء بينا .
هند بخجل: ليش كلفت على عمرك انا ما بغيت هديه بس بغيت اشوفك .
سالم يبتسم : لا حبيبتي هاي هديه متواضعه ياله خذيها .
هند خذت الهديه وهي ما تقدر ترفع راسها : تسلم يا الغالي .والحين عن اذنك ما اقدر اوقف اكثراخاف أحد يشوفني .
سالم : اوكي حبيبتي اهم شي اني شفت هالجمال واخيرا ما بغيتي
تبتسم هند وقبل ما تروح التفت عنده : تسلم يا سالم .
سالم يبتسم : تستاهلين كل الخير يا هند .
وهند بسرعه دخلت داخل البيت وقلبها يدق وحاطه راسها على الباب وماسكه الهديه بحضنها وفرحانه لانها شافت حبيبها.
منى يت عند هند : ها شفتي شو رايج فيه .
هند سرحانه ومستانسه .
منى تضرب على خد هند: ايه شو فيج شو سحرج الريال وراح.
هند : اه كان شوي وبيغمى علي واله لين الحين ارتجف.
منى وهي تضحك على هند : هههههههههههههههههههههههههه لازم هاي اول مره .
هند :وي واخر مره بعد
منى وهي تسحب هند من ايدها : ياله تعالي داخل وقولي لي شو صار .
وطبعا قالت لها هند الي تتوقع ان سالم يحبها وقالت لها شو صار بينهم .
منى واو صدق روعه انزين شو في الهديه
هند انتبهت على الهديه : اوه تصدقين نسيت افتحها .
منى سحبت الهديه : هاتيها انا بفتحها .
وفتحو الهديه وشافو دبدوب صغير حلو ماسك بيده عطر والعطر هو كوكو شانيل.
هند تشوف الهديه : الله هديته حلوه وبسيطه .
منى تشوف هند : ما قلت لج بتعيشين بسعاده .
هند : بس انا حبيته من ذاته مب عشان هداياه.

وبعدين راحت هند البيت وهي مستانسه وطايره من الفرح عالي صار اليوم ولانها واخيرا شافت الي تحبه .

اما ساره فراحت بيت خالتها يعني بيتكم نوره عشان تتريه خالد وتعتذر منه على الي صار اليوم بينه وبين فهد.

ساره وهي تمشي في صاله ومتوتره : هذا خالد وينه شوفي الساعه الحين 10 ونص وبعده ما ياي .
نوره وهي تشوف ساعتها : هي واله تاخر .

وبعد دقايق دخل خالد وهو معصب على الي صار له اليوم .
ساره شافت خالد واستحت ولا الدمعه في عيونها وبرقه :خالد خالد اسمحلي على الي صار اليوم .
خالد اتنهد وراح صوب ساره : لا يا ساره الغلطه مب غلطتج بس ابي اسئل انتي من ويت تعرفين هذا فهد وين شفتيه .
ساره وهي تمسح دموعها : فهد اخو الريم وانا مره كنت بيتهم وشفته .
خالد : وانتي تعرفين انه كان يحبج .
ساره استحت ونزلت راسها : هي بس بعد خطوبتنا هو قالي (ورفعت راسها ) بس واله واله ياخالد قلت له اني ما احبه واني خطيبتك وما بينا شي بس هذا ما يفهم .
خالد : معلي يا ساره خليه يولي ما يخصنا فيه .
ساره بنبره حزن : كيف ما يخصنا وكيف ارتاح وهو قاعد يهدنا واليوم شفت الي صار واله اخاف يأذيك .
خالد :ما يقدر يسوي شي خلا عادي.
ساره : كيف ما يقدر هذا يا خالد مريض نفسي يعني ما يحس بالي يسويه .
خالد اتفاجئ بمرضه ورفع حاجبه : شو مرض نفسي.
ساره : هي عشان جذي انا احاتي الحين كل ما بتطلع بكون خايفه .
خالد وهو يبتسم : يا سلام خايفه علي .
ساره بخجل: خالد عاد مب وقته .
خالد : لا تحاتين ياساره أي شي الله كاتبه راح يصير بس انتي هدي اعصابج .
نوره راحت عند ساره وتحاول تهديها : بس يا ساره لا تعذبين عمرج .
ساره : ما اقدر ما اقدر بعد اليوم صرت خايفه وايد .
نوره : ياله خلاص انسي السالفه .

وبعدين ساره راحت البيت وهي تفكيرها في الي صار اليوم وكانت تحاتي على خالد .

اما فهد فرد البيت معصب وهو يسب ويهد .شافته الريم وخافت وايد اول مره تشوف اخوها بحاله وما قدرت تكلمه لانها صدق خافت من عصبيته ومن شكله .

وساره وهي حاطه راسها تبى تنام .اتصل فيها فهد .
ساره ماكانت تبى ترد بس قالت خلا اشوف شو يبى .
ساره : الو
فهد وهو معصب وبصريخ : ساره شفتي اليوم الي صار وهذا اول تهديد لا واله واله يا ساره ما اخليج تتهني تعرفين عادي عندي اسوي أي شي سمعتي أي شي.
ساره ترد عليه بعصيه : شوف تهديدك ما ينفع .
فهد : واله زين اول شي بنتقملج من الي تحبينهم واولهم خالد وما تعرفين اذا .............وسكت .
ساره : اذا شو .
فهد بضحكه خبث: اذا الثانيه كانت حبيبتج امج
ساره بهالوقت حست انها صدق بتموت كل شي ولا امها هي الوحيده الي تمت لها .
ساره بصريخ والدمعه بعيونها : انت انسان مريض مريض .
فهد بنبره حزن : واله اني مب مريض بس انا احبج واسوي المستحيل عشانج بس انتي ما تفهمين هالشي.
ساره وهي تصيح / تحبني هههههههههه ضحكتني أي حب هذا الي يخليك تدمرني وتعذبني .
فهد : اعرف اني اعذبج بس انتي بعد تعذبيني .ساره انا ابيج لي ساره احتاج لج .
ساره وهي معصبه : وانا ما احبك ولا احب اشوف شكلك ولا تهمني زين ولا تتصل مره ثانيه .
وصكرت الخط على ويهه .
اما ساره فمسكت الوساده وهي تصيح وخافت من تهديداته هالمره اكثر بالذات لانه هدها بامها الي هي اغلى ما عندها .
اما فهد فعصب وايد يوم سمع ساره تقوله انها ما تحبه وصارتله نوبه عصبيه وفر التلفون ومسك راسه وهو يدمع على الي قالت له .
فهد والدمعه بعوينه : ليش يا ساره ما تفهمين اني احبج واله ما اقدر على بعدج ساره احبج احبج .



ونكمل مع جزء ثاني واحداث احلى
مع :
خالد وساره وفهد ..
وهند وسالم ..

مشكووووووووووووور جداً يا خالد .. نتمنى تكمل لنا القصه

باذن الله حكملها النهارده وشكرا علي مروركم علي موضوعي

الجزء العاشر:



بعد مكالمة ساره لفهد .فهد تضايق وايد من كلام ساره الجارح وصارت له نوبه عصبيه وتم بغرفته .وريم خافت على اخوها الي لين الصبح وهو بعده في الغرفه .

وبعدين نزل فهد وراح الصاله وراح يلس على الغنفه واتصل في صديقه مروان .وكانت الريم قاعده عنده .

فهد وهو قاعد يتصل في مروان .
فهد بصوت كله حزن : الو مرحبا
مروان : يا هلا واله بالي مطنشني من زمان .
فهد ونبره صوته كلها حزن : هلا فيك مروان .
مروان حس ان فهد في شي لان متعود دايما فهد يضحك ويسولف : فهد شو فيك صوتك ما عايبني اليوم ؟
فهد : اه يا مروان واله تعبان واله .
اول ما سمعت الريم ان اخوها تعبان شافته بنظره حزن على اخوها وتمت صاده تشوفه
مروان خاف على صديقه وايد : خير شو فيك .
فهد : مروان انا الحين ياينك عشان ابي اطلع بس مب قادر اكثر .
مروان : افا عليك يالحبيب انته بس تامر خلاص انت الحين مروبحاول اخف عنك .
فهد وهو يتنهد : اه محد يقدر يخف عني الي فيه يا مروان .
مروان : واله خوفتني يا فهد ياله انزين بسرعه مر اوكي .
الريم راحت عند فهد ومسكت ايده ونبرة صوتها حزن
.
الريم : فهد انت صدق متعذب يا فهد
فهد يشوف الريم ومنزل راسه : اه يا الريم محد يحس الي فيه تخيلي يا الريم تحبين شخص وتموتين فيه واخر شي تعرفين ان هالشخص ماراح يكون لج او انه لغيرج واله صعب .
الريم : بس انت يا خوي ما صارت لك كم يوم وحبيتها .
فهد بابستمامه حزن: الحب يالريم ما يعرف الايام ولا الساعات يا ما ناس كانو ويا حبايبهم بس ما قدرو انهم يحبونهم .يا الريم القلب الي يختار والقلب اختارها هي هي .
الريم تمسح على شعر فهد : اه يالدنيا يا فهد شو سوت فيك .زين يا فهد حاول تنساها حاول يمكن تقدر.
فهد يشوفها بعصبيه : الريم شو تقولين انا انساها في احد ينسى روحه يا الريم ساره مب بس حبيبتي لا هي روحي وحياتي .ابي اسئلج في احد يقدر يعيش بدون قلب ؟
الريم : طبعا لا يا اخوي
فهد : عيل كيف تبيني انا اعيش.يا الريم ساره هي نبض قلبي وما اقدر بدونها يمكن صعب عليج تفهمين بس اسئلي أي عاشق صدق يحب محبوبته هل يقدر يتخلى عنها او شو راح يكون مصيره اذا شاف الي يحبها ويحلم فيها تروح عنه .وهو بيجاوب عليج .
الريم سكت ماعرفت شو ترد على كلام اخوها
فهد يمسك ايد الريم : يالريم يوم بتحبين بتعرفين كلامي صح وبتعرفين ان اصعب شي العاشق يتخلى عن الي اختاره قلبه.
وراح فهد من عند الريم وراح عند ربيعه مروان .اما الريم فكانت مستغربه من كلام اخوها وقلبها متقطع على اخوها الي يحب ساره بجنون وبنفس الوقت قلبها يتقطع على ساره وخالد لان بعد خالد ماله خص بالي يصير .

اما هند فكانت بعدها مع سالم والاتصالات الي كثرت بينهم والمسجات هند صارت تحب سالم وايد وصارت متمسكه فيه .اما نوره فكانت شاكه في هند بس تبى تتاكد اكثر بدليل مقنع .
ومره راحت هند تسبح وخلت موبايلها في الغرفه ونوره كانت حاطه راسها على الكرسي ومستلقيه وبعدين رن موبايل هند وراحت نوره عشان تشوف منو المتصل وشافت رقم غريب واستغربت
وقالت:بشل وبشوف منو صاحب هالرقم .
نوره : الو
سالم هو كان يتوقع ان الي ردت عليه هند : هلا بالحبيبه الي ما اقدر اعيش بدونها.
نوره استغربت وفتحت عيونها وماعرفت شو تقول وتمت ساكته ومعصبه بس قالت يمكن الريال غلطان بالرقم .
سالم استغرب من السكوت : الو هند حبيبتي شو فيج ليش ما تردين علي .
نوره : تاكدت ان المتصل مب غلطان المتصل يبى هند.
وصكت نوره التلفون ومسكت الموبايل وهي معصبه وغلقته واتريت هند تطلع من الحمام عشان تتفاهم وياها .

هند طلعت من الحمام وقاعد تغني وتنشف شعرها من الماي .
هند تغني : الله لا يحرمني منك ومن حلاك ومن دلاك ....م.لا لا لالا لا
ونوره تشوفها ومعصبه : زين خلصتي ما بغيتي
هند سكت تمت تشوف العصبيه بعيون نوره اول مره تشوف اختها معصبه مثل هاليوم .
هند : شو فيج بلاج ليش معصبه .
نروه راحت عند هند وهي معصبه وتشوفها باحتقار : لا ليش اعصب مدام اختي الي ما تسوي شي غلط وحرام وعيب ليش اعصب.
هند تمت تشوف نوره بتعجب : بلاج شو سويت وضحي .
نوره ماسكه موبايل هند وراوت هند موبايلها .
هند شافت موبايلها وخافت وتمت تشوف الموبايل ومنزله راسها .
نوره بعصبيه وصريخ : هند ما توقعت منج يا هند انتي انتي على اخر زمن بتين تفضحينا .
هند بتوتر : شو ..ش...ِش...شو سويت .
راحت نوره تمسك شعر هند وتصارخ عليها : هند لا تستهبلين علي تعرفين شو سويتي على اخر زمن يا هند تغازلين .اخرتها يا هند ترمسين واحد يا هند .
هند نزلت راسها وتوترت وكانت تتمنى لو الارض تنشق وتبلعا من هالموقف.
هند والدمعه بعيونها وصوتها كله خوف : انتي اكيد غلطانه .
نوره : لا صدق.هند يوم كنتي تسبحين اتصل فيج واحد .
هند : اكيد غلطان مب انا انتي شو على طول تشكين .
نوره : هي يمكن غلطان بس يوم الريال يقول هند يعني ينادي باسمج يا هند اعتقد ما يكون غلطان هويعرفج وانتي تعرفينه وانا تاكدت .اعترفي يا هند قبل ما افضحج..
انهارت هند وتمت تصيح ويلست على الارض : نوره الله يخليج لا تخبرين خالد واله بيذبحني .
نوره : يوم تعرفين ان بيذبحج ليش عيل كلمتيه
هند وهي تمسح دموعها وتشوف نوره : واله يا هند انا ما اكلم غيره بس انا احبه وهو بعد يحبني وصدقيني بي وبيتزوجني .
نوره ضحكت باستكار:: ههههههههههههههههههههه
ضحكتيني يا هند بيتزوج اولا الشاب يوم يكلم وحده يقص عليها ويكون مكلم الف وحده غيرها ويقص عليها بالزواج عشان ياخذ الي يباه وبعد ما يصل الي في باله يودرها ويتركها مثل الكلاب بس بعد شو بعد ما يدمر البنت ويخرب سمعتها .
هند قامت : لا لا لا هو غير هو حلف انه بيتقدم لي .
نوره : يوم يبى يتقدم ليش ما اي ويتقدم لج مثل الناس .
هند : هو قال بيتعرف علي اكثر بعدين بي.
نروه : انتي تستهبلين ولا شو الريال المحترم الي يبى يتقدم ويتزوج اي مع اهله ويتقدم من الباب مب من المغازله ومن التلفون .
هند : واله واله هو قال انه بيتزوجني ثانيا مب كل الشباب نفس الشي.وايد سمعنا عن ناس تزوجو عن طريق المغازله
نوره قعدت على الكرسي وخفت من عصبيتها .: هند صح كلامج في ناس تزوجو عن طريق المغازله بس صدقيني 1 بالميه من هالناس عايشين بسعاده. اولا الشاب ما يتزوج من الي يكلمها لانه ما يرضى تكون زوجه له وام صالحه لانها خانت اهلها فهو خايف انها تخونه .ثانيا اذا الشاب خذ الي يكلمها صدقيني ان حياتهم ما بتستمر وحياتهم كلها في شك ومشاكل لانه اذا الشي بدأ بالحرام فنهايته بتكون حزينه ومدمره .
هند : ليش سويت شي حرام .
نوره : شو فيج انتي اليوم مب على بعضج .يعني بذمتج يوم الوحده تكلم واحد غريب وتغزل فيه بدون ما يكون زوجها ما يكون حرام.
هند : ساكته
نوره : والشاب يا اختي اذا اتزوج وحده مكلمنها عن طريق المغازله الشك راح ما يفارقه لانه بيقول مدام هي كلمتني من قبل ومن وراء اهلها فاكيد بتعيدها مره ثانيه وهني الشك والغيره بقلبه لين ما يطلقون .
هند : لا لا انا غير.سالم سالم يحبني يحبني واله
نوره عصبت مره ثانيه : شو انتي ما تفهمين يا هند.شوفي يا هند يا تقولين حق الي تكلمنيه ان اي ويتقدم لج او انج تتركينه واله اذا ما تركتيه راح اخبر عليج خالد وخالد اذا عرف واله ما بيخليج حيه .
وقبل ما تروح نوره صدت لهند
نوره : تعالي انتي من وين عرفتي رقمه ؟
هند نزلت راسها وكانت متوتره .
نوره راحت عندها وعصبت : قولي قولي من وين بسرعه ولا بتشوفين شي ما شفتيه .
هند بتوتر وخوف : من ...من .م...من منى
نوره : ماشاء الله هالصديقه المثاليه الي دافعتي عنها قلت لج ان هالبنت حركات وانها بتخربج بس ما صدقتي .
هند : بس هي ما خربتني هي تباني اتزوج بسعاده .
نوره : تضحك باستهزاء: هههههههههههههههههاي تتزوجين بسعاده يوم هي تعرف اتيب السعاده جان اتزوجت هي قبلج .
هند : ساكته
نوره : شوفي يا هند انا لاني اختج واعزج وما احب المشاكل اقولج روحي كلميه وقوليله ان يتزوج او يتركج ثانيا هاي منى ما ابيج تتعرفين عليها سمعتي واذا شفتج وياها يا ويلج .
وراحت نوره من غرفه هند وهي معصبه
.اما هند فتمت تصيح على الي صار بس هي بعدها مصره ان سالم يحبها وان حياتها بتكون سعيده وياه.


اما فهد راح عند مروان ونزلو على مطعم عشان يتغدون.
بس فهد تم طول الوقت زعلان وسرحان .
مروان قاعد يشوف قايمه الطعام عشان يتغدى .
مروان: م ما عرف شو اطلب فهد شو بتطلب.
فهد سرحان وزعلان وهو ولا في الدنيا .
مروان تم يشوف فهد : فهد فهد وين سرحت .
فهد :هها ..انا وياك .
مروان : أي وياي انت باخر حلم .
فهد : شو تبى يا مروان .
مروان : اقولك شوبتطلب ؟ .
فهد بنبره حزن : ما ابي شي .
مروان متعجب: شو م تبي شي انت يايبني هني عيل ليش مب عشان نتغدى ولا ياي بس عاشن تشوف الاكل وتروح .
فهد : مروان واله ما ابي شي انت اتغده وانا بس بشرب عصير زين .
مروان حط قايمه الطعام من ايده وشاف فهد وبجديه .
مروان: فهد شو فيك ؟ انت السياره وانت ساكت وحزين ولا طايع تقولي شو فيك .
فهد تم ساكت .
مروان : قولي يا اخوي يمكن ترتاح او يمكن اساعدك.
فهد : ياريت احد يقدر يساعدني .مروان بقولك (بحزن ) تذكر يوم قلت لك عن وحده اموت فيها يوم في المطعم قلت لك اني احبها .
مروان : هي هي تذكرت يوم كانت في المطعم ويا رباعتها وانت رحت سلمت عليهم
فهد : هي هالبنت الي حبيتها صدق مخطوبه .
مروان : زين انت كنت تعرف هالشي صح .
فهد : هي اعرف بس حاولت اني انساها بس ما قدرت واله ما قدرت .
مروان : الله يهديك يا فهد البنت خلاص مخطوبه يعني دور على غيرها .
فهد بعصبيه : انت شو تقول شو هو سياره ادور غيرها شو تتحرى الي يحب بسرعه يقدر ينسى .
مروان : زين زين هد اعصابك فضحتنا الله يهديك ترانا في المطعم.
فهد : ما ادري عنك .
مروان : زين ليش ما صارحتها وقلت لها .
فهد : قلت لها بس هي عاندت وقالت انها تحب خطيبها خالد (فهد مسك السكين ) واله اني ما كرهت انسان مثل ما اكره خالد.
مروان شاف الغضب بعيون فهد لاول مره وشاف السجين
مروان : فهد هد اعصابك ان شاء الله اقدر اساعدك .
فهد : شو بتسوي .
مروان : يمكن تعطيني رقم تلفونها اذا عندك .
فهد فاتح عيونه : ايه شو تخبلت شو تبى فيها .
مروان : شو يعني بغازلها عشان تذبحني لا يا اخوي ابي اتفاهم وياها واوضح لها يمكن اقدر افهمها
فهد : لا لا ما تقدر هي عنيده .وصعب انك تكلمها تراها صعبه

الجزء الحادي عشر:


وبعد مكالمه هند لسالم
سالم كان يفكر بسالفه هند وطلبها للزواج منه بس هو هو اصلا ما يحب هند بس يهتم فيها وما فكر في الزواج وطنش السالفه


وقبل ما يطلع برع شاف امه تناديه .

وام سالم طيبه وهي شوي كبيره في السن وهي ما عندها غير سالم وبنت عمرها سنه اسمها عاشه
ام سالم : سالم ولدي تعال بغيتك بسالفه
سالم : هلا امي خير
ام سالم : يا ولدي تعرف انك ولدي الوحيد وانا ما عندي غيرك انت واختك عاشه الله يخليكم لي
سالم مب متفيج ومن غير نفس : زين شو تبين الحين يا امايه .
ام سالم : بغيتك يا ولدي تزوج من متى وانا اقولك يا سالم انت الحين مب صغير عمرك الحين 26 يعني مب صغير.
سالم : امي قلت لج اني ما ابي اتزوج
ام سالم : يعني عاجبتك حياتك هاي .
سالم : هي عاجبتني .
ام سالم : تمت تصيح : يا ولدي ابي اشوف عيالك قبل ما اموت لا تحرمني من هالفرحه الله يخليك واذا عن البنت ترى انا بدور لك احسن البنات
سالم ما يعرف شو يرد بس هو بعد قلبه عوره على امه : لا لا يا امي اذا بتزوج انا ابي اختار .
ام سالم : برايك بس المهم تزوج .
سالم:يصير خير.
وراح سالم هو معصب على الي يصير له واتصل في صديقه جاسم .

سالم : الوجاسم
جاسم صديق سالم: هلا واله براعي البنات
هههههههههههههه
سالم: ايه انت مب متفيج لك .
جاسم:خير شو فيك معصب
سالم : امي يا جاسم تحن علي وايد اني اتزوج
جاسم : هاي مب اول مره الي تقول فيها امك انك تزوج
سالم : هي ادري بس كل مره تحشرني واليوم سوت لي مناحه وتمت تصيح .
جاسم :زين يا خي تزوج وفك عمرك
سالم : لا لا ما ابي تعرف الزواج معناته الاستقرار وانا بعدني صغير.
جاسم : أي صغير شفت عمرك الحين .
سالم : لا انا ما ابي وحده تتحكم فيه وما تخليني اطلع .
جاسم : م خلاص عندي فكره لك تين تخليك عزوبي وانت متزوج.
سالم استانس : واله شو هالفكره
جاسم : انت يا سالم تكلم وايد بنات زين
سالم : اوكي شو يخصه في سالفتي
جاسم : شوف اذا امك اختارت لك يمكن البنت ما تخليك تستانس وتحن عليك وتشك فيك .
سالم: وبعدين
جاسم : من هالبنات الي تكلم وتقص عليهم ما شي بنت جذي ساذجه وينقص عليها
سالم : شو تباني اتزوج من الي اكلمهم شو تخبلت تعرف ما شي ثقه يا اخي
جاسم : بس زواج جذي لين ماتسكت امك شوي وبعديناذا ما تباها تقدر تزوج عليها اوتطلقها وانتهت المشكله .
سالم : واله فكره حلوه بس اذا حملت ويابت ولد .
جاسم : يا اخي تقدر تصرف بهالاشياء
سالم : تصدق فكره باخذ وحده ساذجه وتخليني على راحتي عشان العب على كيفي واسكت امي واكون متزوج بس بالكلام
جاسم : زين عندك هالبنت .
سالم وهو يفكر بالبنات الي يكلمهم منو الي عاديه وطيبه وساذجه: م هي تذكرت عندي وحده اسمها هند وتوها بعد متصله فيه وتقول عشان اخذها تصدق واله .
جاسم : واله زين والبنت يعني حركات
سالم : واله انا شفتها واحس انها مالها خص بحد ثانيا هي من عايله معروفه ومحترمه وهي بعد مزيونه وحليوه وانا كم مره قلت لها عشان تطلع وياي بس هي رفضت وهذا دليل انه زينه بس يمكن ربيعتها قصت عليها عشان جذي كلمتني .وهي احسن عن باجي البنات الي اكلمهم الباجي كلهم لسانهم طويل ويبوني عشان مصلحه
جاسم : وهي تحبك يعني
سالم : واله من كلامها هي تحبني
جاسم : خلاص عيل انحلت المشكله يا ريال.
سالم مستانس : ههههههههههههههههههههههههههههه واله تفكيرك ياب نتيجه.
جاسم : اكيد طبعا.

سالم : بس خلني بعد اسال عنها ما فيه اخذ وحده سمعتها مختبربه
جاسم : هي طبعا هذا زواج
سالم : ياله يا بو الافكار مع السلامه.

صكر سالم من عند جاسم وهو مستانس بالفكره
وفي اليوم الثاني راح خالد غرفه نوره .
خالد يدخل على نوره ويشوفها متلبسه و تسرح شعرها .
خالد : هلا باختي شو وين بتطلعين ؟
نوره وهي قاعده تسرح شعرها : بطلع بروح بيت ساره
خالد اول ما سمع اسم ساره قلبه دق : ساره وفي خاطره يقول (فديتج يا ساره من زمان ما شفتج ).
نوره صدت تشوف اخوها السرحان : ايه وين وصلت في شو رحت يالعاشق .
خالد ضحك : لا ولا مكان بس ليش هي ما اتي بيتنا .
نوره : واله قلت لها بس هي قالت مب كل مره هي اتي لازم يعني انا بعد اسير عندها .
خالد : اها يعني شفتات مره انتي تروحين مره هي .
نوره : ايوه عليك نور .
خالد : زين شو سويتي عن سالفة خطيبج .
نوره استحت ونزلت راسها وبخجل: شو تقصد.؟
خالد : يعني صليتي استخاره ترى ابي ارد على الريال
نوره : حشى اصبر شو تبى فكه مني الريال ما كمل اسبوع وهو متقدملي .
خالد : لا مب مستعيل ولا شي بس اتريه يكون عندي نسيب اطلع وياه
نوره تضحك على اخوها .
خالد : المهم انتي صلي استخاره وخبريني اذا ارتحتي وحتى اذا ما تبين خبريني ترى اهم شي راحتج يا اختي الغاليه .
نوره : فديتك واله يا اخوي ربي لا يحرمني منك .
خالد يغمز لاخته : ولا منج يا الحبيبه.

وطلع خالد من عند نوره واما نوره فتمت مستانسه وتحس بالراحه من عبد الله .
وقبل ما تروح عند ساره دخلت عليها هند الغرفه .

هند : ماشاء الله الحبيبه وين بتطلع ؟
نوره من غير نفس : بروح عند ساره ..
هند بقهر : اف اف كله ساره هاي ماعرف شو مسويه فيكم .
نوره معصبه : ايه احترمي عمرج هاي ساره بنت خالتج ثانيا ان شاء الله بتكون مرت اخوج يعني احترميها .
هند بسخريه : ما اتمناها الصراحه تاخذ اخوي .
نوره : انتي شو فيج كارهه البنت شو سوت لج بس عشان هي احلى منج .
هند بدلع: لا واله انا واثقه في جمالي زين .
نوره : مبين .
هند : خلا اطلع قبل ما نضارب اكثر.
هند وهي تبى تطلع نادتها نوره :
نوره :هند .
هند تصد: نعم خير.
نوره : شو سويتي بسالفة سالم قلتيله الي قلت لج.
هند : هي قلت له وقال انه بتزوجني قلت لج الريال يحبني .
نوره باستهزاء : بنشوف اخرت الحب .وانتي لين الحين تكلمينه
هند : لا واله من ذاك اليوم وانا ما اكلمه .
نوره : زين سويتي واذا عرفت انج كلمتيه يا ويلج تراني بعدني طيبه وما خبرت حد .
هند : زين زين خلاص ياله باي .

طلعت هند وهي معصبه من تهديدات نوره اما نوره فراحت لبست شيلتها وعباتها عشان تروح بيتكم ساره .


وساره كانت تتريه نوره اتي بيتهم وهي قاعده ترتب طاوله الطعام عشان تتغدى ويا نوره .وبعدين رن موبايلها وشافت رقم غريب استغربت بس قالت يمكن احد من رباعتها متصلين من ارقام اهلهم وكان المتصل مروان صديق فهد .

ساره : الو
سالم متوتر : الو السلام عليكم
ساره : وعليكم السلام نعم من انت ؟
سالم : انتي الاخت ساره ؟
ساره مستغربه : من انت ؟
سالم : انا انا سالم بغيتج بسالفه اختي سالفه ضروريه .
ساره متعجبه منو سالم : أي سالم ثانيا انا ما عرفك
سالم : انا ربيع فهد بغيتج بسالفه .
ساره عصبت : صدق ما يستحي بعد يعطي ارقامي حق ربعه شوف قوله خلا ما يلعوزني وانت لا تتصل مره ثانيه سمعت .
سالم : واله يا اختي ابيج بسالفه بقولج شي وبند الله يخيلج
ساره كانت تبى تبند على ويهه بس قالت بتشوف شو يبى .
ساره : قول الي عندك وباختصار .
سالم : اختي ساره انا ربيع فهد من زمان واعتبره اخوه ونحن ما نخبي على بعض
ساره بعصبيه : قلنا باختصار .
سالم : وفي يا اختي فهد يبحج وايد واله ان حالته صعبه صارت له نوبه عصبيه وما ياكل ولا شي انتي صرتي له كل شي حرام عليج ارحميه .
ساره بعصبيه : وانا شويخصني اذا هو يحبني بس انا ما احبه .
سالم : بس هو مستعد ينفذ أي شي تبينه
ساره : اخوي سالم انت الحين تخيل انك خاطب وتبى تزوج عن قريب واي واحد يقول انه يحب خطيبتك شو راح يكون موقفك واله صعبه زين انا شو يخصني خالد خطيبي شو يخصه .
سالم فكر بالي تقوله ساره وصح كلام ساره صح لانها مالها خص بالي يصير.
سالم : صح كلامج اختي بس فهد واله متعذب واله يكسر الخاطر .
ساره بحزن :: وانا اكسر الخاطر اكثر منه الله يخليك روح قوله ينساني ويدو على غيري ولو سمحت لا تتصل مره ثانيه برقمي وهو بعد خلا ما يتصل اوكي ياله باي .
سالم ما عرف شو يرد عليها : باي

سالم زعل وايد لانه كلامه ماياب نتيجه وهو واقف ويا فهد بس بنفس الوقت كلام ساره صح هي شو ذنبها وخالد شو ذنبه بس هو الحين ما يعرف شو يرد على فهد الي ينتظر اتصال سالم عشان يقوله السالفه .

الجزء الثاني عشر:

ساره بعد ما بندت التلفون كانت زعلانه ومتضايقه هي قلبها يعورها على فهد بس بعد هي تحب خالد وما تقدر على فرقاه ويلست ساره على الكرسي وهي زعلانه وسمعت الجرس راحت فتحت الباب وشافت نوره .

ساره تحضن نوره وبحزن : نوره نوره واله انا منهاره .
نوره خافت على ساره : شو فيج يا ساره شو فيج .
راحت نوره ويا ساره عشان يلسون وتعرف شو السالفه .
ساره والحزن بعيونها : فهد يا نوره لين الحين يلاحقني .
نوره انصدمت : شو هذا ما يمل
ساره : لا ما يمل هو يباني ويحاول لين الحين ماعرف كيف افتك منه ماعرف احس (ادمعت ) ان حياتي ماراح تكون سعيده
نوره : لا حبيبتي لا تقولين جذي .
ساره : واله اذا تزوجت خالد هو راح يلعوزنا وما بيخلينا بحالنا وحرام خالد ما يستاهل انه يتبهدل بحياته .
نوره : اصلا فهد ما يقدر يسوي شي هو يوم بيشوفج انج ما تبينه ومطنشتنه بينساج المهم انتي يا ساره لا تحاتين ولا تسوين في عمرج جذي.
ساره ساكته وحزينه .
نوره بابتسمامه : اقول ترى الخطيب الولهان يسلم عليج .
ساره اول ما سمعت الخطيب رفعت راسها وابتسمت بخجل: الله يسلمه ويلسلم غاليه .
نوره : واله انتي صدق غريبه توج متضاجه اول ما سمعتي طاري خالد على طول الهم راح
ساره بخجل : اكيد هذا خالد الي هو اغلى ما عندي
ساره : ولا تعالي شو اخبار عبد الله شو وافقتي عليه
نوره تلعب بشعرها وبدلع :م لا بعدني .
ساره : يا ويلي عالدلع ياله عاد وافقي خلا نشوف الفرحه .
نورة : الله كريم بس تصدقين اتخيل يطلع عبداله الشاب الي صلح سيارتنا واله روعه تقولين فلم هندي .
ساره تضحك :" ههههههههههههههه بلاج كل ماصار شي فليم هندي جنج وايد متاثره بالافلام.
نوره تبتسم : لا صدق واله اف سكتي عبد الله يسكت واله حلو وايد ماشاء الله عليه وغاوي .
ساره بدلع : بس مب احلى عن خالد.
نوره تغايضها : يمكن صح خالد احلى من عبد الله بشوي بس ترى في شخص احلى عن خالد وعن عبد الله بعد.
ساره بتعجب :منو
نوره : فهد .
ساره : شو فهد.
نوره : هي واله ماشاء الله عليه غاوي غاوي غاوي يخبل اف خلي جماله بصوب ونظره عيونه بصوب .
ساره : زين خذيه وتزوجيه وفكي عمرج وفكيني منه .
نوره : ياريت هو يباني جان اول يوم وافقت عليه
ساره تمت تضحك على نوره

وساره بوجود نوره نست سالفة مروان صديق فهد وسالفة فهد وبلاويه


اما مروان فكان مايعرف كيف يواجه فهد بكلام ساره وبرفضها له

اتصل فيه فهد .ومروان خايف ومتوتر يعرف ان فهد اذا عصب بيكون انسان ثاني والعصبيه والتوتر مب زين عليه.بس هو قال في نفسه انه بيحاول ما يقوله كل شي صاربينه وبين ساره
ويرن موبايل مروان .

مروان : الو
فهد :ما بغيت تشل حشى من متى وانا اتصل
مروان متوتر : م لا بس كنت شوي مشغول
فهد : شو اخاف نسيت سالفتي وما تصلت في ساره صح.
مروان يبلع ريجه: ها ..م لا لا اتصلت فيها
فهد : شو اتصلت ؟؟ ولا تقولي... انا ما قلت لك اذا اتصلت فيها على طول رد علي .
مروان : ساكت .
فهد : مروان شو فيك اكيد ساره قالت موالها صح انها ما تباني صح
مروان يحاول يهدي السالفة: لا هي ما قالت جذي بس قالت انها مخطوبه من خالد وصعب تتركه بس جذي قالت
فهد بنبره غضب: ادريبك ما تبى تضايقني انا اعرف اسلوب ساره اعرف انها ردت بطريقه ثانيه عشان جذي ما بغيت ترد علي صح ؟
مروان توتر :ها لا مب جذي.
فهد بنبر حزن: يعني ما شي فايده
مروان : اسمحلي يا فهد واله اني حاولت بس بس ما قدرت .
فهد : لا ما عليك اصلا انت ما قصرت تسلم يا مروان .
مروان : شو بتسوي الحين يا فهد
فهد بنبره حزن والم وضيق: ماعرف يا مروان واله اني تعبان تعبان اه ماعرف شو اسوي.
مروان خاف على حالة فهد : فهد هد اعصابك ترى الدنيا ما تسوى .
فهد : الله كريم اوكي يا مروان راح اخليك
مروان : شو وين بتروح .
فهد : الوقت متاخر بروح البيت
مروان : اوكي خلاص يالغالي مع السلامه
فهد : بحفظ اله.

وصكر فهد من عند مروان وهو حاس بالهزيمه وبفقد ساره الي عنده اغلى ما يملك بعد وفاة والديه وحس انه منهار فراح البيت وعلى طول راح غرفته وصك على عمره الباب شافت ريم اخوها وهو منهار ومعصب وزعلان بس ماحاولت تروح عنده لانها تعرف اذا اخوها كانت متضايق فاكيد ما بيقول لها شي وخلت سالفة اخوها ليوم الثاني .

الجزء الثالث عشر:
وفي يوم الثاني راح خالد لعند نوره وشافها راقده وراح يوعيها .
خالد يوعي نوره وماسك قميصها : نوروه نوروه قومي قومي .
نوره من غير نفس : خالد شو تبى ما تشوفني نايمه.
خالد : بسج نوم الساعه الحين 11 حشى ما شبعتي نوم .
نوره قامت واتساندت على المخده: خير شو بغيت .
خالد وهو يغمز لاخته: اول شي قومي غسلي ويهج ونزلي عشان اتكلم وياج يالله
نوره : والله انك متفيج تتكلم وياي الحين قول شو بغيت تراني مب متفيجه.
خالد: وحتى لو قلت لج ان السالفة تخص خطيبج المستقبلي
نوره فتحت عيونها : ها.. شو... منو...
خالد يضحك على نوره: شو فيج تتكلمين بالاحرف.
نوره بخجل : شو السالفه
خالد قام من عندها : انتي روحي غسلي ويهج ونزلي تحت وبقولج السالفه يالله.
نوره : اوكي خلاص الحين بقوم .


نزل خالد تحت في الصاله ونوره راحت تغسل ويها ونزلت تحت عشان تشوف شو السالفه ويوم نزلت تشوف خالد يكلم امها وهند قاعده وياهم .
خالد شاف هند نازله تحت : حيالله بالعروس
نوره : استحت وسكت.
هند : بعدها ماوافقت وتقولها عروس
خالد يصد لهند : ان شاء الله بتكون احلى عروس بعد
هند بدلع : بس مب احلى مني .
نوره : والله احلفي بس يالله عاد تراني احلاكم في البيت
خالد : هي احلى وحده في البيت بس بين البنات بس ما يخصكم في جمالي.
ام خالد :الحين انتو ياين عشان تسون انتخاب الجمال ولا تتكلمون عن سالفه عبد الله .
نوره وهند وخالد : هههههههههههههههههههههه
خالد " هي والله نسيتوني (وصد صوب نوره ) اقول نوره شو كملنا اسبوعين عن السالفه وانتي مارديتي علينا خبر شو
نوره مستحيه وتلعب باصابعها : م انا صليت استخاره و..............
ام خالد : وشو يا بنيتي شو ان شاء الله ارتحتي
نوره وهي منزله راسها : الصراحه ارتحت
خالد استانس : والله الحمد لله يعني الاخت موافقه صح
نوره ويها محمر وساكته.
خالد : السكوت علامة الرضى
ام خالد استانست بعد: يعني يا نوره موافقه خلاص تراهم بيون يخطبونج رسمي .
خالد : وراح تشوفينه طبعا بوجودنا يعني النظره الشرعيه ويشوفج بعدين راح نسويلج حفله صغيره بمناسبه خطبتج .
نوره بخجل : الي تشوفونه.
ام خالد : عسى الله يسعدج يا نوره .
هند : وانا يا امايه ليش ما تدعيلي .
ام خالد :عاد نسيت ان عندي بنت وايد تغار .
خالد: ههههههههههههه هي والله غيوره بشكل.
هند : ليش ما اغار من حقي
وراحت نوره غرفتها وهي بخاطرها بس تشوف عبد الله عشان تتاكد اذا عبد الله هو الي في بالها وبحلمها او شخص ثاني .

واتصل خالد في عبد الله عشان يقوله ان نوره وافقت وعشان يختار يوم عشان اي بيتهم ويشوف نوره .

وعبد الله يوم عرف ان نوره وافقت استانس وشوي بيتخبل لان من يوم البنك وهو متخبل على نوره لا بعد من سالفه السياره وهو خلاص ما يفكر الا فيها وراح بسرعه لامه عشان يفرحها.

عبد الله : امايه امايه وينج
ام عبد الله مستغربه من صريخ عبد الله : هني يا عبد الله في المطبخ .
عبد الله راح يبوس راس امه : امايه فديتج باركيلي .
ام عبد الله : ليش وعلى شو ؟
عبد الله والابتسامه ما تفارقه : نوره الي قلتلج عنها وافقت يا امي وافقت علي .
ام عبد الله استانست وايد وراحت حضنت ولدها : مبروك يا بعد عمري والله تستاهل كل خير عسى الله يهنيك .
عبد الله : الله يبارك فيج يا امي الغاليه
ام بعد الله : ومتى ان شاء الله بشوف الي ماخذه عقلك
عبد الله :ام ان شاء الله عن جريب.

طبعا عبد الله كان يتريه اليوم الي يشوف نوره ويتريه نوره تكون ملكه وزوجته.

اما فهد من بعد ما كلم مروان ربيعه وهو زعلان ومتضايق وما يطلع من غرفته وحالته وايد انهارت والسب طبعا من ساره ورفض ساره له.

اما هند فكانت متضايجه وايد لانها خافت ان سالم ما يتزوجها مثل ما وعدها يوكون كلام نوره صح وراحت هند تتصل في منى عشان تساعدها بالسالفه.

هند : الو منى
منى : هلا والله
هند : اشحالج يالغاليه
منى : بخير حبيبتي وينج من زمان ما اتصلتي
هند : شو اسوي تعرفين نوره مهدتني وما فيه على المشاكل ؟
منى : اها زين زين شو اخبارج بعد
هند بحزن : والله مب خير
منى : افا ليش ؟؟
هند : من يوم قلت حق سالم يتزوجني وهو ما رد علي ولا طرشلي حتى مسج .
منى : زين انتي قلتيله عشان ما يتصل .
هند : هي صح بس ابي اعرف اذا هو بيخطبني ؟
منى : اكيد بيخطبج
هند : والله خايفه انه ما يخطبني ويكون كلام نوره صح انه هو يقص علي .
منى : لا لا مستحيل اكيد بيخطبج بس انتي صبري عليه
هند : والله ماعرف شو اقولج
منى : زين اتصلي فيه واساليه مب احسن
هند : لا تبين اختي تذبحني
منى : شو فيج بس اساليه اذا هو بيتقدم ولا لاء وبندي عنه
هند :ماعرف
منى : يالله اساليه احسن .
هند : اوكي الحين راح اتصل فيه
منى : اوكي حبيبتي وقوليلي شو الي بيصير زين
هند : اوكي

هند راحت تتصل في سالم.وسالم يوم شاف رقم هند استغرب لان هند قالت انها ما بتصل فيه ورد عليها .
سالم : هلا والله بالي غايبه عني
هند بصوت واطي عشان محد يسمعها : هلا فيك اشحالك سالم
سالم : بخير الله يسلمج وينج من زمان ما اتصلتي
هند : تعرف ظروفي يا سالم .
سالم : ........
هند بتوتر : سالم
سالم : عيونه
هند : انت انت تحبني صدق
سالم استغرب من سؤالها وماعرف شو يرد اصلا هو ما يحبها بس مهتم فيها : ليش السؤال
هند : بس ابي اعرف
سالم : اكيد طبعا احبج
هند : يعني انت ما تقص علي وبتي تزوجني صح مب مثل باجي الشباب
سالم توتر مايعرف شو يرد عليها هو صح قال انه بيزوجها عشان امه بس لين الحين مب مقر : ها م اكيد بي
هند : يعني بتي تخطبني .
سالم :اكيد حبيبتي وانا بكلم امي وان شاء الله يوم بي اتقدم لج راح اخبرج.
هند بفرح : والله صدق
سالم : هي صدق بس انتي صبري علي شوي عشان ارتب السالفه اوكي
هند : اوكي ياسالم والحين عن اذنك عشان اختي اخاف تشوفني
سالم : اوكي غناتي مع السلامه

صكرت هند من عند سالم وهي مستانسه من كلام سالم وحست انه احلامها راح تتحق .


عبد الله قر ان بعد يومين اي بيت خالد عشان يشوف نوره ويحد وياهم يوم الخطوبه وطبعا راح اكيد اكيد ويا اهله


اما فهد فحالته كانت صعبه وايد والريم راحت غرفه اخوها والي تسمع اصوات تكسير خافت وايد حست كانها داخله على حرب من الاصوات والحشره ويوم دخلت على فهد شافت الاغراض كلها طايحه فهد مكسرالاغراض وكانت ادور على فهد شافته عند السريرقاعد على الارض وهو حاط ايده على راسه ويصيح بصوت واطي وكان صدق منهار شكله يكسر الخاطر
الريم والدمعه بعيونها على حالة اخوها وراحت عند فهد .

الريم مسكت جتف فهد وبحزن : فهد فهد شو فيك يا اخوي شو فيك
فهد يرفع راسه ويشوف الريم وهو يدمع : الريم انا منهار والله تعبان تعبان يالريم
الريم يلست عند فهد : باسم الله عليك يا اخوي شو فيك .
فهد :ليش يصير فيه جذي ليش بعد ما فقدت امي الي هي اغلى ما عندي حاولت اني انسى واسافر واكمل دراستي وطبعا ما قدرت انسى حنانها وصورتها بعدها في خيالي بعد ما حاولت شوي ألهي عمري بهالدنيا يت ساره ودمرت كل شي كل شي
الريم تمسح دموعها : فهد ساره مالها ذنب.
فهد بصريخ : لا لها ذنب انا يوم شفتها قلت هي الوحيده الي بتعوض حنان امي وهي الوحيده الي بتنسيني همومي هي يا الريم هي الوحيده
الريم : بس يا اخوي لا تسوي في عمرك جذي
فهد : ليش ليش يصير معاي جذي لا ام ولا ابو ويوم اخترت الانسانه الي بتكون شريكه حياتي طلعت هالانسانه ما تباني .
الريم ساكته .
فهد : ليش اعيش انا ليش خلا اموت احسن
الريم تمت تصيح وراحت تمسك قميص اخوها وبصريخ : لا تقول جذي يا فهد لا تقول شو تبى تخليني بروحي لا تنسى ترى انا بعد ما عندي لا ام ولا ابو بس ما سويت مثل ما تسويه ؟؟
فهد : بس ما حبيتي شخص وهالشخص تخلى عنج
الريم :اعرف ان هالشي صعب بس حاول تنسى يا اخوي
فهد قام من مكانه والدموع بعيونه : ماقدر يا ناس ما اقدر ساره بعروجي بدمي بقلبي ما اقدر اذا ساره ماصارت لي والله اني ما اقدر اعيش ما اقدر .
الريم : بس يا اخوي انت من البارحه في غرفتك تعال اطلع منها وروح كل أي شي
فهد : ما ابي اكل شي بس خليني بروحي ولا اتين فهمتي

الريم ما قدرت تستحمل تشوف اخوها جذي منهار خافت عليه وطلعت وقالت انه محد يقدر يساعد فهد الا ساره .
وراحت تتصل في ساره والدموع بعيونها
الريم : الو ساره
ساره خافت على ربيعتها : هلا الريم شو فيج تصيحين شو فيج
الريم : تعالي يا ساره تعالي بيتنا الحين
ساره : شو فيج يالريم خوفتيني
الريم : ساره انتي الوحيده الي تقدرين تساعديني تعالي بيتنا وانا راح اقولج السالفه الله يخليج تعالي بسرعه
ساره : اوكي انا الحين يايه بيتكم بس انتي هدي اعصابج

راحت ساره استأذنت من امها وبسرعه راحت عند الريم لانها خافت على الريم

وصلت ساره عند الريم وشافنت الريم في الصاله وهي قاعده تصيح
ساره راحت عندالريم : ريم ريم شو فيج ليش تصيحين
ريم: ساره اخوي فهد بيتين وبيموت يا ساره
ساره يوم سمعت اسم فهد سكت.
الريم مسكت ايد ساره : الله يخليج باسم المعزه الي بينا ساعديني
ساره : شو الي اقدر اسويه
الريم : روحي عند فهد قوليله يطلع ويشوف الناس حالته صعبه وايد وما يطيع ياكل شي اخاف ( تمت تصيح بصوت عالي ) اخاف افقد اخوي .
ساره راحت تمسح دموع الريم وتهديها : لا ان شاء الله مارح يصير فيه شي ويالله قومي وديني عند فهد .
الريم : صدق بتروحين عنده
ساره : بسوي أي شي بس ما اشوفج يا الريم منهاره ترى دموعج غاليه يا الريم كافي اني اعتبرج اختي وربيعتي وحبيبتي بعد....






شو تتوقعن راح يكون ردت فهل ساره بعد ماتشوف حاله فهد ؟
وهل راح تتخلى عن خالد عشان فهد ؟
وشو الي بيصير في خالد ؟؟
وهل نوره راح تزوج عبد الله وتسعد معاه؟

الجزء الرابع عشر:


راحت ساره غرفة فهد ويوم فتحت باب الغرفه استغربت شافت الاغراض طايحه والغرفه متبهدله وكانت خابفه بنفس الوقت وشافت فهد لاول مره ساره تشوف ريال هالطريقه فهد كان منهار وكان قاعد بالظلمه شافته من بعيديوهو يالبس على الارض ساره لاول مره فهد يكسر خاطرها .
ساره وقفت مكانها ماتعرف ش تسوي .الريم فتحت الضوء عشات الغرفه كانت ظلمه و سحبت ساره عند فهد.
فهد اول حس بالنور بغرفته عصب : نوره ليش فتحتي اليت قلت لج خليني بروحي.
الريم وهي تبتسم عشان تعرف ان فهد يوم بشوف ساره بيستانس: فهد شوفني؟
فهد : رفع راسه وشاف ساره واقفه عند الريم فتح عيونه واستانس وايد لان شاف حبيبته
فهد وهو منهار وبصوت واطي : ساره
ساره ماتعرف شو تقول بس هي زعلانه على حالة فهد نزلت راسها .
فهد وقف من مكانه : ساره حبيبتي انتي هني .
ساره تشوف فهد بس ما تقدر تحط عينها بعينه لانها تحس هي السب في الي يصير له .
فهد : ساره الله يخليج ساره لا تودريني الله يخيلج ساره
ساره بتوتر : فهد ليش تسوي في عمرك جذي يا فهد
فهد : بسوي أي شي بس المهم انج تكونين لي ساره لا تحرميني من السعاده ولو لحظه عمري ما شفت السعاده من بعد امي الله يخليج لا تحرميني منها
ساره دمعت عيونها : بس
قاطعها فهد : بس لا تكملين اعرف انج بتقولين انج مخطوبه انا ما يهمني ساره انا أباج لي ساره ما اقدر اعيش بدونج والله اني اتمنى الموت ولا اشوفج لغيري .
الريم صاحت على كلام اخوها خافت انها تفقده .
ساره محتاره ماتعرف شو تقول .
فهد : ساره أنا فقدت امي وما حسيت لا بالحب ولا بالحنان ولا بالاهتمام ويوم شفتج حسيت انتي الوحيده الي بتعوضني كل شي ساره عطيني الفرحه والسعاده ترى محد غيرج يقدر يعطيني الابتسامه الله يخليج يا ساره الله يخليج.
وراح فهد يراوي ساره أشعاره وكلماته الي كاتبنه لها وشافت ساره الكلمات كلها باسمها وشافت على جدار الغرفه ديكور حلو باسمها وفي خاطرها تقول ( معقوله معقوله فهد يحبني لهالدرجه)
الريم : يالله يا فهد روح كل أي شي وخذ دواتك ترى حالتك صعبه
فهد : لا ما ابي شي ما باخذ أي شي لين ماساره توافق علي تراها هي الهواء الي اتفس فيه واذا تركتني راح اموت

ساره ما قدرت تستحمل هالموقف اكثر طلعت برع الغرفه ولحقتها الريم
ساره ادمعت على فهد وعلى حالته
الريم والدمعه بعيونها وبحزن: ساره ترى هاي مب اول مره الي اخوي يتعذب فيها
ساره تشوف الريم .: بس انا مب قصدي اعذبه
الريم : ادري والله ادري بس ترى اخوي وايد متعذب واخاف عليه واخاف يصير له نوبه عصبيه ساره اخوي انسان طيب وخلوق وقلبه كبير وهاي مره الثانيه الي حالته تكون جذي اول مره صارت له عشان فقد امي الله يرحمها وهاي المره الثانيه لأنه حس انه بيقدج.
ساره :معقوله يعني يحبني لهالدرجه بمستوى امه
الريم تدمع : والله انا روحي مستغربه أول مره أشوف إنسان يحب بهالطريقه
الريم : ساره بقولج شي بس أتمنى إنج ما تزعلين مني
ساره : افا عليج يالريم وانا اقدر ازعل منج
الريم : ساره اذا انتي ماخذتي اخوي صح انج بتهنين ويا خالد بس اخوي (تصيح ) اخوي يمكن ينهار وعادي والله يتين ويموت وفهد كافي انه فقد امه وابوه واذا فقدج ماعرف شو بيصير فيه .
ساره : بس خالد
الريم : على الاقل خالد اذا فقدج بيكون عند ام وابو وخوات ماشاء الله يعني بيحس بفقد انسانه وحده واكيد حالته بتكون صعبه بس هو مب مريض نفسي مثل اخوي اما لو فهد فقدج راح يخسر كل شي لانج الامل الوحيد بحياته واذا صار له شي انا بعد بتعذب وبتخبل لأن اذا اخوي صار له شي بكون وحيده لا ام ولا ابو ولا اخو يعني كلنا راح ندمر
ساره شافت الدموع بعيون الريم ومسكت ايد الريم وبحزن: بس قلبي يالريم قلبي مع خالد
الريم : صدقيني حب فهد راح ينسيج كل شي فهد يموت فيج
ساره :بس كيف اعيش مع انسان ما احبه
الريم : يمكن بتحبينه مع الأيام

ساره ماتعرف شو تقول وراحت البيت وهي تفكر
معقوله تدوس على حبها لخالد وتزوج فهد عشان الشفقه وعشان حالة الريم بس كلام الريم منطقي لان اذا ما تزوجت فهد هو راح يدمر كافي انه يتيم يعني بتبني سعادتها على دمار وحزن عائله ثانيه وهالعايله هي عايله اعز انسانه عايله الريم صديقه طفولتها .

راحت ساره البيت وهي زعلانه ومتضايجه وتفكر في فهد وبنفس الوقت تفكيرها في خالد وماتعرف شو تسوي تختار منو ؟؟قلبها او عقلها راحت عند امها عشان تقولها السالفه وشافت امها قاعده تتكلم في التلفون مع ام خالد فانتظرت لين ما تخلص سوالفها ولين ما تصك وبعد ما بندت ام ساره التلفون شافت ساره سرحانه ومتضايجه .
ام ساره وهي تصد لساره : سار ه يمه شو فيج حبيبتي ؟
ساره كانت منزله راسها يوم سمعت امها تناديها رفعت راسها وبحزن: امايه عندي سالفه وايد مهمه وماعرف شو اسوي ؟
الام : باسم الله عليج شو فيج يا بنتي قوليلي .
ساره قالت لامها السالفه كلها وبالذات سالفه فهد وحالته.
ام ساره تتنهد : اه يا بنتي حالتج صعبه المهم انتي شو تبين .
ساره بنبره كلها حزن وضيق :امي انا احب خالد تعرفين هالشي وخالد بعد يحبني بس ( ساره دمعت ) بس فهد حالته اصعب والله يا امايه عمري ما شفت ريال حالته مثل حالة فهد والله يكسر الخاطر
ام ساره : يعني انتي تبينه عشان الشفقه.
ساره : امي انا اذا ما تزوجت فهد راح اخسر كل شي .
ام ساره بتعجب: كل شي ليش يعني ؟
ساره :اولا اذا ما تزوجت فهد راح يهدم حياتي مع خالد ويخلي حياتنا جحيم وحرام خالد ما يستاهل هالعيشه ثانيا فهد فيه نوبه عصبيه واخاف يصيره شي واكون انا السب وبعدين الريم الريم يا امايه هي اعز ما املك بخسرها لانها ماراح تسامحني اذا صار في اخوها شي وكافي انها يتيمه .
ام ساره :والله يا بنتي كلامج منطقي بس كيف بتعيشين ويا انسان ما تحبينه .
ساره والدمعه بعيونها : اعرف اني ما احبه ولا بحبه في حياتي لان قلبي لخالد بس على الاقل افتك من هالمصايب .
ام ساره بتردد: وخالد شو راح يكون موقفه اذا عرف انج بتكونين لفهد.
ساره وهي تصيح وحاطه ايدها على خدها : اه يا امايه اعرف اعرف ان خالد بيكرهني بس انا شو اسوي والله اني خايفه على حياة خالد اكثر من كل شي واخاف اذا تزوجت خالد فهد عادي يذبحه وانا عندي اني ما اتزوج خالد ولا اني انحرم من شوفت خالد .
ام ساره راحت عند ساره وتمسح على جتفها : بس يا امايه بس لا تسوين في عمرج جذي الله بيكون وياج .
ساره : بس شو اقول حق خالد وخالتي ونوره كيف اواجهم يا امايه .
ام ساره : ان شاء الله بتفهمون
ساره : يمكن الكل يتفهم بس خالد .
ام ساره : خالد بيعرف انج تخافين عليه وعلى حياة فهد الي هو اصلا محتاج للحنا والحب اكثر من خالد لان خالد الحمد لله عنده خوات والدين بس فهد يحليله يتيم .
ساره تشوف امها : يعني انتي موافقه اني اتزوج فهد
ام ساره : والله يا بنتي أي شي يسعدج موافقه بس ترى فهد يكسر خاطري وهو اكيد ما بيزعلج في شي لانه يموت فيج ثانيا حرام فقد امه وابوه وماعنده حد بالدنيا واذا فقدج يا بنتي راح يخسر كل شي لانه ما حب غيرج ومثل ما تقولين ان اليوم يتله نوبه عصبيه فمابالج اذا ماتزوجتيه .
ساره يعني يا امايه انتي من رايج اني اتخلى عن خالد واتزوج فهد
الام : والله ما عرف شو اقولج لان خالد بعد ولد اختي
ساره : والله ماعرف شو اسوي يا امايه بس أنا ما أحب فهد انا يا مايه أحب خالد .
الام : صلي استخاره يا بنتي وأي شي الله كاتبنه راح يصير

ساره ماقالت شي كل الي سوته راحت غرفتها عشان تفكر بالسالفه وكيف تقول لخالد وهي كيف بتعيش ويا انسان تزوجته يمكن عشان خوفها على خالد او يمكن عشان الشفقه لا اكثر مع ان فهد الف بنت تتمناه جمال واخلاق وعلم .

اما نوره فعرفت من اخوها ان يوم الخميس خطبتها يعني بعد يومين وراحت تقول لساره عشان تروح وياها تشتري لها فستان لأن وايد ناس بيون حفلتها طبعا نصهم من أهلها والنص الآخر من أهل عبد الله نوره قاعده تتصل في ساره : الو سارونه
ساره تعبانه وبصوت واطي : هلا نوره
نوره : شو فيج ساره ؟
ساره : لا مافيني شي بس م فيه نوم
نوره : اكيد ما فيج شي ترى صوتج ما يسر
ساره : مافيني شي
نوره :زين ساره م ( مستحيه )ترى بعد يومين خطوبتي ان شاء الله
ساره : والله ؟
نوره : هي والله
ساره : بس انتي ما شفتي خطيبج كيف بتاخذينه
نوره : اولا خالد وايد يمدح أخلاقه وشخصيته وأنا صليت استخاره وارتحت الحمد لله.
ساره : بس لازم تشوفينه ترى هذا من الدين بعد تشوفينه طبعا النظره الشرعيه
نوره : هي ادري شوفي باجر عبد الله بي وبشوفه وبيشوفني طبعا مع وجود ابويه واخويه وبعد باجر خطوبتي
ساره : والله يمكن تشوفينه وما يعجبج
نوره : ساره تعرفيني انا ما همني جمال الشخص كثر همي لاخلاقه ولدينه.
ساره : أونه انتي ما تهتمين بالجمال
نوره : ههههههههههههههههههههههه
ساره : نوروره تخيلي خطيبج عبد الله يطلع عبد الله فارس احلامج الي صلح سيارتج
نوره : الله روعه اتصديقين صدق بكون اسعد انسانه اذا تزوجت عبد الله الي شفته ذيج المره ماشاء الله عليه غاوي
ساره تضحك : ههههههههههههههههههههه
نوره : بلاج تضحكين شو قلت نكته
ساره : والله اضحك عليج .حشى توج تقولين ان ما يهمج جمال الشخص والحين قاعده تمدحين بجمال الريال
نوره طلعت لسانها : ههههههههههههههههههههههههه
نوره :زين ساره متى بنروح عشان اشتري فستان لخطوبتي
ساره : أي وقت تبين حبيبتي
نوره : شو رايج اليوم لان باجر عبد الله بي واخاف اشوفه واتخبل عليه بعدين ما اطلع من البيت
ساره تضحك : هههههههههههه حشى فضحتينا شو ماشايفه خير
نوره : لا مب جذي بس يعني اخاف يكون غاوي واتخبل عليه
ساره : م شوفي انا عادي اليوم بروح وياج المركز الي تبينه بس خالد بيوافق انا نروح بروحنا
نوره : ليش ما يخلينا ترى نحن كذا مره سرنا المركز بروحنا ثانيا نحن نروح للضروه مب يعني للمغازله ونحن محترمات متحجبات ولانحط حتى كحل بعيونا .
ساره : هي ادري بس ذيج المره خالد وافق عشان ماكان بايام الاجازات يعني مب زحمه بس اليوم الاربعاء يعني زحمه
نوره : والله ما دري اذا هو بي ويانا كيفه
ساره : شو اي ويانا نحن بنشتري فساتين
نوره : تعرفين شو
ساره : شو
نوره : انا برمس خالد وبشوفه شو يقول اوكي وبرد عليج
ساره : اوكي اترياج

راحت نوره عند خالد عشان تستأذن منه اعشان تطلع مع ساره شافت خالد قاعد في الحديقه يشرب الشاي .
نوره راحت عنده : خلود
خالد يشوف نوره من طرف عينه : ايه احترمي عمرج شو خلود اصغر عيالج انا قولي خالد
نوره :اوه سوري اخوي العزيز خالد
خالد : أيوه جذي أباج نعم يا نوره شو طلباتج الي ما تخلص
نوره : افا انا طلباتي ماتخلص من كثر ما أطلب منك ألحين
خالد : يالله بسرعه خلصيني شو تبين
نوره (بتردد): م انا وساره بنورح ستي سنتر او أي مركز عشان اشتريلي فستان لخطوبتي
خالد : ويا منو
نوره : بس انا وهي
خالد : لا ما شي اليوم عطله وزحمة شباب
نوره : زين بتي ويانا
خالد : لا اليوم ربعي عازميني ما اقدر
نوره : زين شو أسوي يعني ما اتسوق عشان محد بي ويانا
خالد : لو يوم ثاني يمكن بس اليوم زحمه
نوره تمسك ايد اخوها : تكفى خالد وافق شوف نحن بنروح العصر وبني الساعه 7 يعني ما بنتأخر يالله خالد
خالد : ام اذا بتروحون العصر اوكي ماعندي مانع بس لاتأخرون
نوره : فديت اخويه والله ..ربي لا يحرمني منك
خالد يبتسم : ولا منج يا نوره
نوره قبل ماتروح خالد نادها
خالد : نوره
نوره تصد لخالد : نعم يا اخويه
خالد بابتسمامه : سلمي على الحبيبة
نوره ابتسمت : افا عليك يوصل ان شاء الله

راحت نوره واتصلت في ساره عشان تقولها انهم بيطلعون والعصر طلعت نوره ويا ساره عشان يشترون الفستان
نوره لاحظت ان ساره اليوم هاديه وسرحانه مب مثل عادتها
نوره وهي تشوف ساره صاده صوب جامه السياره : ساره شو فيج
ساره بحزن: مافيني شي
نوره : شو ما فيج شي وانتي ما تتكلمين وكله سرحانه وهاديه
ساره تصد لنوره : مافيني شي بس اليوم شوي تعبانه مصدعه
نوره : والله ليش ما قلتيلي جان خليتج ترتاحين وخذيت هند مع اني ما احب اطلع وياها
ساره : لا لا عادي حبيبتي احسن طلعت شوي اغير الجو

وراحو ساره ونوره عشان يتشرون وطبعا مثل ما قالت نوره لخالد الساعه تقريبا 7 ونص ردو البيت بعد ما اختارت نوره الفستان وساره بعد خذت فستان بس وايد بسيط بس كان يجنن.

ساره كانت فرحانه وايد عشان نوره بنت خالتها بتنخطب بس بعد كانت متضايجه عشان سالفتها ويا فهد وكيف تواجه خالد واهله وهل ترفض فهد أو توافق عليه ..

اما هند فكانت زعلانه لأنها ماتعرف عن سالم شي من بعد ما طلبت منه الزواج والمشكله انها تحبه وايد وما تقدر تتخلى عنه وهي متضايقه رغم خطوبت اختها راحت اتصلت في ربيعتها منى عشان تلقى وياها الحل ..
هند قاعده تتصل في منى
هند والحزن بنبرة صوتها : منى اشحالج
منى : بخير الله يعافيج . هند شو فيج ليش صوتج جذي
هند : كيف تبين يكون صوتي وانا من مده ماسمعت صوته
منى : قصدج منو ؟
هند ( تتدمع ) منو غيره سالم اكيد
منى : ليش بعده ما خطبج ولا كلمج
هند : لا ولا شي مطنشني اخاف يا منى ما يخطبني وكل الكلام الي قالي يطلع جذب.
منى : شو فيج متشائمه لا ان شاء الله خير ...ثانيا اذا ماخذتيه عادي شي الف واحد غيره
هند : لالا لا ما ابي غيره يا منى انا عرفت إني مغرمه في سالم يوم ابتعد عني والله ما اقدر بدونه صدق حبيته
منى تضحك : ههههههههههههههههههه والله كبرتي يا هند وحبيتي
هند بغضب: ليش حرام الحب حقي وانا مب صغيره لاتنسين إني بالثانويه العامه
منى: ما قلت شي زين كلتيني
هند : شو اسوي الحين
منى : شوفي اذا هو صدق يحبج اكيد بيخطبج
هند : هو دوم يقولي انه يحبني
منى : خلاص عيل لاتخافين هو يمكن قاعد يكلم اهله عشان اي يخطبج .
هند : والله يعني تتوقعين جذي السالفه
منى : ان شا ءالله تكون جذي السالفه بس انتي لاتحاتين ولازم تستانسين عشان خطبت اختج
هند : انا ما افكر الا بسالفتي ونوره على هواها
منى : افا يعني مب فرحانه لاختج
هند ( بغرور ) ليش أستانس عادي لاهي اول وحده اتزوجت ولا اخر وحده وانا اصلا ما احب جذي زواج.. انا أحب أتزوج عن قصة حب
منى : يالله عليج يالرومانسيه
هند : هي طبعا
منى : زين بخليج حبيبتي ألحين بطلع ويا امايه اوكي
هند : اوكي انا بعد بخليج عشان اشوف نوره واشوف فستانها
منى : اوكي مع السلامه
هند : بحفظ الله

هند كانت للأسف متيمه في حب سالم الي ماغاب عن خيالها ابدا اما سالم فهو قاعد يلعب ويا كل بنت وما خلا وحده ما كلمها وهند تتحرى انها الاولى في حياته .

وراحت هند عند نوره عشان تشوف فستانها.
هند تدور في الأكياس ونوره تشوفها بتعجب
نوره : ايه سلمي عفان الله بعدين دوري
هند : الحين انا مب متفيجتلج وين الفستان ابي اشوفه
الام قاعده عند نوره : عفان الله ما شايفه خير
نوره : الفستان في الكيسه الحمراء
هند تفتح الكيسه وتشوف الفستان وهي ماسكه الفستان وتشوفه .
هند : واو الفسان وايد حلو وموديله حلو بعد
نوره : اول مره يا هند تمدحين شي اشتريه
الام : ههههههههههههههههههههههه
هند : لا صدق هالمره وايد حلو اقول ما شتريتي لي شي
نوره : تدور في الأكياس : م هي اشتريت عطر
هند بعصبيه: شو أبي في عطر خلي حقج
نوره تشوف هند : ليش شو تبين بعد . وبعدين انتي ما قلتيلي أشتريلج شي
هند بغضب: وليش ما اشتريتيلي فستان حقي ولا ناسيه اني اختج
الام انقهرت من كلام هند : هند بلا حركات نوره قالت لج تعالي اشتريلج فستان بس انتي قلتي انج مب متفيجه يعني غلطتج
هند : انزين ما تقدر تشتريلي شي بدوني يعني
نوره : لا حبيبتي اخاف اشتري شي وما يعيبج
هند وهي تهفهف : اف خلا أسير فوق أحسلي بدل الهجوم الي مسويلي اياه
نوره : هي احسن لاتخربين فرحتي يالله روحي
راحت هند وهي منقهره وايد اما نوره وامها فكانو فرحانين ويتكلمون ويا بعض .

وفي يوم الثاني الي هو احلى يوم عند نوره لانها بتشوف خطيبها عبد الله الي عمرها ماشافته وكانت مستعيله تبى تشوفه بس عشان تبى تعرف هل هو عبد الله الي كانت صدق معجبه بشخصيته وسامته وكانت وايد خايفه من هاليوم وهي متوتره بالغرفه وحاطه صبعها في فمها دخل عليها خالد .
خالد : هلا والله بالعروس
نوره متوتره وماردت على خالد
خالد ( يبتسم ) وراح قعد عند نوره عالسرير : شو فيج اختي خايفه تقولين نتايج الثانويه العامه
نوره : والله حتى في الثانويه العامة ماكنت جذي متوتره وخايفه
خالد : ههههههههههههههههههههههه انزين ليش هالتوتر كله .كل هذا بس عشان بتشوفين احم احم عبد الله
نوره استحت : بس خالد عاد لاتزيدني توتر ترى الي فيني مكفيني
خالد يضحك : الله عليكم يالبنات والله انكم سوالف
نوره تطالع خالد : ليش تضحك وشو السوالف الي علينا
خالد قام من عندها وقف ويشوفها وهو مبتسم : لا بس اقول بعض البنات يعني أو أغلبيتهم في الخطوبه يالله كيف يستحون وأصواتهم ما تطلع من الحيا وفي الملجه يالله انواع الغزل والحب والطاعه كل أوامر الريال تنفذه الحرمه في الملجه وبرقه طبعا ..وفي العرس يالله عالعرس بس شهر أو شهرين بالكثير ومخالب المرأه كلهم يظهرون من طولت السان ومن العناد ومن حب التحكم اعوذ بالله .
نوره بقهر : هالكلام لكم انتو يالشباب الي كل طلباتنا في الخطوبه أو الملجه اوامر والوعود وبعدين بعد ما تضمنون انا حقكم خلاص ما شي هالوعود ماتنفذون ولا وعد .
خالد يشوف فوق : ام مب كل الشباب نفس الشي
نوره : ولا كل الحريم نفس الشي
خالد : خلاص تعادلنا يا حلوه بس لا تبلعينا عاد.. والله يعين عبد الله عليج .
نوره : ليش ان شاءالله اصلا ما في احسن مني لا في الدلال
ولا ( بدلع) في الجمال .
خالد ياخذ المخده ويفر على ويه نوره : يالله عاد ادلعت الحين
نوره : ايه خربت شعري
خالد : تقولين الحين الريال بيشوف شعرج اصلا هو بيدخل بيشوفج النظره الشرعيه يعني بحجابج وطبعا اطلعين ويهج بدون مكياج
نوره : ادري أصلا متى طلعت انا جدام الريايل بالمكياج.
خالد : هي جذي اباج يالغاليه .
( ورن موبايل خالد وكان المتصل عبد الله لانه الحين هو ياي ويا اهله عشان يشوفون نوره )
خالد :نوروره قولي منو المتصل
نوره: منو
خالد : خطيبج جنه الحين ياي
نوره أول ما سمعت ان عبد الله ياه على طول اتوترت وقفت من مكانها وتمت تتحرك يمين ويسار .
وخالد أول ماشافنوره تم ميت من الضحك : ههههههههههههههههههههههههههههه
نوره : هي هي شو عليك اضحك علي (نوره وهي تدز خالد عشان يطلع برع غرفتها) خالد قوم اطلع روح عند الريال وخلني بحالي
خالد وهو يبتسم : زين زين بطلع بسير عند احم احم..
نوره بعد ما طلعت خالد كانت خايفه وايد ومتوتره لان ياي هاليوم الي تشوف عبد الله .

وراح خالد يستقبل عبد الله وأهله وشاف عبد الله ودخلاه في الميلس
وطبعا فرحة خالد كبيره لان عبد الله صديقه من الطفوله.
وبعد مادخل عبد الله واهله الميلس راح ام خالد تسلم عليهم وبعدين راحت فوق عند نوره عشان تقولها تنزل .
ام خالد: نوره يمه حبيبتي وينج
نوره وهي متوتره واقفه مكانها : هلا امي انا هني
ام خالد : يالله يا نوره ترى عبد الله واهله تحت وبالذات عبد الله ياي يشوفج
نوره بتردد: ها..م .. يشوفني
الام : هي يا بنتي يشوفج يالله بلا دلع ونزلي طبعامع الشيله والعيايه اوكي
نوره : اكيد طبعا امايه
الام : يالله نترياج تحت

نوره راحت لبست وتغطت وما طلعت الا ويها وطبعا بدون أي مكياج وهي وايد متوتره ونزلت تحت وانتظرت خالد عشان ياخذها للميلس لانها تحس ان ريولها ما تقدر تشيلها .
خالد ياي عند نوره وهو مبتسم : ها يالغاليه يالله ندخل
نوره ماسكه ايد خالد : والله خايفه
خالد : والله كأنج داخله الحرب
نوره : اصعب من الحرب
خالد يالله لا تتفلسين وايد يالله ندخل .

خالد فتح الميلس ويا نوره.. عبد الله كان قاعد وأول ماشاف نوره وقف من مكانه وفي خاطره يقول ( واخيرا شفتج يا بعد عمري )
نوره كانت منزله راسها من الحياء وبعدها ماشافات عبد الله .
يت ام خالد وخذت نوره عشان تسلم على ام عبد الله وابوه .
ونوره طول الوقت منزله راسها وتبى تشوف عبد الله بس ما تقدر لانها مستحيه وبعد ما سلمت نوره على ام عبد الله وحبت راسها وتمت تشوف الام وهي مبتسمه ومستحيه .
وخالد شاف ان نوره مطنشه عبد الله ولا سلمت عليه ولا شافته وعبد الله بعده واقف مكانه .
خالد : نوره حبيبتي تعالي سلمي على الي بيكون ان شاء الله ريلج المستقبلي
نوره كانت منزله راسها ويوم طلب منها خالد انها تشوف عبد الله نوره تمت ترفع راسها شوي شوي ويوم رفعت راسها وحطت عينها بعين عبد الله فتحت عيونها من الصدمه وحست ان قلبها بيوقف من الصدمه وطبعا الصدمه لان عبد الله الي ياي يخطبها هو نفسه الي كانت تتمناه هو الي شافته في البنك والي صلح سيارتها هو نفسه الي كانت معجبه فيه واول ماشافته استحت ويها احمر ونزلت راسها مره ثانيه بس في قلبها شي ثاني لانها صدق كانت ميته من الوناسه .
عبد الله وهو مبتسم يشوف نوره وتعجبها : اشحالج يا نوره
نوره منزله راسها وبصوت واطي وبرقه : تمام الله يعافيك
خالد : عبد الله اقعد يالغالي ليش واقف
عبد الله صد لخالد وابتسم وقعد عالغنفه وحتى نوره بعد قعدت وعبد الله كان مجابل نوره وهو يشوفها منزل راسه بس بس رافع عينه أما نوره فطول الوقت مستحيه ومنزله راسها وكل ما يكلمها عبد الله هي ترد بتوتر .
ابو عبد الله يكلم ابو خالد : خلاص عيل يا بوخالد ان شاء الله الخطبه باجر .
ابو خالد : ان شاء الله على بركة الله
ام عبد الله : اقول يا ام خالد متى تبون الملجه
ام خالد : والله لين الحين ما حدنا بشوف راي البنت
ام خالد تصد لنوره : ها يا نوره متى تبين الملجه
نوره منزله راسها وبرقه صوت : ما دري يا امايه الي تشوفينه
عبد الله طول الوقت وهو يشوف نوره ويبتسم من حيائها ورقتها .
ام عبد الله تشوف ولدها عبد الله : يا عبد الله متى تبى الملجه ؟
عبد الله في خاطره ( ابي اليوم قبل باجر ): ام تقريبا بعد شهرين زين
نوره اول ما سمعت شهرين صدت لأمها وراحت تصاصرها : امايه شو بعد شهرين لا توافقين اصلا 3 شهور ما تكفي حق التجهز والاستعاد .
ام خالد : اوكي
ام خالد : شوفي يا ام عبد الله شو رايج بعد 5 شهور

عبد الله فتح عيونه اوف يا عمتي وايد 5 شهور
ام عبد الله تبتسم : تعرف يا ولدي البنت يوم تبي تعرس اقل شي يبالها 3 شهور لين تجهز
عبد الله : زين يا عمتي خليها 3 شهور
ام خالد تشوف نوره : ها يا بنتي موافقه على 3 شهور
نوره : 3 شهور احسن من شهرين خلاص اوكي
عبد الله استانس يوم نوره وافقت
والكل استانس وباركو لبعض عشان هم الحين خلاص راح يكونون أهل أما نوره فستأذنت وطلعت بعد ما سلمت على الكل وبالذات عبد الله الي طول الوقت وهو مبحق فيها ومستانس وينتظر متى 3 شهور يمرون .
نوره بعد ما طلعت من الميلس حست عمرها شوي بطير من الفرحه لان هذا عبد الله الي كان في احلامها ورقظت في غرفتها عشان تكلم ساره .
نوره وهي منسدحه على السريروبصريخ: الو ساروه
ساره : باسم الله شو فيج ينيتي
نوره : ساره باركيلي
ساره :الف مبروك شو عالخطبه صح
نوره : لا مب بس على الخطبه ساره تعرفين منو طلع عبد الله الي ياي يخطبني اليوم
ساره : منو يعني
نوره : عبد الله الي ذيج المره صلح سيارتي والي كنت معجبه فيه تذكرينه
ساره : م هي فارس احلامج
نوره : هي هو الله يا فرحتي اليوم
ساره استانست : فديت عمرج والله واخيرا تحق حلمج الف مبروك والله تستاهلين
نروه : الله يبارك فيج يالغاليه وعقبالج
اول ما سمعت ساره كلمه عقبالج حست بالحزن تذكرت بلاوي فهد واتذكرت حبها لخالد .وسكت
نوره : بالاج سكتي يعني اونج استحيتي
ساره : نوره يوزي من سوالفج
نوره : اوكي ساره انا ألجين بنزل عند امايه زين
ساره : صبري ما قلتيلي شو اتفقتوا
نوره : م تعالي اليوم بقولج
ساره : لا اليوم ما أقدر امايه تباني اطلع وياها
نوره : خلاص باجر تعالي الظهر
ساره : باجر خطبتج ان شاء الله
نوره : زين شو يعني ترى الكوافيره بتي بيتنا بتسويلي شعري وبتم****ي ومره وحده بتمكيج
ساره : ما يحتاي انا
نوره : لا شو مايحتاي ترى وايد ناس يمكن ايون
ساره : م اوكي خلاص ان شاء الله باجر بي بس لازم تخبريني شو صار اوكي يالعروس
نوره أول ما سمعت العروس ويها احمر : اوكي حبيبتي
نوره : هي صح ساره قبل ما ابند لاتنسين تعزمين الريم على خطبتي باجر
ساره : أصلا من غير ما تقولين اكيد بعزمها هاي الريم مب أي حد
نوره : يالله بدت ساره بالاسطوانه
ساره : ههههههههههههههه
نوره : خلاص يا بنت خالتي ألحين اسمحيلي بخليج اوكي
ساره : اوكي غناتي
نوره : سلمي على الريم واترياج باجر
ساره : الله يسلمج ويسلم غاليج ويالله روحي عند امج لا تتأخرين عليها.
نوره : اوكي حبيبتي مع السلامه
ساره : مع الف سلامه

راحت ساره واتصلت في الريم عشان تعزمها على خطوبة نوره
ساره : الو السلام عليكم
الريم : يا هلا والله وعليكم السلام
ساره : اشحالج يالغاليه
الريم : بخير يسرج حالي وينج يالقاطعه ؟
ساره : والله بالدنيا
الريم : قطعتي عني من بعد سالفة فهد
ساره : تعرفين بعد كنت مستحيه أتصل فيج
الريم : افا ليش
ساره : لاني أحس انا السب في عذابج انتي واخوج فهد
الريم : لا يا ساره انتي مالج خص
ساره بتردد: زين شو اخباره الحين من بعد ذاك اليوم شو بعده يحبني ولانساني
الريم تتنهد : اه أي نساج هو كل يوم ايب طاريج ويتكلم عنج ودايما يقولي اذا ساره ماتزوجتني أنا ما بعيش بهالدنيا والله ياساره قطع قلبي فهد
ساره اتضايقت يوم عرفت ان فهد بعده مصر عليها .
ساره : والله ماعرف شو اقولج
الريم : الحين خلينا من سالفة فهد شوي وخبريني متى خطبة نوره
ساره /: أصلا انا متصله عشان أعزمج على خطبة نوره باجر ان شاء الله
الريم : ماشاء الله باجر والله زين زين يالله بالبركه
ساره : الله يبارك فيج يالغاليه بس عاد لا تنسين تنورينا باجر واتين
الريم : افا عليج وانا أقدر ما اي
ساره : هي فديتج تعالي باجر من وقت زين
الريم :خلاص يالغاليه باجر بي عندكم تقريبا العصر بعد ما أتلبس بي بيت خالتج اوكي
ساره : اوكي اترياج
الريم : ان شا ءالله ولا تعالي ساروه
ساره : نعم
الرمي : أي لون فستانج
ساره : م ما بقولج تعالي باجر وشوفيه
الرمي : يالله عاد قوليلي
ساره : اسفه ما بقولج تعالي باجر وشوفيه
الريم : زين ساره والله براويج
ساره تضحك : والله بعد تعرفين تهدين يا الريم
الريم : هي طبعا
ساره : يالله عن إذنج بروح عند امايه عشانها تباني اطلع وياها
الريم : اوكي يا ساره يالله روحي عند امج
ساره : شز زعلتي يا الريم
الرمي : لا غناتي ما أزعل من اختي وربيعتي وعمري كلها
ساره : الله الله عالكلام
الريم : عشان تعرفين غلاتج عندي
ساره : فديت عمرج والله لايحرمنا من بعض
الريم : امين يارب العالمين
ساره : اوكي حبيبتي من رخصتج

الجزء (15)
بعد حفلة نوره الكل كان مستانس لان صدق كانت الحفله روعه وأكثر وحده كانت طايره من الفرح هي أكيد نوره لانها انخطبت من الانسان الي كانت معجبه فيه من أول يوم شافته ..


وفي يوم الثاني كانت الريم قاعده تقص أظافرها في الصاله ومعاها فهد الي كان قاعد على الغنفه ومنزل راسه وماسك ايدينه وكان صدق حزين .شافته الريم وحست ان اخوها في شي وانه متضايق .

الريم وهي صاده لفهد : فهد اخوي شو فيك ؟
فهد الي كان منزل راسه رفع راسه وشاف الريم وتنهد : اه يالريم .
الريم : بسم الله عليك من الآاه يا اخوي ... شو فيك ليش زعلان .
فهد ونبرة صوته كلها حزن : اقول الريم شو أخبار ساره من مده ما أعرف عنها ؟
الريم : والله ساره الحمد لله تمام بخير
فهد : اقول الريم ساره ما قالت شي عن سالفتي
الريم : أي سالفه يا اخوي
فهد : أي سالفه بعدغير سالفتي.
الريم : قصدك يا اخوي سالفة طلبك لساره وطلب زواجك منها .
فهد : هيه طبعا
الريم : ما رمستني عن هالسالفه.
فهد راح عند الريم وقعد عندها: اقول يا الريم
الريم : هلا يا اخوي
فهد: اتصلي في ساره وقوليها اذا هي فكرت بالزواج مني.
الريم : ان شاء الله يا اخوي بتصل فيها بس ( بتردد) واذا رفضت ؟
فهد وقف من مكانه وعصب : اذا رفضت قوليلها والله وأنا على قد تهديدي اذا رفضت قوليلها انها راح تنحرم من اغلى ناسها الي هم امها وخالد والله لأخلي حياتهم عذاب مثل ما حولت حياتي الى عذاب .
الريم شافت عصبية اخوها وخافت عليه : فهد شو فيك اخوي توك هادي ..أنا ما قلت هي بتقول جذي ..اقول اذا قالت .
فهد : اذا قالت قوليلها هالكلام .
الريم : يعني يا فهد حتى لو تزوجتها بيكون حب من طرف واحد .
فهد : ما يهمني اذا هي ما تحبني اهم شي انها تكون لي وملكي ويمكن يوم من الايام اخليها تحبني .
الريم : والله ماعرف شو اقولك يا فهد بس فالك طيب الحين بتصل فيها
فهد : اوكي يالريم اتصلي فيها الله يخيلج وانا الحين بروح غرفتي وردي علي اذا كلمتيها اوكي
الريم" ان شاء الله يا خوي انت روح ارتاح
فهد بنبرة ضيق: راحتي ويا ساره .. ما بشوف الراحه الا وياها
الريم : ساكته .
راح فهد غرفته ...أما الريم راحت اتصلت في ساره.

ساره كانت يالسه في الكرسي الهزاز وسرحانه ورن موبايلها وشلت الموبايل .
ساره : الو
الريم : هلا بربيعتي وحبيبتي ساره.
ساره ابتسمت ابتسامه رقيقه : هلا فيج يالريم يا الغاليه .
الريم : شو قاعده تسوين يا ساره؟
ساره : ما قاعده اسوي شي ...ملانه
الريم : أقول ساره بقولج شي بس لا تضايقين .
ساره : خير يالريم شو فيج
الريم : خير بويهج ..( بارتباك ) ابي اقولج شو سويتي عن سالفة فهد
ساره رفعت حاجبها وعصبت : أي سالفه ؟
الريم : طلب فهد الزواج منج
ساره : الريم فهد الي طلب منج الاتصال صح ؟
الريم بتردد : هيه
ساره : شو قالج فهد يالريم ؟
الريم : فهد قالي اتصلي في ساره وقوليلها اذا هي موافقه انها تزوجني ولا لاء؟
ساره بغضب: والله هو يعرف اني ما اباه .
الريم : هي يعرف بس فهد يموت فيج ويعرف ان الحب من طرف واحد وهو راضي بهالشي
ساره : واذا قلت اني ما ابيه وما ابي اتزوجه ؟
الريم : الصراحه يا ساره هو قالي اذا ساره رفضت قوليلها اني راح أحول حياتها الي جحيم والي بتأذون أكثر شي هم .(خافت الريم تقول وسكت)
ساره بعصبيه : هم منو ؟
الريم تبلع ريجها : هم امج وخالد ..اغلى ناسج.
ساره يوم سمعت امها وخالد حست ان شوي وبيغمى عليها
ساره بعصبيه والدموع بعيونها: وليش يعذبهم هم مالهم خص ..هذا فهد ليش جذي يسوي فيه (صاحت ساره بالحيل )
الريم : ساره فديج لا تصيحين
ساره : كيف ما تبيني اصيح يالريم اخوج معذبني يباني اتزوجه بغصب .. واذا ما تزوجته يبى يعذب اغلى ما املك الي هم امي وخالد.
الريم : يمكن هو قال هالكلام لانه معصب
ساره والدموع بعيونها : والله فهد يسويها ..لين الحين أتذكر يوم كان يبى يذبح خالد عند البحر ..
الريم ماتعرف كيف تهدي ساره : بس يا ساره لا تسوين في عمرج جذي
ساره بعصبيه شديده: والله يالريم اذا تزوجت فهد راح اخليه يتعذب اكثر والله لحول حياته الى جحيم راح يعرف ساره منو مثل ما هو بيحرمني من حب خالد راح اخليه يتعذب وبتشوفين وهو الي بيطلب الانفصال بعدين
الريم مستغربه أول مره تشوف ساره تهد لان ساره انسانه خلوقه وطيبه : ساره شو قصدج
ساره وهي تمسح دموعها : بتعرفين قصدي عدل مع الايام .. بس الحين كيف اواجه خالد وامه كيف كيف؟
الريم : شو رايج يا ساره نروح اليوم بيتهم وأول شي نتفاهم ويا نوره وبعدين ويا خالد
ساره : الله يعيني من خالد والله اذا عرف خالد اني بتزونج فهد واني رضيت فيه اكيد بيكرهني هو بيتوقع اني احب فهد و مايعرف اني يمكن اتزوج من فهد بس بدافع الشفقه ولاني اخاف على خالد وعلى امي .
الريم : الله كريم ..والله بيسهل علينا ..الحين يا ساره بخليج والمغرب تقريبا بنروح بيت خالتج اوكي
ساره والدموع بعيونها : الله يعيني على هاليوم
الريم: توكلي على الله
ساره بحقد : عمري ماراح اسامح فهد .
الريم زعلانه من كلام ساره لان مهما كان هذا اخوها الوحيد بس تعرف ان ساره من حقها تعصب : اوكي ساره يالله مع السلامه
ساره بحزن: مع السلامه

صكت ساره من عند الريم وهي منهاره وحزينه لان اليوم آخر يوم بقصتها وحبها مع خالد والسب طبعا فهد.

أما سالم فكان محتار هل يتزوج من هند لان يبى يفتك من حشرة امه ولأن سالم يبى يلعب ويستانس ويغازل على كيف كيفه وكان وياه ربيعه جاسم وهم كانو بالمطعم قاعدين يتغدون وجاسم مندمج بالأكل ..أما سالم كان يفكر بسالفته ..
شاف جاسم سالم واستغرب من سكوته: بلاك سالم .. شو تفكر فيه .
سالم رفع راسه وتم يشوف جاسم : ما بلاي شي .. بس قاعد أفكر .
جاسم : شو تفكر فيه ؟
سالم : عن سالفتي ويا هند ..
جاسم : ليش شو صار
سالم : تعرف ان امي تباني اتزوج لاني البكر يعني اكبر عيالها وانا اعترف اني مب صغير عمري الحين 26 فهي دوم تلح علي بالزواج والاستقرار .
جاسم : زين وشو المشكله
سالم : المشكله اني ما ابي اتزوج عشان ابي العب واستانس .
جاسم وهو يفكر: م ..زين اتزوج مثل ما قلت لك قبل (يفكر) شو اسمها ..
سالم : قصدك هند
جاسم : هيه هيه هند اتزوجها واستانس مثل ما تقول انها على نياتها وينقص عليها بسرعه ما شي يا سالم الا هالطريقه..
سالم : هيه تراني افكر من الصبح بهالحل ..وافكر اني اتصل في هند عشان احد اليوم الي اي واخطبها
جاسم وهو يضحك : يا سلام ..بتطلع معرس يعني
سالم : أي معرس .. هالزواج ما اعتبره زواج صدقي .. لاني ما اخترت الانسانه الي حبيتها .. يعني لعب
جاسم : يالله الله كريم .. عيل اتصل فيها ..واكيد البنت بطير من الفرحه مسكينه بتوقع انك تحبها ما تعرف ان هالزواج لعبه بالنسبه لك .
سالم بخبث: ههههههههههههههههه طبعا لعبه.

سالم كان تفكيره كله بالعب ويالبنات مب الزواج عشان جذي فكر بالساذجه هند .. وهند طبعا ساذجه لانها صغيره وبعدها بسن المراهقه.
في بتكم نوره .كان الكل متيمع عشان الغده
كانت الام تجهز الاكل ونوره وياها .. اما هند قاعده تنتظر الغدى ومعاها خالد ... بعد ما الكل اتيمع على الطاوله الطعام .
الام : يالله سمو باسم الله وكلو
هند وخالد ونوره : باسم الله
هند : اقول يمه
الام : خير يمه
هند : وين ابوي ابد ما نشوفه ولا تقولون عندي ابو
الام : ابوج تعرفينه كله مسافر ..لانه رجل اعمال ومصدر رزقه بهالسفر .
نوره : بس مل والله كله مسافر ..انتي ما تملين يا امي ان ريلج ما يكون عندج .
الام : لا يا امي لاني اعرف ان هذا شغله وما اقدر اسوي شي . وبعدين ابوكم اي كل شهرين مره .
خالد : وين يا امي يتم بس اسبوع ويروح
الام : بعد احسن من ولا شي
خالد : ولا اخاف ( يبتسم ) متزوج من هناك وانتي خبر خير
الام ترفع حاجبها : وي باسم الله على ريلي .. لا تفاول يا خالد
نوره وخالد وهند : ههههههههههههههههههههههه
نوره : وي خافت على ريلها
الام : طبعا اخاف عليه .. وانتي يا بنتي يوم بتزوجين بعد بتخافين على ريلج .
نوره ويها احمر وسكت.
هند : وي شوفو ويهه نوره استوى احمر
خالد (يضحك) ههههههههههههههه بلا ويهج تقولون عصير طماطه؟
هند : ههههههههههههههههههههههه
نوره معصبه : ايه عاد بسكم لا تحطون علي ..
خالد : زين زين خلاص ما بنزعلج مب عشان شي ..بس لانج بعد 3 اشهر ان شاء الله بتزوجين يا احلى اخت
هند تشوف اخوها من طرف عينها : ايه لو سمحت بلا غلط
خالد يصد لهند :ليش في شو غلطت يا انسه هند
هند تلعب في شعرها : لانك قلت انها احلى اخت .. وهالكلام غلط .لاني انا احلى وحده فيكم ..وجمالي ورقتي محد يقدر ينافسهم
خالد : يالله يالله ..منو انتي احلانا .. لا غلطانه انتي صدق حليوه بس مب احلى من نوره
نوره مغمضه عيونها وبدلع : احم احم ..عندي محامي
هند انقهرت : لا حبيبي انا احلاكم اصلا زين .
خالد : والله اتمنى يا هند اي واحد ويخلصج من هالغرورو والكبرياء الي عندج
هند : بالعكس بيزيدني حلا وغرور..لانه فخور انه اتزوج وحده مثلي.
خالد : بنشوف
الام : بسكم ..انتو داشين حرب .
نوره : هي والله اكثر اثنين يتضاربون هم هند وخالد
خالد : هاي اختج شايفه عمرها على فاضي
الام : زين يمكن تاكلون وانتو ساكتين
هند : انا بسكت عنك يا خالد لاني يوعانه
خالد : هئ هئ قصدج ما عندج رمسه
هند صاده صوب ثاني ومنقهره وساكته
نوره : خالد بسك عاد .. اسكت عنها
خالد : بسكت خلاص

والعصر كانت هند تبى تنام ومسانده على السرير سمعت صوت موبايلها يرن .. وهند يوم شافت الرقم .فتحت عيونها على آخر حد
هند وهي مستغربه وبتردد: الو
سالم بابتسمامه :يا احلى الو
هند : ما اصدق سالم
سالم : هي سالم وليش مستغربه يا هند
هند : لاني قلت اكيد انت نسيتني
سالم : افا وانا اقدر انساج بس الظروف يا هند..ليش اشتقتيلي يا هن
هند استحت وسكت
سالم : ليش ساكته .. شو تستحين تقولين انج اشتقتيلي
هند : انت تعرف ردي ومب لازم تحرجني
سالم : خلاص ما بحرج .. بس عندي لج الدليل اني ما نسيتج واني بعدني احبج
هند : وشو الدليل ؟
سالم بخبث : الدليل على حبي لج هو اني بي أخطبج من اهلج
هند قامت من عالسريروبفرح وبتعجب :شو
سالم : شو فيج مستغربه .
هند : ما توقعت
سالم : ليش ما توقعتي قلت لج اني احبج واباج.
هند وهي فرحانه وطايره من الفرح : والله احس كاني احلم
سالم : والحلم راح يتحق بس انتي عطيني يوم عشان اكلم ابوج
هند : م شوف ابوي الحين مسافر اتريه يرجع من السفر
سالم : ومتى ان شاء الله بيرجع؟
هند : تقريبا بعد اسبوع ان شاء الله
سالم : خلاص على خير ..
هند بخجل : ان شاء الله
سالم : اوكي يا حبيبتي اخليج الحين واشوفج على خير
هند : مع السلامه يا سالم
سالم : بحفظ الله

هند كانت طايره من الفرح ..واخيرا حلمها تحق .. وكانت تناقز على السرير وتغني وتصارخ . توقعت ان سالم يحبها وان حلمها تحق وقصتها راح تكون مثل المسلسلات
دخلت عليها نوره يوم سمعت صريخها .
نوره تشوف هند تناقز على السرير : ايه انتي شو فيج ينيتي
هند وهي تناقز : هي ينيت .. ومن حقي
نوره مستغربه : زين شو فيج يالخبله
هند نزلت من عالسرير وراحت عند نوره : حلمي راح يتحق
نوره رافعه حاجبها : أي حلم .. ترى احلامج ما تخلص
هند بدلع وبغرور: سالم الي قلتي عنه انه يقص علي وما يحبني بس يبى يلعب علي
نوره : شو فيه
هند : اتصل فيه الحين عشان بي يخطبني
نوره استغربت وايد : صدق هو قالج جذي
هند : هيه طبعا .. شفتي ان كلامج ما طلع صح
نوره : شوفي يا هند بقولج شي
هند : بدت الفيلسوفه ..تفضلي قولي
نوره: الواحد يوم يكلم الوحده عن طريق المغازله .الاغلبيه منهم يقصون عليهم وما يتزوجوهم بالعكس ياخذون الي يبونه ويروحون ويفرونها مثل الجلاب
هند : بس هو غير
نوره : هيه غير عن هالنوع .. بس شي النوع الثاني الي الشخص ياخذ الوحده عن طريق المغازله يعني عن طريق حرام ويوم يتزوجها حياتهم ما تسمر .لان حياتهم كلها راح تكون بشك وبمشكال واحد بالميه من هالنوع الي حياتهم بتستمر عادي
هند : لا لا انا غير
نوره : على راحتج بس اقولج المغازله كيف .. لان هم اتزوجو عن طريق حرام وشي يغضب الله وانتي راح تشوفين هالشي
هند : بس سالم يحبني ويموت فيه
نوره : حتى الشباب الي تزوجو عن طريق المغازله كانو يحبون بس حياتهم ما استمرت لانهم بيتمون يشكون في كل شي .. لانهم يقولون مدام الوحده خانت اهلها اكيد راح تخون زوجها فهمتي علي
هندبعصبيه : ما ابي افهم شي.. كل الي أفهمه ان سالم يحبني ويباني وانا احبه اوكي

راح هند عن نوره وهي مصره بحب سالم لها
..اما نوره فكانت خايفه على حياة اختها..
بعد مكالمة سالم ويا هند وتحديده موعد خطوبتهم .. هند كانت فرحانه وايد وحست ان حلمها تحق .. وانها بتعيش أروع قصص الحب والغرام..

وفي المغرب راحت ساره بيت الريم عشان كلهم يروحون بيت نوره .. لان ساره راح تنهي آخر حلمها وعلاقتها مع خالد .. واول وحده راح تقولها عن انفاصلها عن خالد بسب فهد هي نوره بنت خالتهم عشان تساعدهم شوي وتفهم اكثر وبعدين .. بتخبر خالد ..

في السياره ساره متوتره وخايفه والريم تشوفها.
الريم : ساره شو فيج ؟؟ ليش هالتوتر كله
ساره بضيق : أفكر يالريم كيف أواجه خالد اليوم
الريم : هو اكيد بيفهمج .
ساره : لا لا لا ما بيفهمني ..اعرفه خالد .. (بحزن شديد) هو بيتوقع اني اخترت فهد لاني احبه ولاني ما ابي خالد.
الريم : لا ما اتوقع هو يفكر جذي.
ساره : ماعرف احس جذي .. الله يعيني على هاليوم .. صدق اصعب يوم بيمر بحياتي
الريم : الله يسهل علينا كل شي. ويسعدج يا ساره
ساره باستهزاء : كيف أسعد وأنا مب مع الي احبه.
الريم : سكت ماعرفت شو تقول .

وبعد ما وصلو بيتكم نوره ..ساره نزلت من السياره أما الريم بعدها في السياره .
ساره وهي صاده للريم : الريم شو ما تبين تنزلين
الريم : لا بنزل بس بعد دقايق.
ساره : ليش
الريم : بتصل في عفاف .متصله فيه الاف المرات وتوني اشوف رقمها .
ساره : ليش مساعه ماسمعتي يوم اتصلت
الريم : لا ما سمعت لاني كنت حاطه موبايلي على السايلنت
ساره : خلاص اوكي انا الحين بدخل بيتهم .. وانتي يوم تخلصين مكالمتج تعالي اوكي
الريم : اكيد بي .. لا تخافين ماباخذ سيارتج.
ساره بابتسامه رقيقه: م يمكن بعد تاخذينها وتخربينها واخر شي تردين علي
الريم : افا لهالدرجه انا نذله يعني
ساره : ههههههههههههههه من زمان
الريم : هههههههههههههههههههه زين ساروه براويج
ساره : اقول بلانا مثل الهنود واقفين برع نتكلم .
الريم : هههههههههههههههههه
ساره : اوكي يالريم انا بدخل اوكي اترياج
الريم : خلاص بعد شوي بدخل

راحت ساره داخل البيت ..اما الريم فتصلت في ربيعتها عفاف .

ومقابل بيتكم خالة ساره الي هو بيتكم نوره .. كانت سيارة خالد .. وخالد كان طالع من سيارته ومتساند على السياره .. وربيعه محمد مجابلنه وكانو يرمسون ويضحكون ..
خالد : اقولك يا محمد تصدق افكر اغير سيارتي
محمد مجابل بيتكم نوره .يعني يشوف الداخل والخارج : افا ليش
خالد : بس جذي مليت من سيارتي
محمد : حشى عليك . من سنه مغير سيارتك .
خالد : هي صح بس تعرفني بسرعه امل
محمد: يا خوفي بعد تزوج أربعه
خالد فتح عيونه: بل ..ليش شو تشوفني الحاج متولي
محمد يضحك : ههههههههههههه .. لا بس لانك بسرعه تمل عشان جذي قلت يمكن تمل من زوجتك بعد
خالد باروع ابتساماته وتنهد: اه مستحيل أمل واضيج من الروح الي سكنت روحي .. أصلا انا بدونها جسد بلا روح .
محمد : يا سلام هالكلام كله حق خطيبتك يعني
خالد : يعني حق ويهك اكيد حق خطيبتي
محمد يضحك : هههههههههههههه والله صرت رقيق مع الي تحبهم وصرت دفش ونذل معاي
خالد : هههههههههههههه انا ما اقول الكلام الحلو الي حق ساره بس حقها
محمد : ونحن
خالد : الكلام العادي
محمد : الله يعينا
خالد : انزين خلك بسالفتي الحين والحين شو رايك
محمد بتعجب : راي في شو
خالد : يا كثر من تنسه. اقولك ابي اشتري سياره يديده شو رايك
محمد : والله لو قلتلك لاء بتاخذ الي في راسك .
خالد :طبعا باخذ الي في راسي
محمد : عيل ليش تسالني
خالد : ابيك تختارلي سياره عشان اشتريها
محمد (يفكر ): م
خالد بعد تفكير: شو رايك بسيارة (بورش) روعه صح
محمد وهو يفكر كان صاد لبيتكم خالد وفجأه شاف ..شاف الي سلبت عقله وطيرت النوم من باله .. شاف الريم وهي نازله من سيارة ساره عشان تدخل بيتكم خالد .
محمد ما قدرت يتكلم غير انه سرح فيها وفي قلبه يقول( اه يالريم من زمان ما شفتج والله هاليومين الي شفتج فيهم .. خليتيني عاشق ولهان ..
خالد يشوف محمد ومستغرب لان شافه ما يرد عليه .
خالد وهو يضرب ويهه محمد : ايه بلاك
محمد : ها... م .. م ..مافيني شي
خالد : أي مافيك شي الله يهداك .. اشوفك طاير بعالم ثاني
محمد : اه يا خالد لو تعرف الي بقلبي
خالد : مدامك تنهد اكيد في شي
محمد : تعرف يا خالد الريم ربيعة ساره الي مره شفناها في المركز ومره تعشينا وياهم في البستان
خالد بابتسامه : اكيد بعرفها .. كافي انها ربيعة اعز انسانه مرت في حياتي .
محمد : خالد والله تصدق من ذيج المره الي شفتها وشفت نظره عيونها الي تخلي العالم يذوب وجمالها ورقتها . والله اني ما افكر الا فيها..
خالد يشوف محمد من طرف عينه ويضرب على راسه : ويالدب ليش ما قلتلي انك عاشق.
محمد بخجل : احم احم .. قلت اخاف تعايب عليه
خالد : ليش
محمد : تقول هذا شاف الريم من يومين وانعجب فيها .. واخاف ماتصدقني
خالد : شوف يا محمد .. الحب مايعرف اليوم ولا الوقت ولا السنه .. ويمكن هذا يسمونه الحب من اول نظره
محمد بابتسمامه : يمكن
خالد : زين ليش ماتخطبها
محمد نزل راسه وتضايق وحزن
خالد : شو فيك يا محمد شو قلت انا
محمد : ما اقدر اخطبها لانه .......
خالد : لان شو
محمد صد لخالد: شوف يا خالد انا بقولك السالفه بس مب الحين اوكي ..خالد : متى بتقولي عيل
محمد :بيوم ثاني .. وان شاء الله تلقى معايه الحل
خالد : افا عليك .. ولا تعال
محمد : خير
خالد : شو الي ذ*** في الريم الحين
محمد يبتسم : لاني شفتها توها نازله من السياره وراحت بيتكم
خالد كان مجابل محمد ويوم سمع ان الريم نزلت من الساره راح صد صوب بيتهم وشاف سيارة ساره : يا سلام القلب موجوده
محمد فاتح عيونه : أي القب ومنو تقصد
خالد يصد لمحمد : ساره خطيبتي .. لان هاي سيارتها
محمد : زين عيل بتدخل داخل
خالد يفكر: م شوف نحن بنتعشى برع الحين بعدين بروح البيت
محمد : يا ويلي عالحب
خالد يضحك: هههههههههههههههه هي طبعا ما صدقت هي يت بيتنا عشان اشوفها
محمد : زين يالله نطلع عشان تلحق عليها
خالد : اوكي يالله نروح.

طلع خالد ويا محمد .. وهو مايعرف شو الي ينتظره داخل ..
اما محمد فمن أول ما شاف الريم وهو صدق حبها بالذات يوم عرف صفاتها وطيبتها من خالد .. لان خالد يعرف اليم من مده لانها ربية ساره من الطفوله..بس محمد كان يخفي شي وهو عنده شي يمنعه من التقدم للريم . وهالشي راح تعرفونه مع الايام.

الجزء (16)
أما ساره قالت لنوره انها بتفسخ خطوبتها من خالد والسب طبعا فهد .. الريم كانت يالسه وياهم اما نوره فاستغربت وايد من كلام ساره لانها تعرف حب ساره لخالد.
نوره وهي متضايقه وقاعده على الغنفه ومنزله راسها.
ساره بحزن: ها يا نوره كيف اكلم خالد بهالسالفه.
نوره رفعت راسها : والله شوفي ياساره أنا من ناحيتي عاذرتنج .. لان اعرف ان الي بتسوينه عشانج خايفه على حياة خالد وامج .
بس؟
ساره : بس شو ؟
نوره : بس خالد ما اعتقد انه بيفهم هالشي
الريم : ليش يعني؟
نوره : لان خالد يموت على ساره من هو صغير وكان يحلم انه يتزوجها وبعد هالانتظار كله اتي ساره وتقوله انها بتزوج غيره . والله صعبه
ساره والدمعه بعيونها : بس ما عندي حل ثاني . وهو يعرف اني بعد احبه بس الظروف
نوره : والله ماعرف .. يمكن بيفهمج .
ساره بعبيه: هالتعاسه والمشاكل الي صارت لي كله من فهد .. والله اني اكره اكره.
الريم تضايقت من كلام ساره وسكت.
نوره لاحظت ان الريم تضايقت وراحت عند ساره وكلمتها بصوت واطي : ساره عاد مب جدام اخته .
ساره لاحظت زعل الريم وراحت عند الريم ومسكت ايدها : الريم سامحيني والله مب قصدي اضايقج .. بس غصبا عني ..
الريم : لا حبيبتي عادي .. انا حاسه فيج . وانا الي اعتذر بدل فهد .
ساره : انتي مالج خص يالريم.
الريم : ادري .. بس مستحيه منج .. لان كل الي يصير لج بسب فهد.
ساره رفعت راسها : الله يسامحك يا فهد .. بتحرمني من الانسان الي حبه قلبي.

وكان الكل قاعد في الصاله وساره كانت تتنتظر خالد عشان تقوله السالفه ..

الريم : اقول نوره ؟
نوره صدت للريم : خير يالغاليه
الريم : وينها اختج هند..أبد ماتنشاف
نوره : هاي هند والله ولا تقولون انها اختي
ساره : افا ليش
نوره : هي تفكيرها غير عني وكلامها وكل شي .. وكله بينا ضرابه
الريم : الخوات اغلبيتهم جذي
نوره : لا بس هاي غير ضربت الرقم القياسي ..وايد مغروره
ساره : يمكن لانها بعدها بسن المراهقه .. عشان جذي تحسين تفكيرها غير .
نوره :والله يمكن
الريم: اقول نوره .متى ملجتج .
نوره بخجل : م بعد شهرين ونص ان شاء الله
ساره : وعرسج..
نوره : والله ام عبد الله قالتلي ان عبد الله يبى الملجه والعرس بيوم واحد .
الريم فتحت عيونها : لا جذي صعب .
ساره هي صح صعب جذي تحسين ما بيكون بينكم تفاهم
نوره : هي اكيد ..لان على الاقل في الملجه نقدر نتفاهم اكثر .. ويوم في العرس ما بيصير بينا وايد مشاكل لاني بكون اعرف عنه زاعرف هو شو يحب واعرف اخلاقه .
الريم : صح عشان جذي الملجه لها دور كبير .. ثاني الله حل انج تشوفين ريلج في الملجه.
ساره : هي والله ..انزين يا نوره شو بتسوين الحين ؟.
نوره : لا انا قلت حق ام عبد الله ( بدلع) قصدي عمتي
ساره والريم : هههههههههههههههه
نوره : قلت لها اني على الاقل ابي بعد الملجه شهرين
ساره : بل مب وايد
نوره : لا وايد ولا شي ..
الريم: يعني أي شهر
نوره : شهر سبعه
الريم: ها زين وامتحانات هند بالثانويه العامه شهر 5
ساره : هي صح ناسيته ان هند بالثانويه العامه الله يعينها
نوره : والله ولا هي مهتمه .. زين منها اذا نجحت.

وهم قاعدين يرمسون ويسولفون
دخل عليهم خالد ..
خالد : السلام عليكم
الريم ونوره وساره : وعليكم السلام
خالد دخل وابتسم وشاف ساره : اشحالج يا ساره
ساره بخجل : الحمد لله يسرك حالي وانت شو اخبارك
خالد : بخير الله يسلمج
خالد صد للريم : اشحالج يالريم .
الريم : الحمد لله بخير
خالد قعد عالنغنفه وكان قاعد عند نوره .

الريم طبعا تستحي تقعد مع خالد وبالذات هاليوم اكثر لان السالفه راح تكون عن اخوها فهد .
الريم قامت من مكانها: عن اذنكم

نوره تصد للريم : وين بتروحين
الريم: بروح عند هند .. من زمان ما قعدت وياها
نوره : خلاص حبيبتي روحي ونسيها.
الريم صعدت وراحت غرفة هند ..
اما ساره فكانت متوتره وايد لانها ماتعرف كيف اتفاتح خالد بهالسالفه.

خالد لاحظ توتر ساره : شو فيج ساره ..
ساره بارتباك : ها ...م....ما فيني شي
خالد : احسج متوتره .
ساره تبلع ريجها : خ..خ.خالد
خالد : خير يا ساره
ساره : بقولك شي
نوره صدت لساره: ساره مب الحين عاد ..
ساره : خلا اقوله وارتاح .
خالد اتسغرب: شو فيكم .. عن شو تبون تكلموني
ساره وقفت من عالغنفه وبتوتر : خالد بقولك شي بس الله يخليك افهمني
خالد رافع حواجبه : خير شو في
ساره تلعب باصابعها : انا ..انا ..
خالد : شو فيج يا ساره.انتي شو
ساره بحزن : انا قرت اني افسخ خطوبتي منك.
خالد أول ما سمع هالكلمه قام من مكانها وراح عندها وبغضب: شو انتي شو تقولين يا ساره ..
نوره : الله يهديك يا خالد .. هد اعصابك
خالد : كيف اهدي اعصابي .. وساره ما تباني
ساره : لا يا خالد .. انا ما قلت جذي
خالد: عيل ليش تبين تفسخين خطوبتنا ليش ليش؟
ساره منزله راسها: لاني أبي اتزوج (بتردد) فهد
خالد وقف مكانه وكان يتمنى ان الارض تنشق وتبلعه : تبين تزوجين فهد
ساره : هيه ..
خالد بعصبيه وصريخ: ليش ليش يا ساره .. ليش تبين تزوجين فهد .. لا يكون عنده شي انا ما عندي ولا خلاص مليتي مني ..
ساره : لا والله يا خالد بس انت هد اعصابك عشان تعرف السالفه
خالد صد عن ساره : أي سالفه ؟؟ انا ما ابي اسمع شي كافي الي قلتيه
نوره : خالد ساره ما بتزوج فهد لانها تحبه
خالد : لا والله عيل عشان شو
ساره : شوف يا خالد .. اذا تزوجنا ماراح نستانس بحياتنا
خالد : وليش ان شاء الله
ساره : لان فهد هدني اذا ماتزوجته راح يدمرني ويحرمني منك ومن امي ( والدمعه بعيونها ) وأنا ما ابي شي يصير لكم . وانت تعرف فهد عنده مرض نفسي وعادي والله بيسويها .
خالد راح عند ساره : ساره انا أفضل الموت ولا اشوفج عند غيري
ساره تصيح : بس انا اتمنى اني اتزوج أي حد غيرك ويصير لي أي شي ولا أنحرم منك يا خالد ما انحرم من شوفتك
خالد بحزن :يعني تبيني اتخلى عنج عشان تهديدات فهد
ساره : اقولك اذا ماتزوجته راح يخلي حياتنا جحيم .
خالد : وانا وانا ما خفتي علي ؟؟ كيف بعيش بدونج
ساره : انت على الاقل انسان عاقل .. واعرف ان صعب عليك .. بس على الاقل ماراح يصير لك شي واهم شي ان فهد ما بيأذيك ..
ثانيا يا خالد انت اذا فقدني عند امك وابوك وخواتك الله يخليهم لك ..بس فهد فاقد حنان والديه واذا خسرني راح ينهار
خالد بغضب: والله يعني تاخذينه عشان الشفقه
ساره : مب بس عشان الشفقه .. والله بعد عشانك انت وامي والله اني اخاف عليكم .. انت لو سمحت تهديداته
خالد : اه يا النذل بس انا والله أراويه
ساره وعيونها محمره من الدموع : الله يخليك يا خالد لاتروح عنده.
خالد : لا بروح الحين عنده عشان مره ثانيه ما يهد بنات الناس
ساره وهي ماسكه ايدينها وقاعده ترجى خالد: خالد أترجاك لا تروح عنده ..أعرف اذا رحت راح تصير مشكله. وفهد ما يحس بالي يسويه واخاف يأذيك.
خالد : انا ما يهمني ولا اخاف منه
ساره وهي تترجاه : خالد باسم الحب الي بينا الله يخليك لا تروح عنده.
خالد صد لساره وشافها صدق منهاره والدموع بعيونها ورفق عليها : خلاص مابروح عشانج يا ساره
ساره تمسح دموعها : تسلم يا خالد
خالد : ساره فكري مره ثانيه الله يخليج .. لا تتركين ترى والله بنهار ..ساره انا احبج انتي واخترتج انتي من يوم كنت صغير
ساره بحزن وضيق : والله مب بايدي غصبا عني
خالد : لا تهتمين له ..ساره ما اقدر اعيش بدونج
ساره تصيح : ولا انا بس ما عندي حل ثاني افمني افهمني يا خالد .
خالد بعصبيه : ما ابي افهم شي .. (يأشر على ساره) شوفي يا ساره اذا اخترتي فهد .. لا أعرفج ولا تعرفيني وراح اعتبرج غريبه ..حتى السلام ما ابي منج
ساره : لهالدرجه يا خالد صرت قاسي علي
خالد : بس مب اقسى عنج مثل ما بعتي حبي لج .. انا بعد بعاملج نفس الشي
ساره : بس هالشي غصبا عني
خالد : ماعندي كلام ثاني .. مثل ما تخيلتي عني .. انا بعد راح اعاملج مثل الغريبه وراح احاول انساج مثل ما نسيتيني .
ساره : انا ما نسيتك
خالد : آخر كلام يا ساره تبيني انا ولا فهد
ساره تفكر اذا ماخذت خالد صح راح تفقده بس هو ما بيصيرله شي ولا بيتأذى .. بس اذا تزوجت خالد ..حياتهم بتدمر ويمكن فهد يقتله ..
ساره خذن تفس والدموع بعيونها : اسمحلي يا خالد بس هالشي غصبا عني .
خالد : يعني اخترتي منو
ساره بتردد وحزن : فهد
خالد : خلاص عيل اليوم آخر يوم اكلمج وآخر يوم تكون بينا علاقه .
خالد راح عن ساره وكان يبى يدخل غرفته .وسمع ساره تناديه وقف مكانه.
ساره والدموع بعيونها : خالد والله اني ما احب فهد والله اني أباك انت ..والله..
خالد ما قدر يستحمل اكثروراح غرفته ..وصك على عرمه الباب
وخلى راسه على الباب وأول مره خالد الدمعه تنزل من عيونه.
خالد : اه يا ساره اه كيف اعيش بدونج يا ساره وانتي الهوى الي اتنفسه كيف .
خالد كانت حالته صعبه ..
ساره ما قدرت تستحمل اكثر راحت حضنت نوره وهي تصيح .
ساره : راح عني خالد راح يا نوره .
نوره تمسح على شعر ساره: بس يا ساره لا تصيحين قطعتي قلبي
ساره : احلامنا تبخرت وراحت والسب كله من فهد .. ربي لا يهنيه ولا يسعده مثل ما حرمني من السعاده.
الريم نزلت وشافت ساره حاضنه نوره وتصيح ..وعرفت ان ساره قالت لخالد ..
الريم نزلت عند ساره تحاول تهديها.
الريم : قومي يا ساره نروح البيت .
نوره تصد للريم : كف ساره تسوق وهي بهالحال
الريم : لا انا الي بسوق وبوصلها بيتهم .
مسكت الريم ساره وحاولت تهديها لان ساره كانت منهاره لانها فقدت خالد وحست ان خالد كرها

الجزء (17)
بعد ما قالت ساره لخالد انها قررت تنهي اللي بينهم من علاقه عشان خوفها من فهد انه يؤذيهم ..

الريم راحت توصل ساره بيتهم لان ساره طول الطريج وهي تصيح .. لانها عرفت ان احلامها الحلوه ماتحققت ..لانها خسرت الانسان الوحيد اللي صدق حبته من الطفوله..

دخلت ساره البيت وهي منهاره وفتحت الباب وشافت امها قاعده في الصاله ..
ساره وهي تصيح وتركض عند امها: امايه امايه ..خلاص خلاص راح خالد .
الام مستغربه وهي تحظن ساره : شو بلاج يا ساره ..
ساره وعيونها وارمه من الصياح : امايه انا قلت لخالد اني بنهي اللي بينا عشان فهد .
الام : وشو رد عليج
ساره : ما فهمني .. توقع اني ما ابيه ..
الام وهي تمسح على شعرساره: لا يا بنتي اكيد هو بيفهمج .. بس هو قال هالكلام لانه معصب ..
ساره : بس انا والله يا امايه ما احب فهد ..انا سويت كل هذا لاني اخاف علج وعلى حياة خالد .
الام : ادري ادري يا بنتي .. والله فاهتنج .. بس انتي لاتسوين في عمرج جذي ..
ساره بعدها تصيح ..
الام : بس يا ساره ماعرفت انج ضعيفه لهالدرجه.
ساره وهي تصد لامها: كيف كيف يا امايه بعيش ويا انسان انا ما احبه .الام : لا يا ساره انا اعرفج عدل .. قلبج طيب .. وانتي ماتكرهين حد
ساره بعصبيه : عمري ما كرهت حد صح .. بس فهد غير..انا صدق اكرهه لانه دمر مستقبلي انا وخالد ودمر سعادتي.. والله راح يندم .
وراحت ساره غرفتها وهي معصبه وتصيح ..
الام قلبها نتقطع على ساره .. لانها عمرها ماشافت ساره بهالحال ..


اما بيتكم خالة ساره ..
هند ونوره كانو قاعدين بالصاله ويا امهم .
ونوره قالت لامها السالفه كلها ..
الام وهي زعلانه : والله دنيا .. يا سبحان الله كنا نتوقع ان حياة ساره وخالد بتكون من اروع القصص ..
نوره : يحليلها ساره .
هند بعصبيه : ليش يحليلها ساره .. قولي خالد المسكين .
نوره : لا تنسين ان اصعب شي على الانسان ان يعيش مع شخص ما يحبه وقلبه مع غيره .
هند : والله محد قالها تسوي جذي.
نوره وهي منقهره من كلام هند: والله تعرفين ليش ساره وسيت جذي ما يحتاي اعيد وأكرر يا انسه هند
هند : سااااكته
الام : لا والله ساره طلعت أصيله .. صدق كبرت في عيني
نوره رافعه حواجبها ومستغربه : يعني يا امايه انتي مب زعلانه من ساره .
الام " لا يا بنتي ليش ازعل منها .. بالعكس اللي سوته ساره شي افتخر فيه .. صح ان قلبي يعورني على ولدي خالد .. بس ساره بعد ضحت بحبها لانها ماتبى خالد يتأذى .. وهذا صدق دليل الحب يا بنتي
نوره : هي والله صدق تحبه .. بس شو فايدة الحب الحين
الام تدور على خالد : نوره
نوره : خير يا امي
الام : وينه خالد ما اشوفه
نوره تتنهد : ااااااااااه .. يا امايه ..
الام قامت من مكانها ومسكت قلبها : وي باسم الله على ولدي شو فيه
نوره : لا لا يا مايه ما فيه شي .. بس خالد من بعد ماقالتله ساره انها بتنهي اللي بينهم وهو في غرفته ما طلع منها .
الام : ولله .. عيل خلا اروح اشوف شو فيه .. اخاف يستوي في خالد شي
نوره : باسم الله على اخويه .
الم راحت ونوره وهند وياها .. وراحو غرفة خالد .
الام تدق على باب غرفته : خالد خالد يا امي افتح الباب
خالد هو متساند على السرير وعيونها تدمع يذكر كل لحظه بحياته مع ساره تذكر يوم كانو صغار ..كان كله يدافع عنها يوم أي حد يضاربها ..كان معروف بحبه لها من الصغر.. ويوم كبر احلامه كبرت وحبه زاااد ...
خالد وهو يكلم عمره : كيف يا ساره بعيش بدونج ..وانا رسمت احلامي وحياتي ومستقبلي معاج ..تخيلتج تكونين الحبيبه والصديقه والزوجه ..وهو( يضرب على الوساده) وكل شي راح راح راح ..
الا بعدها تدق الباب : خالد خالد
خالد صد صوب الباب وحس ان احد يناديه وراح مسح دموعه لانه ما يحب يبين لحد انه منهار ..
خالد راح فتح الباب وحالته صدق كانت صعبه: خير يا امي
الام تشوف خالد وقلبها تقطع على خالد .. لاول مره تشوف حالته جذي شكله متبهدل ..وعيونه فيها الف لوم وحزن .
الام ما قدرت تقول شي غير : خالد .. الدنيا بعدها مستمره يا ولدي
خالد : يا امي .. الدنيا مستمره معاكم ..بس بالنسبه لي الدنيا مب مستمره من بعد ساره
نوره ما قدرت تستحمل اكثر وبالذات يوم شافت اخوها على هالحال وعلى طول ادمعت .وحاولت انها تخفي دموعها.
الام : خالد قوم يا ولدي اطلع من الغرفه وروح تعشى وبعدين ارتاح ونام
خالد وبنرة حزن : يا امي الله يخليج .. ما ابي شي خليني بحالي
الام : ما اقدر يا ولدي اخليك بهالحال .
خالد : امي عشان خاطري .. ما ابي اكلم حد ..خلووووووني بروحي .
نوره مسكت امها : امي خليه بروحه .. لين ما يهدى شوي
الام تشوف خالد : خلاص يا ولدي راح اخليك على هواك .. بس كل دقيقه بيي بطمن عليك
خالد : الله كريم ..وعن اذنج يا امي .
وراح صكر الباب ..ورد غرفته وهو متضايق ..

الام دمعت عيونها ...نوره راحت عند امها ومسحت دموع امها .
نوره : لا يا امايه .. لاتضعفين جدام خالد ..
الام : ما اقدر يا بنتي اشوف حالة اخوج واسكت ..شكله يقطع القلب
نوره : ادري ادري ..بس ايام ان شاء الله وبتمر على خير
الام : على خير ان شاء الله ..
الام : يا يالله يا بنتي انا بروح غرفتي ارتاح .
نوره : اوكي يا امي .
نوره تصد لهند : شو فيج سرحانه .
هند بتردد: ها ...ممم..ما فيني شي بس بروح غرفتي يالله باي .

هند كانت تفكر كيف سالم بيي هالاسبوع وبيخطبها .. والبيت متقلب ..
وفكرت انها تكلم سالم وتقوله خلا يتاخر شوي وما يخطبها هالاسبوع لين الاوضاع تستمر بخير..

أما فهد كان بغرفته والساعه تقريبا 11 ونص مساء ودخلت عليه الريم من بعد ما وصلت ساره البيت وكانت الريم متضايجه بحالة ساره وخالد .
الريم تشوف فهد بحزن : اشحالك فهد
فهد كان قاعد يشوف التلفزيون وأول ما شاف الريم ركض عندها : هلا الريم زين ييتي .
الريم مستغربه : ليش ؟ في شي
فهد : الصراحه كنت بقولج .. اشحال ساره ..ما شي اخبار عنها
الريم : قصدك اخبار عنك
فهد ابتسم : فاهمتني يالريم
الريم : كيف ما افهم اخويه
فهد : في شي يديد
الريم تتنهد : اااااااااااااااااااه .. قول في اشياء
فهد : اشياء تفرح .
الريم : والله هالاشياء تزعل العالم كله بس تفرح ...
فهد : تفرح منو
الريم : تفرحك يا فهد
فهد مستانس : والله ليش شو صار
الريم: ساره قررت انها تزوجك وانفصلت نهايئا عن خالد
أول ماسمع فهد هالسالفه تم يناقز وصارخ وكان صدق طاير من الفرح وراح حضن الريم من الفرحه ..
الريم : فهد فهد شوي شوي بطيحني
فهد : واخيرا واخيرا يا الريم تحققت احلامي ..ساره فديتها ساره بتكون لي.
الريم كانت مستانسه لان اول مره من يوم فهد رد من السفر وهي تشوفه مستانس .
الريم : يعلني يا اخوي مانحرم منك (وادمعت )
فهد يشوف الريم بتعجب: افا يالريم هذا وقت الصياح .
الريم وهي تمسح دموعها : لا يا اخوي هاي دمعه الفر ح .. اول مره اشوفك ابتسامتك .
فهد يبتسم ويحب الريم على راسها : تسلمين يالغاليه .. يا اختي الحبيبه .
فهد ماسك عقاله وغترته .. ويبى يطلع .
الريم : وين وين بتروح هالوقت.
فهد مستعيل : بروح عند مروان ربيعي بقوله احلى حدث صار بحياتي .
الريم تشوف ساعتها : بهالوقت ؟
فهد : الحين تقولين الساعه 4 الفير .. أي وقت المهم ابي اطير بالشارع ابي ابين للعالم اني مستاااااااااااااااااااانس .
الريم : زين شوي شوي عالطريج مب تسرع يا اخوي
فهد : ان شاء الله يا احلى اخت يالله مع السلامه.
الريم : بحفظ الله يا اخوي .

الريم كانت صدق متضاجه على خالد وعلى ساره .. بس يوم شافت ابتسامت اخوها وفرحته ..نست كل شي ..

راح فهد واتصل في مروا ن ..
فهد وهو طاير من الفرحه : مروان اشحالك
مروان : باسم الله .. شو فيك ما شي سلام عليكم ولا شي
فهد : مب متفيج لشي الحين .
مروان : الله يستر
فهد : مروان وينك انت
مروان : توني موصل الاهل البيت .
فهد : خلاص تعال الحين عند البحر
مروان : شوووووووووو .. بهالوقت
فهد : شو فيك بعده الساعه ماصارت 12 ونص يالله
مروان خلاص ياينك الحين .
فهد : اترياك .

راح مروان عند فهد عشان يشوف سالفته .
فهد وهو واقف عند البحر .. ومغمض عيونه ومبتسم .
ومروان وصل وشاف فهد وهو بعالم ثاني .
مروان مسك ظهره : فهد شو وين وصلت
فهد صد لمروان : باسم الله خوفتني
مروان : جي شايفني فلم رعب .
فهد: ههههههههههههه يمكن
مروان استغرب من فرحة فهد : فهد .
فهد وهو مبتسم : خير
مروان : شو اللي خلاك ترد فهد القبلاني ..فهد البشوش المحب والاجتماعي
فهد : مروان ساره ساره .
مروان : شو فيها
فهد : وافقت انها تزوجني وانفصلت عن خطيبها
مروان فاتح عيونه .: والله .. زين زين الحمد لله
فهد فاتح ايدينه : والله كاني ولدت من يديد
مروان : والله يا فهد مب بعد مارديت من السفر ونحن ما شفنى ابتسامتك ولا ضحتك ...والحين ساره خلت كل شي يرد مثل قبل .
فهد : انت ماتعرف غلاتها عندي
مروان نزل راسه : بس يا فهد
فهد : بس شو
مروان : كيف راح تعيش مع انسانه تفكيرها كله في خطيبها .. لاتنسى انهم كانو يحبون بعض من الصغر .
فهد تضايج : ما يهمني شي .. كل اللي يهمني انياحبها وانها صارت ملكي ..ثانيا مب هي الانسانه الوحيده اللي انفصلت عن خطيبها
مروان : بس اللي انفصلو اغلبيتهم صارت لهم ظروف وانفصلو وهم اثنينتهم مقتنعين بالانفصال ..بس ساره انفصلت رغما عنها .
فهد : شوف يا مروان .. اعرف اللي سويته غلط .. بس حاولت اني اعيش بدونها والله والله ما قدرت .. احس ان الحياه ظلمه بدونها .
مروان : ما اقول غير .. عسى الله يهنيك يا فهد .
فهد : تسلم يالغالي ..

وفي اليوم الثاني ..
ساره ماطلعت من غرفتها .. لان يومها قضته كله بالصياح والذكريات الحلوه اللي كانت تتخيلها انها راح تستمر ..

وخالد حالته اصعب ..لانه ما قدر ينام البارحه من كثر ما هو كان متضايج وزعلان .. وحس ان حياته انتهت من بعد حبيبته ساره ..

والصبح الكل قاعد يفطر الا خالد ..
هند : امايه ان شاء الله اليوم ابويه بيي من السفر صح ؟
الام وهي تشرب الحليب : ان شاء الله يا بنتي
نوره : والله اني مشتاقلته مووووت .
هند : وانا بعد .. احس كاني سنه ما شفته .
الام ساكته ومتضايجه.
نوره تصد لامها : امايه شو فيج .
الام بحزن : خالد ما يطيع ياكل شي ولا يفتح الباب .. والله اني خايفه عليه .
نوره : لا تنسين يا امي ان خالد ماكان يفكر الا بساره .. يعني لازم ما يتقبل الامر .
هند : يعني ابي افهم هاي ساره شو سوت فيهم عشان يتخبلون عليها جذي.
نوره : عندها جمال يخلي المينون يصحى .. وعندها اخلاق وطيبى تملى الدنيا وما فيها .. و(تشوف هند بطرف عينها ) وما عندها غيره ولا حقد مثل بعض الناس ...
هند : شو قصدج .
نوره : لا يا اختي ما قصدي شي ..
هند قامت من على الكرسي: عن اذنكم .
الام : وين ما كملتي ريوقج .
هند : لا بس شبعت الحمد لله .بروح غرفتي
نوره : اكيد عندج شي .. والله اني اول وحده اتين تاكلين .. وآخر وحده تخلصين .
هند : وي وي اعوذ بالله منج .. في كل شي تحسديني .
نوره : على شو يا حظي ..
الام : الحين انتو متفيجين تضاربون
هند : خلاص انا بروح فوق بغرفتي ..عشان ما اتضارب ويا حد ..

راحت هند غرفتها وعلى طول مسكت الموبايل واتصلت في سالم وطبعا كلمته بسرعه لانها تخاف نوره تشوفها ..
هند تتصل في سالم: السلام عليكم
سالم توه قايم من النوم : وعليكم السلام .
هند : اوووه اسمحلي .. قومتك من النوم
سالم : لا افا عليج عادي ..
هند : بغييت اقولك شي يا سالم .
سالم : يعني ما شي شخبارك .
هند تبتسم : اسمحلي ..بس لاني مستعيله اخاف نوره اتي وتشوفني .
سالم : لا عادي تفضلي ..
هند : انت يا سالم قلت انك بتي هالاسبوع يوم ابويه بيي من السفر صح .
سالم / : ان شاء الله
هند : بس ابي اقولك لا اتي هالاسبوع .. لان عندنا شوي مشاكل في البيت .. يعني من الاسبوع اللي بعده .
سالم : ممممممممممممم .. خلاص ..ولا يهمج اسبوع الياي ان شاء الله بكون عندكم يا احلى وحده شفتها بحياتي .
هند بخجل : تسلم يالغالي ..
سالم : الله يسلمج حبيبتي
هند : اوكي الحين عن اذنك ..بروح قبل ما نوره اتي اوكي .
سالم : هاي نوره خاطري اشوفها ..اخاف هي رئيسة العصابه وانا ما ادري .
هند تضحك: هههههههههههههههه .. واكثر بعد..
سالم : اوكي خلاص عيل ..اخليج الحين .
هند : يالله باااااي يالغالي
سالم : مع الف سلامه ..

الريم كانت تفطر تحت في غرفة الطعام ودخل فهد وهو مستانس ..
فهد : صباح الخير يا احلى اخت.(وراح باسها فوق راسها)
الريم : شو تشوفني يدتك ..تحبني فوق راسي
فهد قعد على الكرسي عند الريم : هذا وقار واحترام يالخبله .
الريم : توك ما أحلاك .. والحين تسبني .
فهد ( يضحك ): ههههههههههههههه
الريم : عساني ما انحرم من هالضحكه .
فهد : تسلمين يالغاليه
الريم : الله يسلمك يا اخويه
فهد : اقول يالريم .. شو رايج بعد كم اسبوع انروح نخطب ساره
الريم كانت تشرب اللبن وأول ما سمعت كلام اخوها غصت وكحت ..
فهد يضرب على ظرها : باسم الله عليج شو فيج ياالريم . شو اول مره تشربين لبن.
الريم : ما ادري عنك .
فهد : ليش انا شو قلت .
الريم : توها البنت منصدمه من سالفتك .. وزعلانه لانها خسرت خالد.
فهد : والله خلاص كل شي انتهى .
الريم : لا يا فهد .. انتريه شوي كم يوم بعدين بنفاتحها بهالموضوع .
فهد : ما بنتظر اكثر عن اسبوعين .. ابي اضمن انها لي انا وبس .... الريم ان شاء الله بتكون لك

الجزء (18)"
وفي بيت خالد

الساعه تقريبا 12 ونص الظهر رجع أبو خالد من السفر لانه رجل اعمال يعني حياته كلها سفر .. والاهل كلهم قاعدين يستقبلونه ..الا خالد في غرفته لانه نسى هاليوم .

ابو خالد : السلام عليكم يالغاليين
هند ونوره راحو على طول نقزو عليه وحضنوه ..
ام خالد اتي عنده وتبتسم .
ابو خالد : شوي شوي عليه .. بطيح .
هند وهي تحضن ابوها : فديتك ابويه والله اشتقتلك
نوره : والله انا بعد يا بويه اشتقلك موت
بو خالد يبتسم ويشوف ام خالد : ها ام خالد شو .. ما شي الحمد لله على السلامه.
ام خالد تبتسم : والله عيالك ما خلوني ارمس .
هند ونوره : ههههههههههههههه
ام خالد : الحمد لله على سلامتك يا ابو عيالي .
بو خالد : الله يسلمج .
بوخالد يدور في الصاله : ولا وينه خالد ..
نوره طالعت امها ونزلت راسها .
بو خالد : شو بلاكم ..وينه خالد
ام خالد : هو في غرفته يمكن نايم.
بو خالد فتح عيونه : نايم لهالوقت غريبه .
ام خالد : يمكن البارحه كان سهران وتعب .
هند : ابويه ها شو يبتلي من لندن .
نوره : عفان الله صبري .. توه ياي ..
هند : لا بس ابي اعرف فكر فيه هناك ويابلي شي.
بو خالد يبتسم : واذا انا ما افكر فيكم يا عيالي ..أفكر في منو .
هند تغمز لامها : يمكن حصلتلك وحده حلوه هناك نستك اهلك .
ام خالد تشوف هند بطرف عيونها .
بو خالد يضحك : ههههههههههههههههه .. حشى عليج يا هند تبين اليوم انام في الصاله .
نوره : افا ليش يا ابويه .
بو خالد : ما تشفوين امج كيف صار ويها ..أخاف تطردني من الغرفه .
ام خالد : لا فديتك انا واثقه فييك .. بس هاي هند لو شوي أقدر أقص لسانها .
هند : وي باسم الله عليه .
بو خالد : والله سوالفكم ما تنمل ..بس انا الصراحه تعبان وبروح غرفتي وان شاء الله بنجتمع ونسولف بعدين .
هند : لا تنسى الهدايا .
نوره تضرب هند : بس استحي على ويهج .. خلا يرتاح شويه.
بو خالد : ولا يهمج يا بنتي .. خلا ارتاح وبتشوفين شو يايبلكم ..
نوره : تسلم يا ابويه ...وانت روح ارتاح .
بو خالد : زين يوم خالد بيقوم من النوم .. خلا ايي غرفتي .. تراني مشتاقله.
ام خالد : ان شاء الله يا بوخالد.

راح ابو خالد غرفته يرتاح من السفر ..
نوره قعدت على الكرسي: اقول امايه ..
الام : خير يا بنتي
نوره : مب فضيحه خالد ما ياي يسلم على ابويه.
الام : يحليله خالد ما يدري ان ابوج بيي اليوم أو نسى .
هند : هاي ساره ماعرف شو سوت فيه.. خلته ينسى كل شي.
نوره : الحب ..
هند : بدت تتفلسف ..انتي ااذا تزوجتي .مب تنسينا.
هند : ليش قالولج انا هند ..
هند : شو قصدج .
نوره : مب قصدي شي .. الحين انا بروح غرفتي وبتصل في ساره .. بشوف اخبارها.
هند : روحي عند اخوج أول شي.
نوره قامت من مكانها : خالد لو أدق عليه الباب مليون مره ما بيفتحلي أعرفه .

راحت هند تتصل في ساره بس ما حصلتها لان ساره غالقه موبايلها .

والكل كان يالس في الصاله ولا فجأه سمعوا جرس الباب وراحت الخدامه تفتح الباب ودخلت عليهم ..

الخدامه : where is khalid: .
نوره تصد للخدامه: why?
الخدامه: His freiend Mohamed wants him
نوره تشوف هند: اقول هندوه .. الحين ربيعه يبى خالد شو نقوله
هند تلعب بأظافرها: روحي قولي لخالد بعد شو تسوين .
نوره : خالد حالته حاله وين له نفس يشوف حد.
هند رفعت راسها تشوف نوره : بس لا تنسين ان هذا محمد أغلى ربعه يعني الانسان الوحيد اللي يفهم خالد.
نوره : ماشاء الله من وين هالمعلومه.
هند : يعني ماتعرفين ان محمد من زمان ربيع خالد .. واخوج اربع وعشرين ساعه يمدح في هالريال ..
نوره : زين شو اسوي ؟
هند: روحي قولي لخالد يمكن محمد يقدر يغيرمن نفسيته .
نوره: اول مره تقولين شي منطقي.
هند رافعه حواجبها: ليش ان شاء الله كل مره شو اقول كلام ميانيين .
نوره : لا مب ميانين ..كلام ( تفكر )مممممممم كلام فاضي ماله أي لزوم.
هند : والله انا الغبيه اللي قاعده اسولف وياج.
نوره : ههههههههههههههههههه .. محلاج وانتي معصبه.
هند: نوروه يوزري عني ..ورحي قولي لخالد يستقبل ربيعه ..ترى يحليله نقع برع .
نوره: هي والله نسيته.
هند : طبعا تنسينه .. لان تفكيرج ماعرف وين.
نوره تدلع: طبعا في خطيبي ..فديت عمره .
هند : يالله .. هذا صار خطيبج وتفدينه .. لو تزوجتيه شو بتقوليله .ز
نوره : اممممممممممممممممممممم .. بكتب له ابيات غرام وشعر ..
هند : طبعا هاي اول سنه زواج .. بعد السنه الثانيه أنواع السب.
نوره : باسم الله عليه .. شو تشوفين دفشه مثلج.
هند : اقول نوره الريال نقع برع روحي فضحتينا .
نوره وقفت : هي والله بروح اشوف خالد.

راحت نوره تدق على باب خالد عشان تقوله ان ربيعه محمد يايله.
نوره : خالد افتح الباب شويه.
خالد بعصبيه : شو تبين ؟؟
نوره : ربيعك محمد يباك .
خالد : محمد؟
راح خالد فتح الباب ومستغرب.: محمد ياي بيتنا
نوره : هي يا اخويه شو اقوله.
خالد : طبعا خليه يدخل .
نوره : اوكي خلاص الحين بقول لميري ادخله.

راحت نروه قالت لخدامتهم عشان يدخلون محمد الميلس
خالد دخل الميلس وحالته حاله .. خالد دومه كاشخ وحلو ومرتب ..بس هالمره غير شكله متبهدل وحالته تكسر الخاطر وعيونه متورمه من قلة النوم .
شافه محمد واستغرب وفتح عيونه ووقف مكانه: خالد
خالد وصوته كلها حسره وحزن: هلا فيك يا محمد..تفضل استريح ليش واقف.
محمد فاتح عيونه وراح عند خالد : أي استريح الله يهديك ..شو بلاك ليش جذي حالتك شو صار لك ..
خالد منزل راسه : ما فيني شي .
محمد : أي ما فيك شي الله يهديك .. شكلك مبين ان صار لك كارثه .
خالد اقعد واستريح ..
يلس محمد عند خالد وهو زعلان على حالة خالد ..
محمد : قولي بلاك وليش غالق موبايلك .. انا من البارحه اتصل فيك وانت غالق موبايلك ..
خالد ماسك ايدينه ومنزل راسه ..
محمد : خوفتي يا خالد قولي شو فيك .
خالد رفع راسه وشاف محمد : ساره يا محمد ساره .
محمد : بلاها ساره .. شو صار فيها ..
خالد: ساره تخلت عني والسبه هالنذل فهد .. الله لا يبارك فيه .
محمد : أفا ليش شو صار قولي تراك قطعت قلبي ..

وطبعا خالد قاله كل السالفه وقاله ليش ساره تخلت عنه..
خالد : شفت يا محمد شو صار فيه .. احلامي كلها راحت وتبخرت خسرت الانسانه الوحيده اللي كنت احلم انها تكون لي ..
محمد منصدم من اللي صار : ماعرف شو اقولك يا خالد .. بس الزواج قسمه ونصيب..
خالد بعصبيه : أقولك نحن كنا لبعضنا من صغرنا وآخر شي ما تكون
ساره لي .. تكون لانسان ثاني مستحيل مستحيل (ونزل راسه ودمعت عيونه).
محمد يمسك يد خالد : لا يا خالد مب انت اللي تدمع ..انت يا خالد ريال والريال لازم يكون ما يدمع ولا ينهزم بهالسهوله.
خالد والدمعه بعيونه: يمكن لانك يا محمد ماعرفت الحب .. وماتعرف ان اصعب على الشخص ان يخسر الانسانه اللي حبها من الطفوله والي كان يحلم انها تكون له .. والاصعب ان الحب متبادل ..وكيف تتصور ان ساره اللي بنيت احلامي معاها .. ما تكون لي .. ماتكون زوجتي وشريكة حياتي ..
محمد : خلاص يا خالد لازم تتعود على اللي بيصير وتتحمل .. وخلاص انت مب لساره وانتهت السالفه حاول انك تسناها.
خالد صد لمحمد وبجديه وعصبيه : شو نتقول انت .. انت يا محمد ماتعرف كيف احب ساره والله اني اموووت فيها .. ساره هي الهوى اللي أتنفسه ..ساره هي الروح اللي سكنت بداخلي ..ساره مب بس الحبيه لا .. ساره هي كل شي بالنسبالي ..انت يوم تقول اني انساها كأنك اخترت موتي .. لان ساره هي الامل الوحيد بحياتي .
محمد : لهالدرجه تحبها .
خالد حاط ايدينه على ويهه: وأكثر يا محمد واكثر..بس الحب راح راح ..والحبيبه راحت راحت يا محمد ..
محمد : يا خالد .. بس خلاص والله قطعت قلبي.
خالد : هي اللي قررت هالشي ..وهاللي حاولت تنساني ..باعت الحب اللي بينا ..
محمد : ساره ما باعت شي ..ساره لانها تحبك قررت هالقرار افهمها يا خالد .
خالد : بس خلاص ما ابي اسمع اسمها .. هي اصلا ما تستاهل افكر فيها ..مثل ما باعت الذكريات الحلوه ..وباعت حبنا ..أنا بعد بحاول انسى كل شي ..كل شي..
محمد يعرف ان خالد مستحيل ينسى ساره .. لان خالد يوم يحب الشخص مستحيل ينساه ..ويعرف ان هالكلام صدر منه لانه معصب ومنفعل .

وظهر محمد من عند خالد ..وقلبه متقطع على ربيعه ..كان محمد بيشكيله الحال وبيقوله عن حبه للريم وكيف هو ما ينام الليل من كثر ما يفكر فيها ..وشو السبب اللي ماتسمح له ان يتقدم للريم ويخطبها ..بس طبعا كيف يقوله وكيف يشكيله الحال..وخالد حالته اصعب من حالة محمد بألف مره .. لان الحب متبادل .. أما محمد فحبه غامض ومن طرف واحد.. لان الريم ماتعرف بحب محمد لها .

خالد كان متضايق بعده ..بس من القهر قرر انه يطنش ساره ويقهرها ..لانه متوقع ان ساره تخلت عن خالد بهالسهوله وانها باعت الحب عشان فهد.. وهو مايعرف ان ساره متعذبه أكثر منه..لانها قررت انها تعيش مع انسان دمر حبها الوحيد .,,وأصعب على الشخص ان يعيش مع انسان يكون سبب في تعاسته ..

ساره كانت ما تطلع من الغرفه ولا فطرت ولا تغدت حالتها كانت صعبه ..
امها دخلت عليها في الغرفه وشافتها طايحه على السرير والدموع بعيونها : ساره يمه.
ساره ماتصد لاي حد لانها كانت ميته من الصياح.
الام راحت عند ساره : ساره لين متى بتمين بهالحال ..خلاص انتي اللي قررتي هالشي .. ولازم تكونين قويه ..
ساره وصوتها متقطع من الصياح والقهر والحزن: انا قررت هالشي غصبن عني يا امي .
الام : ادري يا بعد عيني ..بس خلاص كل شي انتهى بينج وبين خالد ولازم تنسينه.
ساره بعصبيه: مستحيل يا امايه انساه .. حتى لو تزوجت فهد بس قلبي يا امي وحبي راح يكون لخالد للابد.
الام : ما يستوي جذي يا مي .. تزوجين شخص وتفكيرج مب له وقلبج لانسان ثاني ..ما يستوي جذي.
ساره : والله خلا يحلم اني احبه بيوم من الايام ..وانا اللي بخلي حياته جيحم مثل ما دمرني .
الام : ساره حبيبتي ..انتي تعرفين ظروف فهد يعني لازم تقدرين اللي سواه.
ساره بصياح : ما ابي اقدر أي حد ..ما ابيه ولا احب فهد ..
الام : زين خلاص لا تحبينه ..بس انتي قررتي انج تنفصلين عن خالد يعني خلاص خليج عاديه والله يا بنتي بيسهل عليج ويسعدج.
ساره ماردت على امها لانها كانت تصيح وزعلانه ومنقهره..

ابو خالد نزل عشان يصلي صلاة العصر وشاف هند في الصاله .
ابو خالد : هند حبيبتي وينه اخوج خالد ؟
هند : بعده في غرفته يبى .
ابو خالد : الله يهديه يارب ..بروح اشوفه لاني مشتاقله موت.
ابو خالد راح دق الباب على خالد:
خالد طلع من غرفته وشاف ابوه وفتح عيونه لانه ماعرف ان ابوه ياي من السفر واستانس وعلى طول حضن ابوه.
خالد : فديتك ابويه ..متى رديت من السفر .
ابو خالد : والله من الظهر بس انت ولا في الدنيا .
خالد متضايق: اسمحلي ابويه والله ما دريت .
ابو خالد : مسمحوح يا ولدي .
خالد : والله اشتقلك وااايد يا ابويه ..
ابو خالد: وانا اكثر يا خالد .. انت شو اخبارك .
خالد بحزن: الحمد لله .
خالد : زين يا خالد قوم توضأ وروح ويايه المسيد ترى أذن..يالله تعال وياي ..
خالد : ان شاء الله يا ابويه ..الحين بتلبس وبطلع وياك..

راح خالد غير ملابسه عشان يروح الصلاه.
هند راحت عند ابوها: والله زين سويت فيه وطلعته من غرفته ..لاني اعرف خالد ما يرد لك طلب يا ابوي..
ابو خالد : عسى الله يهنيه ويسعده يارب ..
هند : اممييييين جميعا..

وراح خالد ويا ابوه المسيد عشان يصلون صلاة العصر.


فهد كان طالع ويا الريم رايحين يتمشون بالسياره.
فهد : اقول يالريم ؟
الريم تصد لفهد: اعرف شو بتقول (هي تقلده) شو اخبار ساره .من زمان ما عرف عنها .
فهد يضحك: ههههههههههههههههه ..حسبي الله على ابليسج وبعد تقلديني ..
الريم تبتسم : اعرف سؤالك ..انت ما تسولف الا عنها .
فهد : شو اسوي يا الريم: ساره خذت قلبي وسحرتني ..
الريم : هي والله ساره الصراحه تنحب ماشاء الله عليها فنانه وحليوه وطيبه ..
فهد : بس لا تمدحينه روحي متعذب ومشتاقلها .
الريم: هههههههههههههههه .. انت حبيتها وهي عمرها ما ابتسمت في ويهك ولا راوتك طيبتها ..عيل لو شفت حلاها وطيبتها وسمعت سوالفها شو بتسوي..
فهد (يتنهد)اااااااااااااااه انا وجذي ومتخبل عليها وذايب في حبها ..
فهد : زين يالريم اتصلي في ساره شوفي متى ايي اخطبها .
الريم : فهد ..قتلك ساره بعدها متضايجه من السالفه .اصبر عليها ..
فهد : ما اقدر ما اقدر ابي اعرف شو ردها ..الله يخليج روحي بيتهم اليوم وحددي وياها يوم الخطبه وبعدين طبعا راح نحدد يوم الملجه والعرس.
الريم : الله يعيني والله اخاف تذبحني ساره.
فهد مستحيل ساره تموت فيج ..يالله روحي عشان خاطري
الريم: والله يا اخويه ما اقدرارفضلك طلب .. وان شاء الله بروح اليوم عندها والله يعيني .
فهد : فديت اختي اللي ماترفضلي طلب.

وفي المساء راحت الريم عند ساره..
ساره كانت بغرفتها متسانده على السرير وسرحانه وكانت صدق متضايقه وزعلانه..
الريم دخلت غرفة ساره : ساروووونه وينج.
ساره صدت وشافت الريم واقفه عند الباب : الريم .تفضلي تعالي .
الريم راحت سلمت على ساره وشافت ويهه ساره مصفر ومتغير مبين عليها التعب وقلبها تقطع على ربيعتها : ساره شحالج.
ساره بحزن: وكيف تبين يكون حالي وانا خسرت حبي الوحيد.
الريم : بس يا ساره خلاص انسي السالفه لين متى بتعذبين عمرج.
ساره : المهم انتي شو اخبارج .
الريم: تمام الحمد لله ..اقول ساره شو رايج نطلع اليوم نتعشى برع .
ساره : مالي نفس يالريم خليني جذي احسن.
الريم: ساره لازم تغيرين الجو .
ساره : ما ابي اطلع والله يالريم انا جذي مرتاحه.
الرريم : خلاص ما بغصبج على شي ما تبينه.
وهني موبايل الريم رن وكان المتصل اخوها فهد..
الريم ردت على فهد: خير شو تبى .
فهد : شو قلتيلها .
الريم ترمس بصوت واطي: لا بعدني .
فهد : يالله قوليلها ..انا قايلج تروحين عندها عشان تقوليلها عن سالفتي .
الريم: اصبر شويه علي ..
فهد : شوفي يالريم اليوم تقوليلها .
الريم : زين زين ..
فهد : يالله باي .
الريم: باي ..

ساره شافت الريم ترمس بصوت واطي ..
ساره : في شي يا الريم .
الريم متوتره: ها.......ما في شي.
ساره :عيل شو فيج ترمسين بصوت واطي أخاف عندج اسرار.
الريم تبستم: ليش وانا عندي حد غيرج اقوله عن اللي بداخلي .
ساره : حبيبتي والله يالريم .
الريم: ساره ببقولج شي ..بس( بارتباك) بس لا تزعلين مني .
ساره : مستحيل ازعل منج يالريم ..
الريم تبلع ريجها: فهد .
ساره تضايقت يوم سمعت اسمه وبعصبيه : شو فيه فهد.
الريم : فهد يقول متى ايي ويخطبج رسمي يا ساره .
ساره بضيق: انا ما يهمني متى ايي ..حتى لو يتزوجني باجر عادي عندي ..
الريم فتحت عيونها.
ساره : أنا ما يهمني يالريم متى اتزوج فهد او متى الخطوبه..لاني انسانه بلا روح ..ما يهمني شي .. لان هالزواج كانه مب زواجي ..يعني يوم خطبتي ويوم زواجي من اخوج ما يهمني.. لانه هذا يعتبر زواجه بالنسبه له مب لي .
الريم : وليش مب مهتمه يزواجج يعني ولا بخطبتج.
ساره : لاني ما بتزوج الانسان اللي احبه ..عشان تقولين باختار يوم للخطبه وبعدين الملجه عشان أتعود على اللي بتزوجه ..ما يهمني خلا يخطبني هالاسبوع اذا يباه أو بعد سنه كيفه..وقوليله ان ما ابي حفله ولا شي وحتى الملجه بس كتب كتاب يعني الملجه عاديه أو تكون الملجه والعرس بنفس اليوم احسن عشان افتك .
الريم مستغربه: بس احلى ايام الملجه يا ساره انج تقعدين ويا ريلج وتزهبين وتستعدين لعرسج وتتكشخين ..
ساره : اذا كنت ماخذه الانسان اللي احبه اكيد بخلي ملجتي فتره لان الملجه من احلى الايام وعشان استعد للزواج من اغراض ..بس انا ماخذه انسان ما ابيه ولا شي ولا ابي اعيش وياه هالفتره..
الريم تضايقت من كلام ساره : وكيف بتعيشين ويا انسان ما عاشرتيه ولا قعدتي وياه لان الملجه تساعد ياساره على الاختلاط ويعودكم على بعض ..
ساره : وانا عشان جذي ما ابي الملجه ..لاني ما ابي اختلط وياه .
الريم : بس هذا راح يكون زوجج.
ساره : هو بيعترني زوجه ..بس انا ما بعتبره زوجي ..بعتبره انسان عادي .. لان قلبي وتفكيري لخالد وبس .
الريم : بس خالد خلاص راح من حياتج يا ساره .اذا تزوجتي فهد لازم تكونين زوجه مخلصه وقلبج له.
ساره : شوفي يالريم بكون وياج صريحه ..حتى لو تزوجت فهد ..مابعامله اوكي ما اقدر ..كل ما بشوفه بذكر اللي سواه فيه ..مستحيل احبه..ومستحيل اعامله كزوج.
الرريم: عيل كيف بتعيشين وياه
ساره: بعيش وياه كاني غريبه سؤال وجواب وبس ..من غير حب وخرابيط
الريم : بس هالشي ما يصير
ساره بحزن والدموع بعيونها: كيف تبيني اعامل الانسان اللي فرق بيني وبين اللي اموت فيه .. كيف تبين احترم الانسان اللي هددني ودمر سعادتي واحلامي ..مب بس دمرني أنا ..دمر خالد ..وخلا خالد يكرهني .

الريم ماعرفت شو تقول وشو ترد على ساره ..لان تعرف ان ساره كانت تموت في خالد وتحبه من الصغر وكان خالد كل شي بالنسبالها..

راحت الريم من ساره وهي متضايقه على ساره وخالد وبنفس الوقت
خايفه على حياة اخوها ..لانها متأكده ان زواج فهد وساره ماراح يعدي على خير .. لان الحب من طرف واحد ..ولان قلب ساره مب لفهد..


كيف راح تكون حياة فهد وساره ؟؟
هل راح ينفصلون ؟؟أو راح يكون شي ثاني ؟؟
وخالد كيف بعيش حياته بدون ساره؟
ومحمد شو اللي يمنعه من الارتباط بالريم؟؟

الجزء (19)
وبعد ما طلعت الريم من عند ساره وهي خايفه على حياة اخوها فهد وعلى حياة صديقتها ساره لانها تحس ان حياتهم ماراح تستقر بالذات لان حب فهد من طرف واحد..

وراحت الريم البيت وأول ما فتحت باب الصاله شافت فهد قاعد ينتظرها واول ماشافها فهد على طول راح عند الريم ووقف عندها...

فهد وهو واقف عند الريم ومتوتر: هالريم بشري .. شو ردت عليج ساره..
الريم تشوف اخوها وبحزن: ساره تقول أي يوم انت تختاره ..
فهد (وابتسامته العريضه على شفاته) : والله يعني وافقت ..
الريم : هي بس قالت ما تبى حفله ..
فهد : افا عليها فالها طيب .. أي شي هي تبى انا حاضر لها ..
الريم : وقالت الملجه اذا تبى نفس يوم العرس يكون افضل ..
فهد تغيرت ملامحه: افا غريبه ..أحلى الايام أيام الملجه .كيف ما تباها ..
الريم : فهد لا تستعبط يا اخويه.. تعرف ان ساره مغصوبه على الزواج .. يعني باختصار هي مب مهتمه في زواجها..
فهد تضايق: بس لازم تنسى خالد ..خلاص انا بكون زوجها ..
الريم راحت ويلست على الغنفه: يمكن تكون زوجها صح .. بس القلب يا اخويه بعده مب ملكك ..
فهد عصب: الريم شو فيج اليوم يايه تضايقيني ولا شو سالفتج .
الريم : يا اخويه انا خايفه عليك وعلى حياتك..
فهد : أنا اعرف كل شي .. وانا مقتنع بهالشي ..ومرتاح الاهم تكون ساره لي ..
الريم : وقلبها يا اخويه مب لك .. واهم شي بالزواج هو القلب والحب ..
فهد : ان شاء الله بخليها تحبني وتنسى خالد..
الريم : والله اني اتمنى هالشي ..
فهد : المهم عيل ان شاء الله عقب باجر يعني بعد يومين بنروح نخطبها..وباخذ مممممممممممممم ريل عمتي ..
الريم فاتحه عيونها : بس ريل عمتي مب في الامارات ..
فهد : ادري انه مب موجود بالامارات وانه مسافر برع ..بس بخلي ايي ويخطبلي ساره .. بس كم يوم وهو اكيد يوم بيعرف اني بخطب وراح يستانس ..
الريم : على خير ان شاء الله ..




وفي بيتكم خالة ساره .

نوره قاعده عالسرير وتفكر بفارس احلامها او بخطيبها .. ونتفكر بمستقبلها..
هند ماسكه جدول امتحاناتها للثانويه العامه..
هند منقهره : افففففف متى افتك من هالامتحانات ..
نوره صدت لهند : مب أهم شي تفتكين ..أهم شي تبيضين ويوهنا واتيبين نسبه حلوه.
هند : لا حبيبتي انا مب مثلج اهتم بالنسبه وخرابيطها ..اهم شي عندي النجاح..
نوره : بعد البنت الكسلانه ما تفكر الا بالنجاح..
هند : والله كسلانه ولا شاطره أهم شي عندي انجح..
نوره متضايقه ..
هند تشوف نوره : نوروووه ..شفيج متضايقه؟
نوره : ما باقي على ملجتي الا شهر بالضبط وانا للحينه ما جهزت شي
هند : انتي باقيلج شهر على ملجتج وانا شهر ونص على بلوتي يعني امتحاناتي
نوره : ماعرف اسوي حفله ولا بس كتب كتاب يعني بيناتنا ..
هند : والله على راحتج ..
نوره : احسن شي اسوي حفله صغيره بيناتنا يعني اهلي واهل المعرس وتكون الحفله في بيتنا شو رايج..
هند : هي احسن .. لان في حفلة خطوبتج العالم كله ياي .. خليه جذي حفله بسيطه احسن .. بس الحفله بتكون بيتنا ولا بيت اهل المعرس..
نوره : والله اكثر شي يسوون الحفله في بيت اهل العروس..
هند : عيل لازم تختارين باسرع وقت المصصم ..لانه ما شي وقت .
نوره : عشان جذي انا احاتي ..
هند : زين ما دام تقولين ان حفله بسيطه ليش ماتاخذين فستان جاهز وتفتكين مب احسن .
نوره : امممممممممممممممممممم .. والله فكره يبالي جي اسوي .. لاني لين الحين مب مختاره القماش ولا المصمم ..يبالي اختارلي فستان حلو وغريب وبسيط بنفس الوقت ..
هند تدلع: شفتي افكاري الذهبيه
نوره : يالله عليج الحين شو قلتي ..
هند : بعد ربج تراني ذكيه..
نوره : اقول استخدمي هالذكاء في امتحاناتج ..
هند : لا استخدم الذكاء بالاوقات اللي احبها ..
نوره : خلا اروح الحين عند امايه عشان اقولها خلا تجهز على ملجتي لانه ما بقالنا شي ما باقي الا شهر ان شاء الله ..

راحت نوره تتفق ويا امها عشان الملجه والحفله والبوفيه وكل شي ..



اما الريم اتصلت لساره وقالت لها انهم بيون بعد باجر ..

وساره راحت قالت لامها ..
ام ساره كانت في المطبخ..
ساره راحت عند امها وبحزن: امايه ..
الام : عيوني.
ساره: ان شاء الله بعد باجر بيي فهد عشان يخطبني ..
الام تفاجات : شوووووو
ساره : هي يا امي بيي يخطبني لانج تعرفين ان فهد مسوي هالمصايف عشان يتزوجني .. وهو بيي ويا ريل عمته والريم عشان يخطبوني ..
الام : وانتي موافقه يا بنتي ..
ساره والحزن بصوتها : غصبن عني يا امايه اوافق ما عندي خيار ثاني..
الام : زين وانتي تبين حفله لخطوبتج ولا ..
ساره : ما ابي حفله ولا شي ..
الام : ما يصير يا بنتي ..ماشاء الله على نوره شفتي مسويه حفله حلوه..
ساره والدمعه بعيونها: لان نوره ماخذه الشخص عن اقتناع مب غصبن عنها ..وانا قلت للريم ما ابي حفله ولا شي .. ما ابي شي..

راحت ساره من عند امها وهي متضايقه واااايد ..لان حياتها ادمرت بسبب فهد..

وراحت ام ساره اتصلت في اختها ( ام خالد ) عشان تقولها ان خطوبة بنتها بعد باجر وان ساره ما تبى حفله ..بس ام ساره طلبت من اختها وبناتها انهم ايون هاليوم عشان ما تحس ساره انها وحيده ....
ام خالد صكرت التلفون من عند ام ساره وكانت متضايقه وايد على خطوبة ساره .. لانها تحاتي صدمه خالد .. لان خالد للحينه مب مستوعب فقدان ساره..

نوره شافت امها متضايقه وراحت عندها..
نوره تشوف امها: خير يا امايه ليش متضايقه..
الام : بعد باجر يا بنتي خطوبة ساره ..
نوره: انصدمت : والله بهالسررعه.
الام : تعرفين فهد .. يباه ساره باسرع وقت .
نوره تتنهد: اااااااااااه .. الله يعينج يا ساره ..
الام تصد لنوره: قولي الله يعين اخوج ..
نوره : والله اخويه يعرف ان ساره راحت عنه ولازم يقتنع بهالشي..
الام : والله اني اخاف اخبره .
نوره : شوفي يا امايه محد يخبره اذا هو سالنا بنقوله واذا ما سال ما بنخبره..
الام :زين هو وينه الحينه.
نوره : شفته من شويه طالع ويوم سألته وين بيروح قالي بيروح عند ربيعه محمد..
الام : الله يوفقك يا خالد ويسعدك ..
وهني ادمعت ام خالد لانها متضايقه على ولدها لانها تعرف حب خالد لساره من طفولته..
راحت نوره تحصن امها وتواسيها: لا يا امي لا تصيحين فديتج دموعج غاليه ..
الام تمسح دموعها : احاتي على خالد ..والله أخاف يستخف ويتينن..
نوره : لا يا امي ..ما بيصير له الا الخير ..واهم شي انج تدعيله ترى دعاء الام مستجاب..
الام : والله اني ادعيله بكل سجود..

اما خالد فما يعرف عن خطوبة ساره وراح عند محمد .. لان خالد يحاول ينسى ساره بأي طريقه عشان جذي هو دايما يطلع بس مهما طلع وغير الجو والمكان ..حب ساره بعده في قلبه..

خالد ومحمد رايحيين المطعم عشان يتعشون..
محمد : شو رايك يا خالد نطلب اليوم وجبه بحريه ..
خالد : يا حبك يا محمد للأكلات البحريه..
محمد : والله ما شي احلى من الربيان وأم الربيان ..ممممممممم لذيذ..
خالد : خلاص على ذوقك اليوم بنطلب أكلات بحريه..
محمد يشوف ملامح خالد الحزينه.: خالد
خالد رفع راسه : هلا يا محمد..
محمد : بعدك زعلان ..
خالد : طبعا زعلان ..ليش اللي صار فيه شويه.. بس المهم غير السالفه ولا تكلمني عن ساره عشان ما أتضايق اوكي ..
محمد : خلاص على راحتك يالغالي ..
خالد : هي صح تذكرت ..مره قلت لي انك بتقولي سالفه عنك ..
محمد: أي سالفه..
خالد : انك تحب الريم بس ما تقدر تزوجها لان شي يمنعك من هالشي وللحينه ما خبرتني ..
محمد : والله زين اتذكرت سالفتي ..
خالد : السمحوحه يا محمد بس تعرف الظروف الصعبه اللي مرت عليه ..
محمد : لا يالغالي ..مسموح افا عليك ..
خالد : زين شو سالفتك وشو اللي يمنعك من الارتباط بالريم ..
محمد : اسمع سالفتي .. انا من صغري يقولون اني لبنت عمي ..وهي بعد من صغرها قايليلها انها بتكون زوجتي ..ونحن تربينا على هالشي .وانا طبعا ماعارضت على هالشي لان بنت عمي انسانه طيبه وخلوقه ومب انا اللي اقول هالشي ..كل العايله يمدحون فيها ..
ام خالد صكرت التلفون من عند ام ساره وكانت متضايقه وايد على خطوبة ساره .. لانها تحاتي صدمه خالد .. لان خالد للحينه مب مستوعب فقدان ساره..

نوره شافت امها متضايقه وراحت عندها..
نوره تشوف امها: خير يا امايه ليش متضايقه..
الام : بعد باجر يا بنتي خطوبة ساره ..
نوره: انصدمت : والله بهالسررعه.
الام : تعرفين فهد .. يباه ساره باسرع وقت .
نوره تتنهد: اااااااااااه .. الله يعينج يا ساره ..
الام تصد لنوره: قولي الله يعين اخوج ..
نوره : والله اخويه يعرف ان ساره راحت عنه ولازم يقتنع بهالشي..
الام : والله اني اخاف اخبره .
نوره : شوفي يا امايه محد يخبره اذا هو سالنا بنقوله واذا ما سال ما بنخبره..
الام :زين هو وينه الحينه.
نوره : شفته من شويه طالع ويوم سألته وين بيروح قالي بيروح عند ربيعه محمد..
الام : الله يوفقك يا خالد ويسعدك ..
وهني ادمعت ام خالد لانها متضايقه على ولدها لانها تعرف حب خالد لساره من طفولته..
راحت نوره تحصن امها وتواسيها: لا يا امي لا تصيحين فديتج دموعج غاليه ..
الام تمسح دموعها : احاتي على خالد ..والله أخاف يستخف ويتينن..
نوره : لا يا امي ..ما بيصير له الا الخير ..واهم شي انج تدعيله ترى دعاء الام مستجاب..
الام : والله اني ادعيله بكل سجود..

اما خالد فما يعرف عن خطوبة ساره وراح عند محمد .. لان خالد يحاول ينسى ساره بأي طريقه عشان جذي هو دايما يطلع بس مهما طلع وغير الجو والمكان ..حب ساره بعده في قلبه..

خالد ومحمد رايحيين المطعم عشان يتعشون..
محمد : شو رايك يا خالد نطلب اليوم وجبه بحريه ..
خالد : يا حبك يا محمد للأكلات البحريه..
محمد : والله ما شي احلى من الربيان وأم الربيان ..ممممممممم لذيذ..
خالد : خلاص على ذوقك اليوم بنطلب أكلات بحريه..
محمد يشوف ملامح خالد الحزينه.: خالد
خالد رفع راسه : هلا يا محمد..
محمد : بعدك زعلان ..
خالد : طبعا زعلان ..ليش اللي صار فيه شويه.. بس المهم غير السالفه ولا تكلمني عن ساره عشان ما أتضايق اوكي ..
محمد : خلاص على راحتك يالغالي ..
خالد : هي صح تذكرت ..مره قلت لي انك بتقولي سالفه عنك ..
محمد: أي سالفه..
خالد : انك تحب الريم بس ما تقدر تزوجها لان شي يمنعك من هالشي وللحينه ما خبرتني ..
محمد : والله زين اتذكرت سالفتي ..
خالد : السمحوحه يا محمد بس تعرف الظروف الصعبه اللي مرت عليه ..
محمد : لا يالغالي ..مسموح افا عليك ..
خالد : زين شو سالفتك وشو اللي يمنعك من الارتباط بالريم ..
محمد : اسمع سالفتي .. انا من صغري يقولون اني لبنت عمي ..وهي بعد من صغرها قايليلها انها بتكون زوجتي ..ونحن تربينا على هالشي .وانا طبعا ماعارضت على هالشي لان بنت عمي انسانه طيبه وخلوقه ومب انا اللي اقول هالشي ..كل العايله يمدحون فيها ..
خالد : زين وشو المشكله.
محمد: قبل ما تطلعلي الريم..ماكان شي أي مشكله ..لاني كنت موافق على هالشي .أو اصلا ما اقدر اقول هالشي لان راح تكون مشكله.. وأناماعارضت لانها انسانه محترمه وزينه بس...
وسكت محمد ..
خالد : وبس شو يا محمد ..كمل..
محمد : بس من أول ما طلعتلي الريم .والله يا خالد ما قدرت افكر الا فيها واحس اني اذا ما خذتها راح اتخبل واتينن..
خالد : يعني انت خاطب بنت عمك ..سويتو خطوبه .
محمد: لا لا بس كلام ..يعني كلام الاهل بس مب أكثر
خالد : ممممممممممممم ..والحين انت ما تبي بنت عمك ..تبى الريم صح .
محمد : هيه ..ما اقدر بدونها والله اني صرت ما احلم الا فيها والله حبيتها يا خالد حبيتها ..واذا عشت ويا بنت عمي راح أظلمها ..
خالد : وليش تظلمها؟
محمد : لان اذا تزوجتها تفكيري ماراح يكون لها وقلبي راح يكون متعلق في الريم ..
خالد : مممممممممممممممم شوف عندي الحل البسيط ..
محمد : والله ياريت تساعدني ..صدقني ماراح انسى جميلك..
خالد : بكل بساطه روح عند أمك وقولها اللي في قلبك وقولها انك حصلت على الانسانه اللي انت اخترتها ..مب اهلك اللي اختاروها ..لان القلب يوم يختار غير يوم الاهل يختارون ..
محمد فتح عيونه :شو تبى امي تذبحني
خالد: ليش امك عصبيه..
محمد : لا مب جذي ..بس تعرف اذا رفضت بنت عمي.. راح تصير مشكله كبيره بين العايله..
خالد : والله خلا تصير مشكله ولا انك تخسر الانسانه اللي حبيتها .
محمد : يعني من رايك اكلم الوالده
خالد : هي كلمها انت مب خسران ..وشوف الرد ..
محمد : اعرف ومتأكد انها بتعصب..
خالد : تعصب ولا متعصب اهم شي تفهمك وانت حاول تقنعها ..
محمد : على خير ان شا ء الله ..بكلم الوالده بأقرب وقت وان شاء الله تفهمني ..
خالد : ان شاء الله ..

ومحمد كان متردد يكلم امه لان يعرف ان امه مارح توافق انه ياخذ غير بنت عمه .. لان المشكله راح تكبر اذا رفض